Emakume bat atxilotu eta bi gizon ikertu dituzte Gipuzkoan adinekoei bitxiak lapurtu eta 11.000 euro baino gehiagoren truke saltzeagatik
Atxilotutako emakumeak zaintzaile gisa egiten zuen lan adinekoen egoitzetan eta etxebizitzetan, eta bertan lapurtzen omen zituen bitxiak. Ertzaintzak pieza ugari berreskuratu ditu Azpeitian egindako miaketa batean.
48 urteko emakume bat atxilotu dute Azpeitian, Gipuzkoako etxebizitza partikularretan eta adinekoen egoitzetan bitxiak eta erlojuak lapurtzea egotzita. Horrez gain, 61 urteko eta 26 urteko bi gizonezko atxilotu dituzte, gertakariarekin zerikusia dutelakoan.
Ikerketa 2025. urtearen amaieran hasi zen, hainbat pertsonak etxebizitzatan eta egoitza-zentrotan bitxiak desagertu zirela salatu ondoren. Ertzaintzaren ikerketei esker jakin dutenez, zaintzaileak hainbat pieza (urrezkoak, gehienbat) eta erlojuak bereganatzeko baliatzen zuen bere lana.
Ikerketaren arabera, bitxiak bikotekideari eta bien semeari ematen zizkieten, eta urrea salerosteko establezimenduetan eta bitxigintzan saltzen zituzten. Ustez, 11.000 eurotik gorako irabaziak lortu dituzte hirurek eragiketa horien bidez.
Urola Kostako ertzainek, Txakurren Unitatearen laguntzarekin, susmagarrien etxebizitza miatu dute ostegun goizean Azpeitian, eta hirurak eta lapurretak lotzen dituzten hainbat bitxi eta dokumentazio konfiskatu dizkiete.
Hainbat delituren ustezko egile gisa atxilotu dute emakumea, eta talde kriminal batean egindako ebasketa astundua, konfiantza-abusua, errezibitzea eta kapitalak zuritzea egotzi dizkiote. Gizonak, berriz, gertakari berberengatik jarri dituzte ikerketapean.
Atxilotua ertzain-etxera eraman dute, eta beharrezko eginbideak amaitutakoan utziko dute epailearen esku.
Zure interesekoa izan daiteke
Labankadaz hil dute emakume bat Madrilen, eta hilketa matxista posibletzat ikertzen ari dira
Gasteiz eta Bilbo arteko N-222 errepidea itxita dago, kamioi batek istripua izan ondoren
4.700 lagun baino gehiago txertoguneen lehen egunean
Ibai azpiko tunelaren lanak hasi dira Sestaon
Bengoetxearen ustez, azterketak berriz planteatu behar dira, adimen artifizialaren eraginez
Gaixotasun profesionaltzat jo dute ospitale batean kutsatu zen zeladore baten covid iraunkorra
Sexuak eta maila ekonomikoak eragina dute osasunerako arrisku faktore nagusietan, OMEren arabera
Frankismoari lotutako bi kaleren izenak aldatuko dituzte Gasteizen, eta Paz Diaz de Espada eta Frida Kahlo deituko dira aurrerantzean
Osakidetzako filtrazioengatik epaitutako oposiziogileak aitaginarrebak prestatutako 50 galderetatik 48 asmatu zituen, lekuko baten arabera
