Topaketa
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Elizaren sexu-abusuen 6 biktimarekin bildu da aita santua, ordubetez

Vatikanoko prentsa bulegoak jakinarazi duenez, aita santuak hitzeman die kontuan hartuko dituela jasotako proposamenak "etorkizuneko ahaleginetarako oinarri izan daitezen eta Eliza leku benetan segurua izan dadin".

León XIV

Agentziak | EITB

Azken eguneratzea

Elizgizonen sexu-abusuen sei biktimarekin bildu da aita santua, ordubetez, gaur, astelehenarekin. Biktimak "adeitasunez eta arretaz" entzun ditu Leon XIV.ak.

Vatikanoko prentsa bulegoak jakinarazi duenez, aita santuak hitzeman die kontuan hartuko dituela jasotako proposamenak "etorkizuneko ahaleginetarako oinarri izan daitezen eta Eliza leku benetan segurua izan dadin".

Vatikanoak ez du batzarraren inguruko xehetasun gehiagorik eman

 
"Gaur, ekainaren 8an, bilera izan dute aita santuak eta Espainiako zenbait elizgizonek egindako sexu-abusuen biktima izan diren hainbat lagunek. Hitzordu horretan, biktimei laguntzeko konpromisoa azaldu dute elizgizonek", jakinarazi dute ohar batean.
 
Vatikanoak ez du bileran egon diren biktimen izen-abizenik eman, ezta Repara erakundekoak diren ala ez zehaztu ere. 
 
Hartu-emanean, "biktimek beren esperientzien berri eman diote Leon XIV.ari, eta hainbat proposamen egin dizkiote Elizak abusu kasuen aurrean erantzun eraginkorra eman dezan".
 
Leon XIV Aita Santua Munduko albisteak Eliza Katolikoa Gizartea

Zure interesekoa izan daiteke

Gehiago ikusi
Publizitatea
X