Noiz jakingo ditugu USaPeko notak?
Datorren astelehenean, ekainaren 22an, unibertsitatera sartzeko probetako behin betiko notak argitaratuko dira, baina ikasleek azken aukera bat izango dute: azterketak ikustea.
Ikasle bat, azterketan. Argazkia: Europa Press.
Euskal Herriko Unibertsitateko (EHU) Graduko Ikasketetara Sartzeko eta Onartzeko Prozedurak jasotzen duenez, Euskadiko Unibertsitatera Sartzeko Probako azterketen berrikuspenek beste zuzenketa bat barne hartzen dute, eta bigarren bat, kasu jakin batzuetan.
Fase horretan daude aurtengo azterketan lortutako kalifikazioekin ados ez dauden ikasleen erreklamazioak, eta datorren astelehenean, ekainaren 22an, ebatzi eta argitaratuko dira.
Prozesu hori amaitutakoan, ikasleek ariketak ikusteko eska dezakete.
Lehenengo urratsa, zuzenketa berria eskatzea
Kalifikazioak argitaratu ondoren, ikasleek epe bat dute —agortuta dago jada— dagokion epaimahai kalifikatzaileko presidentearen aurrean ebaluazio-irizpide orokorrak eta zuzenketa- eta kalifikazio-irizpide espezifikoak "gaizki aplikatu" direla uste duten ariketak berrikusteko eskaera aurkezteko.
Oraingo honetan, hasierako zuzenketa egin zuenaz bestelako irakasle espezialista batek zuzenduko ditu berrikusi beharreko ariketak.
Irakasle horrek egiaztatu egin behar du alderdi guztiak ebaluatu direla eta kalifikazioa kalkulatzeko prozesuan ez dagoela errore material zein aritmetikorik. Nota aldatu behar dela uste badu, kalifikazioa zuzenduko du; nolanahi ere, kalifikazioa ezin izango da hasierako zuzenketan emandakoa baino txikiagoa izan.
Izapide hori bete ondoren, azterketaren bigarren zuzenketa osoa egiten da. Azken kalifikazioa izango da hasierako zuzenketaren edo, hala badagokio, lehenengo egiaztapenean zuzendutakoaren eta bigarren zuzenketan emandakoaren arteko batezbesteko aritmetikoa.
Eta desadostasun esanguratsurik badago?
Bi kalifikazio horien (hasierakoa eta berrikuspenaren ondorengoa) artean bi puntu edo gehiagoko aldea badago, aurrekoez bestelako bi pertsonak hirugarren zuzenketa bat egingo dute, ofizioz. Kasu horretan, azken kalifikazioa bi pertsona horiek adostutakoa izango da, eta behin betikoa izango da.
Puntu horretan daude, hain zuzen ere, euskal ikasleek eskatutako berrikuspenak, eta EHUk datorren astelehenean, ekainaren 22an, argitaratuko du jasotako egiaztapen-eskaera guztien behin betiko ebazpena. Halaber, egondako erreklamazio kopurua ere jakinaraziko du.
Emaitza errekurritu daiteke?
Bai, ebazpen horren aurka berraztertzeko errekurtsoa aurkez dakioke ebazpena ematen duen organoari, edo zuzenean administrazioarekiko auzien jurisdikzioan.
Ikasleek azterketa zuzenduta ikus dezakete?
Bai, azken aukera gisa, ikasleek azterketak ikusteko ere eska dezakete. Horretarako, eskaera egin beharko dute ekainaren 23a eta 24a bitartean.
Zure interesekoa izan daiteke
Elkanok munduari buelta eman eta jaioterrira itzuli zen unea antzeztu dute Getarian
Aurten, lehen aldiz, Mikel Larrañagak egin du Elkanoren papera, eta Saioa Etxeberria izan da tripulante modura irten den lehen emakumea. Lau urterik behin ospatzen du Getariak Elkanoren iritsiera, munduari bira eman ostean.
Alejandrak 2.000 euro galdu ditu Bilboko etxebizitza baten alokairuaren iruzurrean
Kaltetuak salatu duenez, 2.000 euroko iruzurra egin diote hainbat pertsonari aldi berean eskainitako etxebizitza bat alokatzeagatik. Iruzurrez galdutako dirua eta beste bizitoki bat alokatzeko erabili beharrekoa gehituta, galerak 4.000 eurokoak direla azaldu du.
Iraulitako kamioi batek 31 kilometroko auto-ilarak eragin ditu Baiona inguruan
22:00etatik aurrera, A-63 errepidea erabat itxita egongo da 3 orduz, gutxi gorabehera, ibilgailua erretiratzeko.
Gutxienez 12 salaketa aurkeztu dituzte Bilbon etxebizitza turistiko bat alokatuta iruzurra egin zuen gizonaren aurka
EITBk biktimetako biren testigantzak jaso ditu. Iruzurgileak Airbnb bidez alokatu zuen pisua, hiru egunez. Ordu gutxi batzuetan, benetako jabeak ezer jakin gabe, dozena bat pertsonari alokatu zien. Ertzaintzak ikerketa abiatu du, gizona harrapatu eta biktimek galdutako dirua berreskura dezaten.
Mila pertsona inguru etxetik atera dituzte Baionako erdigunean gas-isuri baten ondorioz
Baionako hiriguneko mila bizilagun etxetik irtenarazi dituzte bart, gas-ihes bat dela eta; ondorioz, segurtasun dispositibo handia aktibatu behar izan dute. Suhiltzaileek 100 metroko perimetroa itxi dute, eta goizaldeko ordu bata arte ezin izan dute etxera itzuli.
Espainiak eskatutakoari entzungor eginez, Schengen berrezartzeari ezetz esan dio Italiak
Ceutan piztutako krisiaren harira, Schengen akordioa eten eta mugetan kontrolak egiteari ekin zion abuztuaren 1ean Meloniren gobernuak. Espainiako Gobernuak igandera arteko epea eman dio Italiakoari neurria bertan behera uzteko, baina Meloniren gobernuak lehengo lepotik du burua: "Abuztuaren 15etik aurrera aztertuko dugu gaia".
Eguzki eklipseak tren gehiago eta mugikortasun zerbitzu indartua ekarriko ditu abuztuaren 12an
Abuztuaren 12an izango da ikusgai, iluntzean. Milaka pertsona erakartzea espero den fenomeno horren aurrean, administrazioek segurtasun dispositibo zabala prestatu dute, mugikortasun segurua eta antolatua bermatzeko helburuarekin.
'Atyla' itsasontzi historikoan sartuko gara, 'Game of Thrones'en unibertsoko targaryendarren ontzian
Ontzia 1980a eta 1984a bitartean egin zuten Lekeition (Bizkaia), artisau moduan, pinu, haritz eta iroko egurra erabiliz. Itsasontzia Donostiako portuko kaian bisitatu ahalko da asteburu honetan, 11:00etatik 14:00etara eta 17:00etatik 21:00etara.
EITBk zuzenean eskainiko du abuztuko eguzki eklipse historikoa, hainbat seinale eta bi globo estratosferiko baliatuz
Saio berezia 19:30etik aurrera izango da ikusgai ETBn, ETB ONen eta ORAINen. Horrez gain, EITBk Eklipse Gaua antolatu du Donostiako Saguesen: eklipsea zuzenean ikusteko pantailak, musika eta behaketa modu seguruan egiteko betaurrekoak izango dira bertan.
Luciaren amesgaiztoa Bilbon: pisu "perfektua" alokatu, eta hiru egunen buruan, maula baten biktima dela konturatu
Bi seme-alaba dituen venezuelar batek 2.000 euro ordaindu ditu Deustun alokairuko etxebizitza batengatik, baina etxea apartamentu turistiko bat da berez. Iruzurgileak gutxienez 10 pertsonari alokatu die, tartean Luciari berari. Biktima horrekin mintzatu da EITB.