Eguzki eklipseak tren gehiago eta mugikortasun zerbitzu indartua ekarriko ditu abuztuaren 12an
Abuztuaren 12an izango da ikusgai, iluntzean. Milaka pertsona erakartzea espero den fenomeno horren aurrean, administrazioek segurtasun dispositibo zabala prestatu dute, mugikortasun segurua eta antolatua bermatzeko helburuarekin.
Emakume bat, eklipsea ikusteko betaurreko bereziekin. Artxiboko argazkia: Europa Press
Garraio eta Mugikortasun Jasangarriaren Ministerioak segurtasun dispositibo berezia jarriko du martxan asteazkenean, abuztuaren 12an, egun horretan izango den eguzki eklipse osoa dela eta. Herritarren mugikortasuna erraztea da helburua, fenomenoa behatzeko gune nagusietara egingo diren joan-etorriei erantzuteaz gain.
Horrela, Renfek, adibidez, distantzia ertaineko tren-zerbitzuak indartuko ditu, bereziki Euskal Herrian, Kantabrian, Asturiasen, Galizian eta Gaztela eta Leongo iparraldean. Horrez gain, linea askotan edukiera handituko du, eta aldiriko zerbitzuetan ere eskaintza zabalduko du, eskaera handiena duten ibilbideetan.
Errepideetan, Errepideen Zuzendaritza Nagusiak eta Trafikoko Zuzendaritza Nagusiak (DGT) neurri bereziak koordinatuko dituzte, egun horretan zirkulazioan sor daitezkeen eraginak ahalik eta txikienak izan daitezen. Izan ere, eklipsea behatzeko guneetan ibilgailu pilaketa handia espero da.
Halaber, itsas eremuko neurri bereziak ere jasotzen ditu segurtasun dispositiboak. Merkataritza Itsasertzaren Zuzendaritza Nagusiak gomendioak eman ditu aisialdiko ontzien patroientzat, eta Itsas Salbamenduak bere baliabideak indartuko ditu, balizko larrialdiei aurre egiteko: Salvamar klaseko 14 ontzi, 10 txalupa eta 2 atoiontzi izango ditu prest.
Aireportuetan, Aenak dispositibo berezia jarriko du martxan bidaiariei informazioa emateko, eta eklipseak iraun bitartean hurbilketa argiztapena egokituko du. Hala ere, ez dago aurreikusita aireko joan-etorri gehiago eskaintzea, egun aurreikusitakoa nahikoa dela uste baitu.
Bestalde, Aire Segurtasunerako Estatuko Agentziak (AESA) gogorarazi du droneen erabilerak indarrean dagoen araudia zorrotz bete beharko duela, eta azpimarratu du debekatuta dagoela edozein ekitalditan bildutako pertsonen gainetik hegan egitea.
Eguzki eklipse osoa abuztuaren 12an izango da ikusgai, ilunabarrean. Milaka lagun erakartzea espero den fenomeno horren aurrean, administrazioek dispositibo zabala prestatu dute mugikortasun segurua bermatzeko.
Zure interesekoa izan daiteke
Mila pertsona inguru etxetik atera dituzte Baionako erdigunean gas-isuri baten ondorioz
Baionako hiriguneko mila bizilagun etxetik irtenarazi dituzte bart, gas-ihes bat dela eta; ondorioz, segurtasun dispositibo handia aktibatu behar izan dute. Suhiltzaileek 100 metroko perimetroa itxi dute, eta goizaldeko ordu bata arte ezin izan dute etxera itzuli.
Espainiak eskatutakoari entzungor, Schengen berrezartzeari ezetz esan dio Italiak
Ceutan piztutako krisiaren harira, Schengen akordioa eten eta mugetan kontrolak egiteari ekin zion abuztuaren 1ean Meloniren gobernuak. Espainiak igandera arteko epea eman dio Erromari neurria bertan behera uzteko, baina horrek lehengo lepotik burua: "Abuztuaren 15etik aurrera aztertuko dugu gaia".
'Atyla' itsasontzi historikoan sartuko gara, 'Game of Thrones'en unibertsoko targaryendarren ontzian
Ontzia 1980a eta 1984a bitartean egin zuten Lekeition (Bizkaia), artisau moduan, pinu, haritz eta iroko egurra erabiliz. Itsasontzia Donostiako portuko kaian bisitatu ahalko da asteburu honetan, 11:00etatik 14:00etara eta 17:00etatik 21:00etara.
EITBk zuzenean eskainiko du abuztuko eguzki eklipse historikoa, hainbat seinale eta bi globo estratosferiko baliatuz
Saio berezia 19:30etik aurrera izango da ikusgai ETBn, ETB ONen eta ORAINen. Horrez gain, EITBk Eklipse Gaua antolatu du Donostiako Saguesen: eklipsea zuzenean ikusteko pantailak, musika eta behaketa modu seguruan egiteko betaurrekoak izango dira bertan.
Luciaren amesgaiztoa Bilbon: pisu "perfektua" alokatu, eta hiru egunen buruan, maula baten biktima dela konturatu
Bi seme-alaba dituen venezuelar batek 2.000 euro ordaindu ditu Deustun alokairuko etxebizitza batengatik, baina etxea apartamentu turistiko bat da berez. Iruzurgileak gutxienez 10 pertsonari alokatu die, tartean Luciari berari. Biktima horrekin mintzatu da EITB.
Zeledon Txikik eta Edurnek giro aparta sortu dute Andre Maria Zuriaren plazan, Txikien Egunean
Ekain Gonzalez eta Haizea Lauzurica izan dira Zeledon Txikiren eta Edurneren jaitsieraren protagonistak, Gasteizko jaietako haurrek gehien espero duten ekitaldietako batean.
Kerman Villateren familiak gezurtatu egin du Gasteizko Udalak barne ikerketa egin izana
Gasteizko Mitika diskotekako atezain baten kolpe baten ondorioz hildako gaztearen familiak Maider Etxebarria alkatearen adierazpenei erantzun die, eta esan du Udalak ez duela inoiz ikerketa bat egin gertatutakoa argitzeko. Gainera, eskatutako dokumentazioa emateko eta justiziarekin elkarlanean aritzeko eskatu diote Udalari.
Ander Zubillagak omenaldia egin die Biescasko biktimei tragediaren 30. urteurrenean
Uholde batek Biescasko Las Nieves kanpina suntsitu zuen 1996ko abuztuaren 7an, Arasko sakanean bat-bateko ur-goraldi bat izan ondoren. 87 pertsona hil eta 187 zauritu ziren. Ander Zubillaga gitarrista tolosarrak 6 urte eskasekin bizi izan zuen tragedia hura.
Juan Sebastian Elkanoren lehorreratzea antzeztuko dute Getarian ostiral honetan
EITBk zuzenean emango du Orain.eus atarian, ETB1en eta ETB ONen, 16:45etik aurrera, lau urtean behin egiten den ekitaldi honen berri.