Jaurlaritzak LABI alerta-fasean ezarriko du, eguzki-eklipsea eta tenperatura altuengatik
Dispositibo berezia asteazken honetako 15:00etan abiatuko du. Eklipsea gertuko leku batetik behatzea, joan-etorriak saihestea eta betaurreko homologatuak bakarrik erabiltzea gomendatu du Jaurlaritzak.
Eusko Jaurlaritzak LABI – Euskadiko Babes Zibileko Plana alerta-fasean ezarriko du asteazken honetan, 15:00etatik aurrera, eklipsearekin eta tenperatura altuengatik ezarritako abisu horiarekin bat eginez.
Ohar baten bidez Eusko Jaurlaritzak azaldu duenez, "zerbitzu eta baliabide operatiboen koordinazioa eta erabilgarritasuna bermatzea" du helburu erabaki horrek, eguzki-eklipsea ikusteko joan-etorrien eta aurreikusitako jende pilaketen aurrean.
Zein ibilgailuk ezingo dute zirkulatu?
Ertzaintzak, SOS Deiak 112rekin eta udaltzaingoekin koordinatuta, zaintza indartuko du arratsaldean, bereziki errepideetan eta begiratokietarako sarbideetan. Salbuespenezko neurri gisa, Trafiko Zuzendaritzak debekatu egin du 7500 kilogramotik gorako ibilgailu astunek EAEko errepide-sare osoan zirkulatzea 17:00etatik 23:59ra bitartean.
Ildo horretan, agintariek "beharrezkoak ez diren joan-etorriak saihesteko" eskatu dute, eta fenomeno astronomikoaz herritik bertatik gozatzea gomendatu dute.
Bestalde, Trafikok ohartarazi du erabat debekatuta dagoela "ibilgailua bazterbideetan gelditzea eklipsea ikusteko". Gainera, argiak piztuta edukitzeko eskatu du, eta gogorarazi du ez dela argazkirik egin behar, ez eguzkiari begiratu behar, ezta gidatzean eklipse-betaurrekoak erabili behar ere.
Zer betaurreko beharko dira eklipsea ikusteko?
Eusko Jaurlaritzak gogorarazi duenez, "inoiz ez zaio eguzkiari zuzenean begiratu behar babes egokirik gabe, ezta partzialki estalita dagoenean ere"; izan ere, horrek "lesio larriak eta atzeraezinak eragin ditzake erretinan, minik gabe".
Behaketa segurua egiteko, betaurreko ziurtatuak soilik erabili behar dira (ISO 12312-2 araua), eta ez da eguzkira begiratu behar 45 segundo baino gehiago jarraian. Ez da eguzkitako betaurreko arruntik, erradiografiarik, kristal keturik edo eguzki-iragazkirik gabeko kamerarik erabili behar.
Gainera, Euskalmeten aurreikuspenen arabera, hodei gutxiko eta tenperatura oso altuko zeruak izango dira (batez ere, Araban). Horren aurrean, Jaurlaritzak herritarrei eskatu die ura maiz edateko, eguzki-krema erabiltzeko eta arreta handiz ibiltzeko adingabeekin eta pertsona ahulekin.
Zure interesekoa izan daiteke
Asteazkenean hegazkinez bidaiatuko duzu? Hona hemen eklipsea airetik ikusiko duten hegaldiak
19:30etik 20:45era bitartean, dozenaka hegaldik zeharkatuko dute penintsula. Hona hemen eklipsearen den unean airean egongo diren hegaldien zerrenda.
Euskal Herria ilunpetan jarriko duen eklipse historikoaz segurtasunez gozatzeko gida
Asteazken honetan, abuztuak 12, eguzki-eklipse osoa izango da, 1905etik izan ez dugun fenomenoa. Hemen hainbat jakingarri azalduko ditugu: non ikusi, ordutegiak eta begiak nola zaindu, besteak beste.
Euskal Herrian eguzki eklipse osoa Fiteron ikusiko da luzaroen
Tokiaren arabera ezberdin ikusiko da eklipsea; osoa toki batzuetan, partziala besteetan. Eta itzalaldiaren iraupena ere aldatu egingo da aukeratutako parajearen arabera. Euskal Herrian gertakari astronomiko honetaz gozatzeko tokirik onena Fitero izango da, Nafarroan. 86 segundo iraungo du eta ikusmin handia dago bertan.
Ander Lopez Lerena (Bogota): 'Gosaltzen ari ginela hasi da lurra mugitzen, baina hemen ez da hainbesterako izan'
Lurrikara izan den unean, Kolonbian zen EITBko gure lankide Ander Lopez de Lerena. Hiriburuan, Bogotan nabaritu du astindua. Medellinen ere nabaritu da astindua eta baita Venezuelan, Ekuadorren eta Panaman ere.
Huelvako Niebla inguruan piztutako suteak kontroletik kanpo jarraitzen du, 20.000 hektarea kiskali ostean
Huelvako baso sutea kontrolatu ezinik jarraitzen dute suhiltzaileek. Niebla inguruan piztutako garrek aurrera jarraitzen dute eta dagoeneko 20.000 hektareako eremua kiskali dute. Ehunka lagun atera behar izan dituzte etxetik.
Donostiako Piraten Abordatzearen unerik onenak
Ehunka gaztek osatu dute piraten abordatzea, Donostiako portutik Kontxako hondartzaraino. Ontzi batzuk uretara sartu eta berehala hondoratu dira, baina beste batzuk jai giroan iritsi dira helmugara, eta, tradizioak dioen bezala, ez dira falta izan bandera piratak eta baimendutako 'ontzien lapurreta'.
Gasteizko alkateak barkamena eskatu dio Zeledoni, Andre Maria Zuriaren balantzean politika eta jaiak nahastu izana kritikatu ostean
Akats bati egotzi dizkio bere hitzak, eta babesa adierazi dio Iñaki Kerejazuri, baita 1976ko martxoaren 3ko biktimei ere.
Bizkaitar bat atxilotu dute Donemiliaga Kukulan hainbat neskaren ustezko jazarlea izatea egotzita
Lau salaketa jarri dira haren aurka, eta beste lau ere aurkeztea espero da, egun batzuk lehenago izandako antzeko gertakariengatik.
ONCEk eta Jaurlaritzak LightSound gailua aurkeztu dute, ikusmen-urritasuna duten pertsonek eklipsea 'entzun' ahal izateko
Gailu iraultzailea da, itsuek edo ikusmen-arazoak dituztenek fenomeno astronomikoa esperimentatu dezaten. LightSound du izena, eta eguzki-argiaren intentsitatea denbora errealeko soinu bihurtzen duen aparatua da.