Bi pertsona atxilotu dituzte Murtzian, ia 100.000 euroko iruzurra egiteagatik Gipuzkoako Udal bati eta enpresaburu bati
Susmagarriek "Man in the middle" metodoa erabiltzen zuten ordaintzeke zeuden fakturetan aldaketak eginez zenbatekoa euren kontuetan jasotzeko.
Ertzaintzaren Gipuzkoako Ikerketa Kriminaleko Lurralde Zerbitzuak (SICTG) eta Guardia Zibilaren Arroba Cartagena taldeak elkarrekin egindako ikerketa baten baitan, 22 eta 26 urteko bi pertsona atxilotu dituzte Murtziako Alhaman, iruzur egitea eta sistema informatikoetan legez kanpo sartzea egotzita. Susmagarriek ia 100.000 euroko iruzurra egin zuten, tartean Gipuzkoako Udal bati eta Murtziako Fuente Alamo herriko enpresari bati, "Man in the middle" metodoa erabiliz.
Segurtasun Sailak jakinarazi duenez, 2024an Ertzaintzaren SICTGko IKERNET Ziberkriminalitate Taldeak bere gain hartu zuen Gipuzkoako Udal batek ustez jasandako iruzur delitu bat ikertzeko ardura.
Iruzur hori "Man in the middle" modalitatearen bidez egin zen, hau da, enpresa eta erakundeen arteko komunikazioak atzeman zituzten eta ordaintzeke zeuden fakturak eskuratu zituzten, zegokion unean manipulatu eta kontu zenbakia aldatuz dirua iruzurgileen kontuetara bideratzeko.
Metodologia horren bidez egin zioten 41.382 euroko siruzurra Gipuzkoako Udal bati. Gainera, kasu hori ikertzen ari zirela, ohartu ziren Murtziako Fuente Alamo herriko enpresaburu bati ere iruzur bera egin ziotela eta 55.000 euro baino gehiago ostu zizkiotela.
Bi atxilotuak, 22 eta 26 urtekoak, instrukzioaz arduratzen diren Tolosako eta Cartagenako epaitegien esku utzi dituzte. Ertzaintzak, berriz, ikertzen jarraitzen du, antzeko beste kasu batzuk gertatu ote diren argitzeko.
Zure interesekoa izan daiteke
Muskizko La Arena hondartzatik gertuko sastraka batzuek su hartu dute eta keak eragina izan du A-8an
Sastraka batzuek su hartu dute Muskizko Arena hondartza inguruan, eta A-8aren zirkulazioan eragina izan du. Larrialdi-zerbitzuek emandako informazioaren arabera, A-8 autobideko erreietako batean eragina izan du suteak, eta, ondorioz, arazoak izan dira zirkulazioan. Suhiltzaileek lan egin dute sugarrak kontrolatzeko eta sua inguruko beste eremu batzuetara zabaltzea saihesteko.
Bizirik topatu dute Gasteizen desagertutako 56 urteko emakumea
Desagerpenak kezka sortu zuen eta mobilizazio handia eragin zuen sare sozialetan.
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.
Eusko Jaurlaritzaren "kriminalizazio kanpaina" eta Ertzaintzaren "basakeria" salatu dute milaka pertsonak Bilbon
Milaka lagun eta gizarte eragile, Global Sumud Euskal Herriako kideak tartean, bildu dira arratsaldean Bilbon, "Poliziaren zigorgabetasunaren eta errepresioaren aurka" protesta egiteko. Eusko Jaurlaritzak "herri mugimenduaren aurka egindako kriminalizazio kanpaina" eta "Ertzaintzaren basakeria" salatu nahi izan dute, eta EAJk "protestarako eskubidea bere interesekoa denera mugatzen duela" ohartarazi dute.
Ia 48.000 pertsonak hartu dute parte Osakidetzako EPEaren bigarren egunean, eta beste 43.000ren txanda izango da igandean
Ostiralean hasi eta igandera bitartean, bederatzi kategoria profesionaletako aztekerketak ari dira egiten BECen. 101.000 hautagai dira orotara, 3.764 lanpostu betetzeko.
Hainbat pertsona artatu dituzte Gasteizko lantegi abandonatu batean izandako sutean kea arnasteagatik
Sua 10:30 inguruan piztu da, URSSA fabrikaren eraikin zaharrean, eta suhiltzaileak, Ertzaintzako agenteak eta osasun-langileak bertaratu dira. 44 urteko emakume bat atxilotu dute ustez sutea eragin duelakoan.
Bardeako Ferial urtegiaren ondoan piztutako baso-sutea kontrolpean hartu dute
Dispositibo berezi batek sua geldiarazi du, baina 4-5 hektarea zuhaizti kiskali dira. Bero handieneko denboraldiaren hasieran arreta handiz ibiltzeko eskatu dute agintariek.
Gizon bat atxilotu dute Barakaldon, Poliziarengandik ihesi zihoala bost ibilgailurekin talka egin eta zortzi pertsona zauritu ostean
Polizia iturrien arabera, agenteak berarengana hurbildu ziren, ustez estupefazienteak kontsumitu ostean kotxea gidatzera zihoalako.
Epaileak aske utzi ditu Hezbollahrekin zerikusia dutelakoan Bizkaian atxilotutako bi lagunak
Pasaportea kendu diete eta 15 egunean behin epaitegian agertu beharko dute. Bi gazteak "inperialismo genozida salatzearen aurkako kanpaina bat" salatu duen Iranekin bat plataformako kideak dira.
Emakume bat hil da Tuteran izandako auto istripu batean
Ezbeharra NA-134 errepidean gertatu da, ostiral arratsaldean. Emakumeak zeraman autoak kamioi bat jo du aurrez aurre.