Pedrosa sailburuak jakinarazi duenez, USaPeko euskara azterketan zeroen % 47 ebaluatzaile berak jarri zituen
Azterketa horretan jarritako 168 zeroetatik 108, 11. eta 12. epaimahaiek zuzendutako azterketei dagozkie; guztien % 64,3.
Unibertsitatera Sartzeko Azken Proban (USaP) Euskara eta Literaturako azterketan erregistratutako 168 zeroetatik 79, hau da, ia % 47, ebaluatzaile bakar batek zuzendutako azterketei dagozkie. Hala jakinarazi du Begoña Pedrosa Eusko Jaurlaritzako Hezkuntza sailburuak, eta egoera horren inguruko azalpen “gardena” eskatu dio EHUko errektoretzari.
Pedrosa Eusko Legebiltzarreko Kultura, Euskara eta Kirol Batzordean agertu da gaur, emaitza polemiko horien inguruan sortutako egoera aztertzeko.
“Elementu objetiboak”
Bere hitzaldian, sailburuak adierazi du arazoak eragindako ikasleen eta haien senideen kezka “ez zela funtsik gabea”, emaitza horiek “azalpenak eskatzea justifikatzen zuten elementu objektiboak” baitzituzten. “Ez gara ohiko aldakortasun batez ari, estatistikoki espero zitekeenetik urruntzen den emaitzen banaketa batez baizik; horrek azterketa eta erantzun berehalakoa, zuhurra eta oinarritua eskatzen zituen”, gaineratu du.
Sailburuak azaldu duenez, EHUk emandako datuen arabera, 168 zeroetatik 108, 11. eta 12. epaimahaiek zuzendutako azterketei dagozkie; guztien % 64,3, alegia. 11. epaimahaiaren kasuan, egoera bereziki deigarria dela nabarmendu du, han pilatzen baitira zeroetako 80; guztizkoaren % 4 7,6.
Pedrosak azaldu du beste datu esanguratsu bat ere badagoela: 11. epaimahaian, zeroz kalifikatutako ariketa guztiak, bat izan ezik, ebaluatzaile bakar batek jarri zituela, egokitu zitzaion “tarte alfabetikoan”.
Sailburuaren esanetan, datu horiek ez dute aukera ematen “behin betiko ondoriorik aurreratzeko”, baina bai “azalpen gardena” eskatzeko. Horregatik, emaitzen kontzentrazio “hain atipikoaren” arrazoiak “erabateko zorroztasunez” aztertzeko eskatu du, gainerako epaimahaietan ikusitako banaketatik urrun dagoela iritzita.
Era berean, epaimahaien osaera argitaratzeko eskatu du, “azterketak dituzten beste prozesu batzuetan egiten den bezala, hala nola enplegu publikoaren eskaintzetan”. Horrez gain, ikasleak epaimahaien eta ebaluatzaileen artean “modu orekatuagoan” banatzeko formulak aztertzea galdegin du, “nahi gabeko ondorioak edo desberdintasun pertzepzioak sor ditzakeen kontzentrazio arriskua murrizteko”.
Zure interesekoa izan daiteke
Elkanok munduari buelta eman eta jaioterrira itzuli zen unea antzeztu dute Getarian
Aurten, lehen aldiz, Mikel Larrañagak egin du Elkanoren papera, eta Saioa Etxeberria izan da tripulante modura irten den lehen emakumea. Lau urterik behin ospatzen du Getariak Elkanoren iritsiera, munduari bira eman ostean.
Alejandrak 2.000 euro galdu ditu Bilboko etxebizitza baten alokairuaren iruzurrean
Kaltetuak salatu duenez, 2.000 euroko iruzurra egin diote hainbat pertsonari aldi berean eskainitako etxebizitza bat alokatzeagatik. Iruzurrez galdutako dirua eta beste bizitoki bat alokatzeko erabili beharrekoa gehituta, galerak 4.000 eurokoak direla azaldu du.
Iraulitako kamioi batek 31 kilometroko auto-ilarak eragin ditu Baiona inguruan
22:00etatik aurrera, A-63 errepidea erabat itxita egongo da 3 orduz, gutxi gorabehera, ibilgailua erretiratzeko.
Gutxienez 12 salaketa aurkeztu dituzte Bilbon etxebizitza turistiko bat alokatuta iruzurra egin zuen gizonaren aurka
EITBk biktimetako biren testigantzak jaso ditu. Iruzurgileak Airbnb bidez alokatu zuen pisua, hiru egunez. Ordu gutxi batzuetan, benetako jabeak ezer jakin gabe, dozena bat pertsonari alokatu zien. Ertzaintzak ikerketa abiatu du, gizona harrapatu eta biktimek galdutako dirua berreskura dezaten.
Mila pertsona inguru etxetik atera dituzte Baionako erdigunean gas-isuri baten ondorioz
Baionako hiriguneko mila bizilagun etxetik irtenarazi dituzte bart, gas-ihes bat dela eta; ondorioz, segurtasun dispositibo handia aktibatu behar izan dute. Suhiltzaileek 100 metroko perimetroa itxi dute, eta goizaldeko ordu bata arte ezin izan dute etxera itzuli.
Espainiak eskatutakoari entzungor eginez, Schengen berrezartzeari ezetz esan dio Italiak
Ceutan piztutako krisiaren harira, Schengen akordioa eten eta mugetan kontrolak egiteari ekin zion abuztuaren 1ean Meloniren gobernuak. Espainiako Gobernuak igandera arteko epea eman dio Italiakoari neurria bertan behera uzteko, baina Meloniren gobernuak lehengo lepotik du burua: "Abuztuaren 15etik aurrera aztertuko dugu gaia".
Eguzki eklipseak tren gehiago eta mugikortasun zerbitzu indartua ekarriko ditu abuztuaren 12an
Abuztuaren 12an izango da ikusgai, iluntzean. Milaka pertsona erakartzea espero den fenomeno horren aurrean, administrazioek segurtasun dispositibo zabala prestatu dute, mugikortasun segurua eta antolatua bermatzeko helburuarekin.
'Atyla' itsasontzi historikoan sartuko gara, 'Game of Thrones'en unibertsoko targaryendarren ontzian
Ontzia 1980a eta 1984a bitartean egin zuten Lekeition (Bizkaia), artisau moduan, pinu, haritz eta iroko egurra erabiliz. Itsasontzia Donostiako portuko kaian bisitatu ahalko da asteburu honetan, 11:00etatik 14:00etara eta 17:00etatik 21:00etara.
EITBk zuzenean eskainiko du abuztuko eguzki eklipse historikoa, hainbat seinale eta bi globo estratosferiko baliatuz
Saio berezia 19:30etik aurrera izango da ikusgai ETBn, ETB ONen eta ORAINen. Horrez gain, EITBk Eklipse Gaua antolatu du Donostiako Saguesen: eklipsea zuzenean ikusteko pantailak, musika eta behaketa modu seguruan egiteko betaurrekoak izango dira bertan.
Luciaren amesgaiztoa Bilbon: pisu "perfektua" alokatu, eta hiru egunen buruan, maula baten biktima dela konturatu
Bi seme-alaba dituen venezuelar batek 2.000 euro ordaindu ditu Deustun alokairuko etxebizitza batengatik, baina etxea apartamentu turistiko bat da berez. Iruzurgileak gutxienez 10 pertsonari alokatu die, tartean Luciari berari. Biktima horrekin mintzatu da EITB.