Gaur hasiko da udako trafikoko operazio berezia, eta kanpoko 2,27 milioi ibilgailuk EAE zeharkatzea espero dute
Uda honetan, nazioarteko eta barruko joan-etorriak areagotzea aurreikusten da, eta, hori dela eta, Eusko Jaurlaritzak neurri bereziak hartuko ditu, trafikoa hobeto kudeatu eta udako gorabeherak murrizteko.
Irungo ordainlekua. Argazkia: EFE.
Ostiraleko 15:00etan hasi da 2026ko udako trafiko operazio berezia. Operazio honetan, Eusko Jaurlaritzaren aurreikuspenen arabera, kanpoko eta barruko trafikoa handituko da.
Operatiboaren aurkezpenean, Estibaliz Olabarri Eusko Jaurlaritzako Trafiko zuzendariak azaldu du uda honetan ere bi zirkulazio-fluxu izango direla EAEko errepideetan.
Alde batetik, kanpoko trafikoa, batez ere Itsasarteko Pasabidea Operazioari lotutakoa. Europako hainbat tokitatik Espainia hegoaldera, Portugalera eta Afrika iparraldera doazen milaka eta milaka auto igaroko dira EAEko errepideetatik. Trafikoa % 6 handitzea espero da, iazkoarekin alderatuta, eta joanekoan zein itzulikoan 2.275.000 ibilgailu igaroko direla aurreikusten dute. Trafiko bolumen handieneko egunak uztaileko azken asteburua eta abuztuko lehena izango dira irteera operazioan, eta abuztuko azken bi asteburu luzeak, berriz, itzulera operazioan.
Bestalde, barne trafikoa % 3,5 haztea aurreikusten da, iazkoarekin alderatuta, 44,1 milioi joan-etorri espero baitira. 42,5 milioi erregistratu ziren 2025ean.
Trafikoa hobeto kudeatu eta udako hilabeteetan ahalik eta gorabehera gutxien izateko, Eusko Jaurlaritzak plan espezifiko bat jarriko du martxan, seinale berezituekin eta garabi-errefortzuekin.
Zure interesekoa izan daiteke
12 dira hildakoak Los Gallardoseko sutean, Almerian, eta 23, desagertutakoak
Juanma Moreno Andaluziako presidenteak eman du albistea, eta argitu du zendutako ia gehienak atzerritarrak direla. Desagertutakoen harira esan du ez direla zertan hilda egon behar, "ezta gutxiago ere". Oraingoz, Guardia Zibilak ez du biktima gehiago topatu etxez etxe egindako miaketetan.
Belarrak hazteari utzi dio Aralarren, eta abeltzainak arduratuta daude
Aralarren zelaiak lehorrak daude eta egoera kezkagarria da abeltzaintzarako, hezetasun faltagatik belarrak hazteari utzi baitio. Gaur egun, 16.000 ardi, 1.100 behor, 1.200 behi eta 400 ahuntz inguru elikatzen dira larre hauetan. Mendian baliabiderik gabe geratuz gero, kontingentzia-planak aztertuko dituzte. Egoera honek kolpe ekonomiko handia dakar lehen sektorearentzat, eta jada ondorio zuzenak izaten ari dira.
Altza eta Pasaia artean Topoaren maiztasuna bikoiztuko dute uztailaren 18tik aurrera
Saihesbide berriari esker, Amararekin lotura 7,5 minutuan behin egingo dute trenek. Martxan jarri arte, hilabetez, ibilbide berrian trebatzen egon dira 150 makinista.
Linea elektrikoko zutoin baten erorketa izan daiteke Almeriako sutearen jatorria
Los Gallardos herritik gertu dagoen errepide bazter batean hasi zen sua, bi puntatan argindarra zuen kable apur bat tarteko. Haize biziaren ondorioz, bi orduan 15 kilometrotan barrena zabaldu zen sua.
Zuzendu dituzte euskaraz egindako baxoko matematikako azterketak
Proba euskaraz egiteko hautua egin zuten ikasleak zoriondu egin ditu Seaskak. "Egoera korapilatsua eta nahasgarria izan arren, ausardiaz eta erantzukizunez jokatu dute", esan du Ipar Euskal Herriko ikastolen federazioak.
Kamioien trafikoa debekatuta egongo da Euskadin abuztuaren 12an, eklipsea dela eta
CETMren arabera, neurri horrek nabarmen handituko ditu kate logistiko osoaren kostuak, eta erabakia berriz aztertzeko eskatu dio Eusko Jaurlaritzari.
Hamabi sexu-eraso salaketa eta hamar atxilotu, sanferminetako lehen lau egunetan
Aurtengo San Fermin jaiek bidearen erdia egin dutenean, Inma Jurio Nafarroako Gobernuko Barneko, Funtzio Publikoko eta Justiziako kontseilariak orain arteko segurtasun-balantzearen berri eman du.
Anderren heriotzaren gaineko erantzukizun polizialak eta politikoak argitzeko exijitu dute
Ekainaren 22an Santurtzin atxilotu eta bi egunera hil zen Ander 30 urteko gaztearen hilketa argitzeko zenbait herritarrek plataforma sortu dute. Santurtziko udaltzainek taser pistola batekin mendean hartu eta gero, ospitalean hil zen, koman egon ondoren. Ander “polizia indarkeriaren” biktima izan dela adierazi dute gaur.
Igandera arte luzatu dute beroagatik eta sute arriskuagatik EAEn ezarritako alerta laranja
Meteofrancek alerta laranja ezarri du larunbatera arte Ipar Euskal Herrian, eta Aemetek alerta laranja aktibatuko du igandean, Nafarroa erdialdean.
2026ko Sanferminek jaien bigarren hasiera bizi dute 'Txupinazo Txiki' -arekin
Sanferminetako bosgarren jai egun honetan protagonismo nagusia haurrentzat da, aurten bereziki. Lehendabiziko aldiz beraientzat propio jaurti delako txupinazoa. Ohore hori Buztintxuri Lehen Hezkuntzako hiru ikaslek jaso dute. Gari Arregui, Ane Loizate eta Ivanna Jimenez izan dira aukeratuak.