Baionako gotzainak Urruñako erretorea baztertu du adingabe batek sexu-abusu salaketa jarri diolako
Marc Ailletek Baionako elizbarrutian apaiz gisa jardutea debekatu dio Xavier Zabaletari, Besiers herrian adingabe bati ustez egindako abusuen salaketa baten berri izan ostean. Zabaletak ukatu egin ditu akusazioak.
Urruñako San Bixintxo eliza.
Marc Aillet Baiona, Leskarre eta Oloroeko gotzainak, Urruñako erretorea, Xavier Zabaleta donostiarra, apaiz gisa dituen funtzio publikoetatik baztertu du, adingabe bati ustez sexu-abusuak egiteagatik bere aurka jarritako salaketa baten berri izan ondoren; Urruñara iritsi aurrekoak omen dira gertaerak. Zabaletak ukatu egin ditu leporatzen zaizkion delituak.
Montpellierko artzapezpikuak 2024ko ekainaren 14an aurkeztu zuen salaketa Besiersko Fiskaltzaren aurrean. Herri horretan gertatu omen ziren aipatu abusuak, Zabaletak bertan lan egiten zuen garaian. Salaketa, beraz, lehenagokoa bada ere, Baionako apezpikutzak ez du horren berri izan aurtengo martxoaren 11ra arte.
Ailletek ohar batean azaldu duenez, Besiersko fiskalak diskrezioari eustea eskatu zion, eta ez abiatzea Zabaletaren kontrako prozedurarik, harik eta horrek Poliziaren aurrean hitz egin arte, haren egoeraren berri eduki eta, ondorioz, ikerketa arriskuan jartzea saihesteko.
Galdeketa hori egin ondoren, joan den ekainaren 3an, Ailletek kautelazko neurri zorrotzak hartu ditu bere aurka. Zehazki, Baionako elizbarrutian edozein ministerio publikotan jardutea debekatu dio, baita aitorpenak ematea ere.
Aita Xavier Zabaleta, Jesusen Bihotz Sakratuaren kongregazioko kidea, Urruñako San Bixintxo elizan aritu da 2022ko irailaren 1etik aurrera, kongregazioko agintariekin hiru urterako egindako akordio batekin.
Horren harira, Aillet gotzainak oharrean azaldu duenez, aita Zabaletaren lagapen hitzarmena amaitu denez, Baionako elizbarrutian izan dituen eginkizunak ere amaitu dira. Abadea bere erlijio-elkartera itzuli da, zeinak "babesa emango dion aurrerantzean".
Baionako elizbarrutia prest agertu da "agintari judizialekin erabateko lankidetza izateko, egia osoa ezartzen dela bermatzeko". Era berean, Zabaletaren errugabetasun presuntzioari eutsiko diola ziurtatu du.
Zure interesekoa izan daiteke
Los Gallardoseko sutea ez da hedatu eta badirudi aurki egonkortzeko modua izango dutela
Haizeak eta hezetasun mailak arnasaldia eman dute eta aukera baliatu dute suhiltzaileek hura kontrolpean hartzen saiatzeko. "Suak ez du aurrera egin gaur", jakinarazi du pozarren Bolaños ministroak.
Gizon bat atxilotu dute Santutxuko meskita batean pintaketak egiteagatik, gorroto-delitua egotzita
Gertakariak 09:30ean jazo dira. Ertzaintzak abisu bat jaso du, ohartaraziz pertsona bat pintaketak egiten ari zela komunitate musulmanaren aurkako gorroto-adierazpenekin.
Jose Escolarren zezenek entzierro arriskutsua osatu dute, eta korrikalari batek adarkada jaso du aurpegian
Taldean atera dira, baina azkenean batzuk atzean geratu eta une arriskutsuak izan dira, baina baita lasterketa ikusgarriak ere. Lehenengo balantzearen arabera, 14 dira zaurituak, eta batek adarkada jaso du aurpegian.
Emakume batek sexu erasoa salatu du bart sanferminetan
Ustezko erasotzailea atxilotuta dago. Gainera, beste hiru salaketa izan dira, ukituengatik. Horietako baten ustezko egilea atxilotu eta espetxera bidali dute, aurrekariak baitzituen. Iruñeko Udalak eraso sexistak gaitzetsi ditu.
Iruñea, jendez lepo, sanferminetako asteburu bakarrean
Txoko guztietako bisitariak bildu ditu sanfermin hauetako asteburu bakarrak. Ostalariek ere jende gehiago nabaritzen dute. Edonola ere, azken urteetan, bisitari gutxixeago etorri den irudipena dute batzuek. Aurtengo sanferminak itogarriak izaten ari dira, ia 40 ºC ingururekin egunero.
Aisialdi zentro bateko begirale batek egindako sexu-erasoak salatu dituzte Tarnosen
Elkarretaratzea egin dute Landetako Tarnos herrian, aisialdi zentroko begirale batek egindako sexu erasoak salatzeko. Sei haur txiki izan dira biktimak, eta beraiei baita familiei ere elkartasuna erakutsi nahi izan diete. Begiralea atxilotu dute, sexu erasoak leporatuta.
Kamioiek Gasteiz hartu dute San Kristobal egunean, ibilgailuak bedeinkatzeko
San Kristobal jaiak Arabako Garraio Elkarteko garraiolariak bildu ditu larunbat honetan. Ekitaldian, kamioien ohiko desfilea eta ibilgailuen bedeinkapena izan dira protagonista. Horrela eman diete amaiera auzoko ospakizunei.
Zuiako Udalak ur mozketak egingo ditu gauez hornidura bermatzeko
Mozketa 22:00etatik 08:00etara dago indarrean, atzotik. Gainera, udal igerilekuetako dutxak erabiltzea debekatuta egongo da aurrerantzean.
Beroagatik ezarritako alerta abisu horira jaitsi dute EAEn; Nafarroa erdialdean eta Iparraldean alerta mailari eutsiko diote
Arabak alertapean jarraituko du baso sute arriskuagatik. Abisu maila gorabehera, sargori egiten jarraituko du: maximoak 30 ºC-koak izango dira kostaldean, eta 37-38 ºC-koak, barnealdean. Astelehenean behera egingo dute tenperaturek.
Ezkaraiko sutea egonkortu dute, 115 hektarea inguru kiskali ostean
Dirudienez, Ayabarrena herrixkako sutea ostegunean piztu zen, ekaitzean botatako tximista baten eraginez.