Beroak ostirala arte iraungo du, baina ondoren ezegonkortasuna nagusituko da
Tenperatura altuengatik eta oso altuengatik ezarritako abisu horia ostiralera arte gutxienez luzatu du Eusko Jaurlaritzak, tenperatura maximoak 37º ingurukoak izango baitira Euskadin.
Tenperatura altu eta oso altuengatik ezarritako abisu horia ostiralera arte luzatu du Eusko Jaurlaritzak, gaurtik hasita, datozen egunetan 37ºC inguruko maximoak aurreikusten direlako.
Ostegunean, abisu horiak jarraituko du tenperatura altu iraunkorrengatik egun osoan, eta oso altuengatik 12:00etatik 20:00etara. Epe horretan termometroa 38ºC-ra irits daiteke Ebroren ardatzean, 37ºC-ra trantsizio-eremuan eta 33ºC-ra Kantauri barnealdean; kostaldean, berriz, 27ºC-ra.
Bestalde, AEMETek alerta laranja ezarri du Nafarroan ostegun honetarako, tenperatura altuak direla eta. Hori dela eta, Nafarroako Gobernuak erne ibiltzeko eskatu du, Foru Komunitateko ia lurralde osoan baso-suteak izateko arriskua "oso handia" edo "muturrekoa" baita, tenperatura altuen eta landarediaren lehortasunaren ondorioz.
40ºC-ra arteko tenperaturak espero dira Erdialdean eta Erriberan, eta gaur bertan 42ºC-ra irits daitezke Iruñeko zenbait tokitan. Egoera horren aurrean, suteak eragin ditzaketen jarduerak saihestea gomendatzen da, baita 14:00etatik aurrera nekazaritza-lanak eta landa-eremuko beste lan batzuk ez egitea ere.
Ezegonkortasuna areagotuko da
Ostiralean, antzeko eguraldia espero da goizean: tenperatura altu iraunkorren ondoriozko abisu horia mantenduko da egun osoan, eta tenperatura oso altuak izango dira 12:00etatik 20:00etara; Ebroko ardatzean, maximoak 35ºC ingurukoak izango dira.
Arratsaldetik aurrera, ordea, eguraldia aldatzen hasiko da, eta hodeitza areagotuko da. Horrek zenbait zaparrada eta ekaitz eragin ditzake, bereziki barnealdean. Nafarroan ere euri-zaparradekin batera ekaitzak sor daitezke, lurraldeko hainbat tokitan eragiteko aukerarekin.
Larunbatean, ezegonkortasuna areagotu eta tenperaturak jaitsi egingo dira. Zerua nahiko hodeitsu egongo da, eta tarteka euria eta zaparradak egin ditzake, batez ere ipar erdian. Gainera, ezegonkortasuna areagotuko denez, litekeena da ekaitzak tarteka izatea hegoaldeko zenbait tokitan ere.
Mendebal-osagaiko haizea nagusituko da, mendebal-ipar-mendebaldekoa, ahul edo ertaina. Tenperaturak nabarmen jaitsiko dira, eta barnealdeko zenbait tokitan ostiralekoak baino 8ºC baxuagoak ere izan daitezke maximoak.
Zure interesekoa izan daiteke
Ceutako 860 migratzaile baino gehiago aldi baterako instalazio egokitu berri batera eraman dituzte
Jaurlaritzak 4.300 plaza inguru izango ditu aldi baterako, eta datozen egunetan 6.000 plaza baino gehiago izango direla aurreikusi du.
AEBk Kuban ezarritako "setioa" salatu dute Bilbon, Silvio Rodriguezen kontzertuaren aurretik
Manifestariek Kubako eta hainbat herri zapalduren banderak eraman dituzte. "Nazio Batuetan urtero giza eskubideen urraketa masiboa gaitzesten den arren, gobernu gehienak geldi daude", salatu dute. "Argia eta Indarra Kubarentzat. Blokeoaren aurka, Energia Kubarentzat" kanpaina solidarioa babesteko ere balio izan du protestak.
Oihane Mateos Oria, duela gutxi hildako lankide eta laguna, gogoan izan du Dani Alvarezek Gasteizko FesTVal jaialdian
Aste gogorrak izan dira azken hauek Orain eta EITBko Albistegietako lantalde guztiarentzat. Dani Alvarez lankideak Gasteizko FesTVal jaialdian esan duen bezala, "bizitzako injustizia bategatik goizegi joan berri da Oihane Mateos Oria". Bere irribarrea, energia eta lanerako grina beti izango dira gure artean, ordea. Hemen Daniren hitzak gaur iluntzean, sari bat banatu aurretik.
Zarrakazteluko baso sutea eragindakoa ote den ikertzen ari dira
Garrak atzo piztu ziren Corral Nuevo inguruan, eta gaur arratsaldean egonkortu dituzte. Eremuan ez zegoen nekazaririk lanean, eta, hori dela eta, Foruzaingoak susmoa du nahita piztutakoa izan zela.
Bost gasolindegi Margaritan, 30 laguneko herrian, bizilagunen desesperaziorako
Gasteizko Margarita kontzejuan, bizilagunak kexu dira beste gasolindegi bat jarri nahi dietelako, bosgarrena bailitzateke. 30 bat biztanle diren herrixka honetarako sarbideak dagoeneko kolapsatuta daudela diote, eta gainera salatzen dute, kamioi gidariek ez dutela askotan oso gizalegez jokatzen.
Logroñon desagertutako 83 urteko gizon baten gorpua aurkitu dute Vianan
Hilotza Iruñeko Auzitegiko Institutu Anatomikora eraman dute, autopsia egin diezaioten.
54 urteko motorzale bat hil da Gasteizen izandako istripu batean
Istripua AP-1etik N-622ra doan zatian gertatu da, Arabako hiriburuan. Larrialdi-zerbitzuak biktima suspertzen saiatu dira, baina ez dute lortu.
Motozerra bat martxan zuela hainbat pertsonaren atzetik ibili den gizon bat atxilotu dute Getxon
Ustezko erasotzailea, polizia-aurrekariak dituena, arma zuri batekin zauritu dute atxilotu aurretik.
Hiru adingabe identifikatu dituzte Plentziako jaietan Ertzaintzari botilak jaurtitzeagatik
16 eta 17 urteko gazteek bi patruilari eraso zieten abuztuaren 29ko goizaldean, irain eta oihu artean.
Santurtziko gaztea bi ordu geroago eraman zuten ospitalera, eta ez zuten jakinarazi taser batekin atxiki zutela
Hala jasotzen du Osasun Sailak aurkeztutako kronologiak. Familiak salatu duenez, agenteek hasieratik jakinarazi izan balute taser-pistola bat erabili zutela hura mendean hartzeko, bestela artatuko zuketen.