EHUko Uda Ikastaroen 45. edizioak ezagutza partekatua, zaintza eta berrikuntza izango ditu ardatz
Astelehen honetan aurkeztu den programa ekainaren 30ean hasiko da, eta 133 prestakuntza-ziklo eta 29 tailer eskainiko ditu.
Astelehen honetan aurkeztu dute EHUko Uda Ikastaroen 45. edizioa. Argazkia: Europa Press
Ezagutza partekatua, zaintza eta berrikuntza izango dira EHUko Uda Ikastaroak Fundazioak (UIK) ekaina eta iraila bitartean Donostian, Bilbon, Gasteizen eta Baionan egingo dituen Uda Ikastaroen 45. edizioaren ardatz nagusiak. Pentsatzen duzulako gara lelopean, 133 ziklo eta 29 tailer eskainiko dituzte, Begoña Pedrosa Hezkuntza sailburuak, Joxerramon Bengoetxea EHUko errektoreak eta Idoia Otaegui UIKen zuzendariak astelehen honetan jakitera eman dutenez.
Antolatzaileek, agerraldian, azaldu dute aurtengo programa Aramaion, Ataunen, Beasainen, Bermeon, Gernika-Lumon, Irunen, Lesakan, Oñatin, Ordizian eta Zaldibian ere egingo dela, eta "kalitatezko prestakuntza-eskaintza" proposatuko duela, "begirada pluralarekin", "gaurkotasuneko gai handiei erantzuteko".
Imanol Pradales lehendakariak irekiko ditu ofizialki Uda Ikastaroak ekainaren 30ean, Donostiako Miramar jauregian. Ekitaldi horretan, Daniel Innerarity Filosofia Politikoko katedradun, EHUko Ikerbasqueko ikertzaile eta Gobernantza Demokratikoaren Institutuko zuzendariak inaugurazio-hitzaldia emango du, “Demokraziaren etorkizuna” izenburupean.
Askotariko gaiak
Aurtengo programazioak arreta berezia jarriko du zientzian, teknologian eta berrikuntzan, etikari, osasun mentalari, osasun digitalari, datuen erabilerari eta berrikuntza publikoari buruzko ikastaroekin. Adimen artifizialak hezkuntzan duen eraginari ere helduko diote, eta dakartzan aukerak, arriskuak eta prestakuntza-beharrak aztertuko dituzte.
Hezkuntzaren esparruan, irakasleak prestatzeko mintegi ugari egongo dira aukeran, gaur egungo erronketan oinarrituta: buru-osasuna, suizidioaren prebentzioa, gaitasunen ebaluazioa, genero-identitateak, neurodibergentzia, pantailen erabilera, sexu-hezkuntza eta eskola-gobernantza.
Azkenik, politikak ere protagonismoa izango du, euskal autogobernuaren 90. urteurrenari buruzko ikastaro batekin. Gainera, zainketekin, kohesio sozialarekin, berdintasunarekin, desgaitasunarekin, zahartzearekin, berrikuntzarekin eta kulturarekin lotutako jarduerak izango ditu programak. Donostiako 25. Orfeoi saria ospatzeko ekitaldia egingo dela nabarmendu beharra dago.
Zure interesekoa izan daiteke
Istilurik ez euskal hiriburuetan, Blocusek txikizioak eragiteko dei egin arren
1.000 pertsona inguru identifikatu dituzte Bartzelonan, istiluak ekiditeko kontroletan
EAEko hiriburuak, balizko istiluen beldur
12 atxilotu Baionan, bizitzaren garestitzea salatzeko protesten hirugarren larunbatean
Euskadiko sahararrak ospakizun betean, NBEk Minurso misioa berritzerik izan ez duelako
Elkarretaratzea Gobelan, Romo FC klubeko entrenatzailea sexu-askatasunaren aurkako delituengatik kartzelara bidali ondoren
Bi gazte espetxeratuta Valentzian Blocusekin lotuta, eta fidantzarik gabe behin-behinean aske Bilbon atxilotutakoa
Bi pertsona atxilotu dituzte Galdakaon puntzoi batekin eta metalezko barra batekin beste biri eraso egitea egotzita
Mugako kontrolak Biriatun eta Behobian, manifestazioak direla eta
