LEON XIV.AREN BISITA

Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Espainiako Gobernuak preskripzio epea zabaltzeko legea blokeatu duela salatu dute Elizaren abusuen biktimek

Reparacion Integral Ya (RIYA) elkarteak Leon XIV.a aita santuari eskatu dio pederastia delituen preskripzio epeak luzatzearen alde egiteko. Halaber, Felix Bolaños Presidentetzarako eta Memoria Demokratikorako ministroak Kongresuan agerraldia egin dezala eskatzeko galdegin die talde parlamentarioei.

víctimas abusos iglesia asociación reparación integral ya

Reparacion Integral Ya elkartearen elkarretaratzea Nuntziatura apostolikoaren aurrean, Madrilen. Artxiboko argazkia: EFE

Agentziak | EITB

Azken eguneratzea

Elizaren sexu abusuen biktimen Reparacion Integral Ya (RIYA) elkarteak astelehen honetan salatu duenez, Espainiako Gobernuak preskripzio epea zabaldu asmo duen legea geldiarazi du Pedro Sanchez gobernuburuak Leon XIV.a aita santuarekin argazkia ateratzearen truke. 

Hori dela eta, talde parlamentarioei eskatu die Felix Bolaños Presidentetzarako eta Memoria Demokratikorako ministroaren agerraldia egitea eskatu dezatela Kongresuan. Miguel Hurtado RIYA elkartearen bozeramaileak azaldu duenez, eskaera egingo dutela adierazi diete talde parlamentario batzuek. 

Bestalde, RIYA elkarteak Leon XIV.a aita santuari eskatu dio pederastia delituen preskripzio epeak luzatzearen alde egiteko. "Urrezko bi aukera ditu: gaur egin dezake, Diputatuen Kongresuan, ala asteazkenean egin dezake, Montserrateko abadiara doanean, Kataluniako Elizaren sexu-abusuen zero gunean", azpimarratu du.

Leon XIV Aita Santua Eguneko Titularrak Eliza Katolikoa Gizartea Sexu erasoak

Zure interesekoa izan daiteke

Gehiago ikusi
Publizitatea
X