Iganderako aurreikusitako hainbat ekitaldi bertan behera utzi dituzte, bero handia dela eta
Bilbon, hiribilduaren sorreraren 726. urteurrenaren desfile ofiziala ez dute egingo. Bestalde, Gogorak bertan behera utzi du Artxandan egin behar zuen gudari eta milizianoen omenaldia. Sopelan, Kosta Trail mendi lasterketa bertan behera geratu da, eta Barakaldon hainbat ekitaldi moldatu dituzte.
Kontxako hondartza lepo, egun sargori batean. Argazkia: EFE
Sargori egingo du igandean, eta iragarpena kontuan hartuta, muturreko tenperatura altuengatik alerta laranja ezarri du lurralde osoan Eusko Jaurlaritzako Segurtasun Sailak. Hain justu, ekainaren 21erako aurreikusita zeuden hainbat ekitaldi bertan behera geratu dira, prebentzio neurri gisa. Oraingoz, bi dira bertan behera utzi dituztenak, biak Bilbon. Batetik, Bilboko Udalak jakinarazi du ez dela egingo Gau Zuriaren desfile ofiziala. Bestetik, Gogorak atzeratu egin du Artxandan urtero egiten den gudariei omenaldia.
Bilboko Udalak ohar bidez jakinarazi du hiribilduaren sorreraren 726. urtemugako egitarauaren azken ekitaldia. Zehazki, ez dute egingo Bilboko alkatea eta udalbatza buru izaten dituen desfile ofiziala. Desfilea udaletxetik abiatu, eta Diego Lopez de Haroren estatuaren parean bukatu behar zen. Bertan, lore-eskaintza eta euskal dantzen erakustaldia egitea zegoen aurreikusita, baina, esan bezala, aurten ez da halakorik egingo.
Bestalde, Gogora Memoriaren, Bizikidetzaren eta Giza Eskubideen Institutuak erabaki du beste egun batean egingo duela euskal gudari eta milizianoen urteroko omenaldia. Ekitaldia Gogorak, Bilboko Udalak eta elkarte memorialistek egin ohi dute Artxandan, 'Aterpe 1936' eskulturaren ondoan. Aurrerago zehaztuko dute noiz egingo duten.
Barakaldoko Udalak, bere aldetik, bertan behera utzi du udal musika bandak eguerdian egin behar zuen kontzertua, eta igandero egin ohi duten dantzaldia 18:00etara atzeratu dute. Halaber, dei berezia egin die Arteagabeitia-Zuazo, Llano eta Urbaneko jai batzordeei, antolatutako ekintzak molda ditzaten.
Sopelan (Bizkaia), Kosta Trailaren 20. edizioa bertan behera utzi dute antolatzaileek. Webgunean zehaztu dutenez, "parte-hartzaileen, boluntarioen eta laguntzaileen segurtasuna eta osasuna lehenetsi" du erabakia hartzeko orduan.
Osakidetzaren igandeko proba, bere horretan
Osasun Sailak jakinarazi duenez, sareetan informazio faltsua dabil esanez erizaintzako lan eskaintza publikoaren proba bertan behera geratu dela. Kontrara, azterketa aurreikusita zegoen bezala egingo dute. Dena dela, proben garapenean eragina izan dezakeen edozein aldaketa izanez gero, Osakidetzak bere kanal ofizialen bidez jakinaraziko duela gogorarazi du.
Zure interesekoa izan daiteke
Osakidetzak gezurtatu egin du igandeko erizaintzako proba beroagatik bertan behera geratu dela
Osasun Sailak zehaztu du proba aurreikusita zegoen bezala egingo dutela, eta gogorarazi du Osakidetzak bere kanal ofizialen bidez ematen duela balizko aldaketen berri.
Osakidetza kontaktuak bilatzen ari da Trapagarango klub batean tuberkulosi kasu bat antzeman ondoren
Euskal Osasun Zerbitzua proba diagnostikoak zabaltzea eta establezimenduko langileak banan-banan deitzea aztertzen ari da, miaketa osatzeko eta kutsatze berriak baztertzeko.
Basauriko banketxe batean lapurreta egin zuen gizonaren bila ari da Ertzaintza
Lapurreta ostegunean gertatu zen, 14:45 aldera, eta gizonak dirua hartu eta ihes egitea lortu zuen. Ertzaintzak ikerketa abiatu du, eta oraingoz ez du lapurretaren inguruko datu gehiagorik zabaldu.
Landa eremuetako mugikortasuna aztertuta, EAEko herriguneetako 3 kotxeko 2 daude hiriguneetan
Saretzen txostenean aztertu dituzten Trafiko Zuzendaritza Nagusiaren azken erregistro ofizialen arabera, Hego Euskal Herriko landa eremuetan metropolietan baino % 55 auto gehiago daude biztanleko, eta toki batzuetan bizilagunak baino gehiago dira kotxeak.
Gero eta emakume gidari gehiago dago Hego Euskal Herrian: gizonena halako bi baino gehiago hazi da kopurua azken hamarkadan
2014tik 2024ra, gidabaimena duten emakumeen kopurua % 14raino igo da Nafarroan, gizonen % 6,6ren aurretik; EAEn, aldea hirukoiztu ere egin da ia. Genero-arrakala estutzen ari da horretan, nahiz eta oraindik gizonak gehiago diren errepideetan.
Saretzen txostenaren bitxikeriak: bizilagun baino auto gehiago dituzten herriak eta emakumezko gidaririk gabeko udalerriak
Hegoaldeko mugikortasunaren berezitasunak azaleratu ditu Saretzen txostenak, besteak beste, Bizkaia motorren kopuruaren hazkundean nagusi dela, eta Nafarroak Hegoaldeko autorik zaharrenak dituela.
Genero-arrakala, Euskadiko mugikortasunean: Gizonezkoen joan-etorrien % 46k autoa erabiltzen dute eta emakumezkoen % 50 oinez
Eguneroko joan-etorrien % 40 autoz egiten dira. 19 urtetik beherakoak mugikortasun jasangarriaren buru dira, haiek baitira bizikleta eta garraio publikoa gehien erabiltzen dituztenak.
Autoa, Hegoaldean: gero eta zaharragoa, dieselak nagusi jarraitzen du eta elektrikoen presentzia oso txikia da
Euskadiko eta Nafarroako turismoen batez besteko adinak bi urte baino gehiago egin du gora (ibilgailuek 12 urte dituzte, batez beste). Errekuntzakoak (diesela eta gasolina) nagusitzen dira, eta ibilgailu elektrikoen kopurua oso txikia da (% 2tik beherakoa).
Sokamuturra berriro egiteak zatiketa eragin du Eibarren
Eibarren, bigantxak kalera aterako dituzte datorren astean, azken urteetan desagertua zen sokamuturrari berriro helduz. Udalerrian eztabaida erabatekoa da, aldekoen eta kontrakoen artean, eta zatiketa eragin du. Zatiketa horren erantzule egiten dute oposizioko alderdiek alkatea bera.