Pertsona bat hil da eta beste bat desagertuta dago Biarritzeko itsasargiaren ondoko itsaslabar bat behera etorri ostean
Desagertutako pertsona bat bilatzeko lanetan jarraitzen dute Biarritzen, Lapurdiko herriko itsasargiaren ondoan dagoen itsaslabar zati bat erori ostean.
Pirinio Atlantikoetako agintariek jakitera eman dutenez, luizia asteazkenean gertatu zen, 20:30ak aldera, Biarritzeko itsasargiaren azpiko gune batean, Miramar hondartzatik gertu. Itsaslabarraren zati handi bat itsasora erori zen, hainbat pertsona uretan zeudela, eguneko tenperatura altuen ondorioz.
Larrialdi-zerbitzuek biktimetako baten gorpua berreskuratu dute, eta operatiboak desagertutako bigarren pertsonaren bila jarraitzen du. Kaltetutako eremua hesituta eta jendearentzat itxita dago, beste abisu bat eman arte, erreskate-lanak errazteko eta segurtasuna bermatzeko.
Gainera, hirugarren pertsona batek onik ateratzea lortu zuen. Ospitalean dago, eta zauri fisiko larririk ez badu ere, gertatutakoak eragin handia du.
Lekuko batzuek Sud Ouest egunkariari azaldu ziotenez, zarata handia entzun zuten luizia gertatu baino lehen. Batzuek "eztanda moduko bat" zela esan zuten. Istripua gertatu zen unean, hainbat bainulari eta pertsona uretako jarduerak egiten ari ziren, hala nola igeriketa, snorkel edo paddle surfa, kostaren inguruan.
Bilaketa lanek aurrera jarraitzen dute, larrialdi eta erreskate zerbitzuek parte hartzen duten operazio batean. Agintariek itsaslabarraren inguruan ezarritako segurtasun perimetroa errespetatzeko eskatu diete herritarrei.
Zure interesekoa izan daiteke
Kantauri itsasoko ura 25,2 graduan dago, inoiz baino epelago
Ekainean, normalean, itsasoko ura 18 graduren bueltan egoten bada ere, gaur, ekainaren 24an, Donostiako Aquariumean egindako neurketak Kantauri itsasoko ura 25,2 gradutan dagoela erakutsi du, inoiz baino beroago.
Anne Baskaran Egido gasteiztarraren "Zuriaren, zure, gure... jaiak" izango da aurtengo Gasteizko jaietako kartela
Egileak azaldu du kartelak "Gasteizko jaiak bizitzeko dauden modu anitzak" islatu nahi dituela.
Ertzaintzak Euskadin erregistratutako gorroto delituak % 18 jaitsi dira 2025ean
Kasu horiei buruzko txostenaren egileek jaitsiera hori tentuz interpretatzeko eskatu dute, delitu asko ez baitira salatzen.
Sanferminek 516 ekitaldi izango dituzte, eta protagonismo handiagoa hartuko dute aurten haurrek eta auzoek
Asteazken honetan aurkeztu dute egitarau ofiziala, askotarikoentzako musika, jolasak, erakusketak, su artifizialak, kirol jarduerak, antzerkia, kalejira, ganadu-feria eta prozesioa biltzen dituena. Txupina uztailaren 6an jaurtiko dute, eta festak eztanda egingo du hilaren 14ra arte.
Bilbok badu kartela Aste Nagusirako: "Besarkada urdin bat Bilborentzat"
Juan Manuel Martinez Rodriguezen obra abuztuaren 22tik 30era ospatuko den Bilboko Aste Nagusiaren irudi ofiziala izango da.
"Naruto" anime japoniar arrakastatsua, estreinakoz euskaraz, EITBren PRIMERAN plataforman
Ostegun honetan, ekainak 25, estreinatuko ditu PRIMERANek lehen bost atalak. Guztira 52 kapitulu eskainiko ditu, ostiralero bost berri, lehen aldiz euskaraz bikoiztuta. Estreinaldiaren bezperan, EITBk aurrestreinaldi esklusiboa antolatu du Bilboko egoitzan. Gaur izango da, 18:00etan, Multibox aretoan, eta lehen lau atalak izango dira ikusgai.
"Ihesi, norbera izateko": Trumpen Amerikatik ihes egin eta Euskal Herrian bizi diren transen familien testigantzak jaso ditu EITBk
Seme-alaba transak dituzten zenbait familiak Estatu Batuak utzi eta Euskal Herrira etorri dira. EITBk haien lekukotasunak bildu ditu Ihesi, norbera izateko dokumentalean. Lehenengo erreportajeak asteazken honetako albistegietan ikusi ahal izango dira.
Osakidetzak eTXERTOA ezarri du txertoen kontrola eta segurtasuna hobetzeko
Sistema Bilbo-Basurtu ESIko zenbait zentrotan probatzen ari dira, eta txerto bakoitzaren funtsezko datuak automatikoki erregistratu ahal izango dira eman aurretik.
Bi pertsona zauritu dira Leioako ostalaritzako lokal batean izandako gas-leherketa baten ondorioz
Gertakariaren ondorioz, kaltetutako eraikineko bizilagunak etxetik atera behar izan dituzte, eta udal-teknikariak kalteak ebaluatzen ari dira, Iparragirre kalean.