Clint Jean Louis Fernandez eta Araceli Sergio osasun profesionalek botako dute sanferminetako txupinazoa
Nafarroako Larrialdietako Zuzendariordetzako kideak dira biak: Fernandez zerbitzu horren zuzendaria da, eta Sergio, erizaina, Tafallako ZIU Mugikorreko lantaldean.
Nafarroako Larrialdietako Zuzendariordetzako kideak, txupinazoa botako zutela jakin ondoren. Argazkia: Nafarroako Gobernua
Erabaki da nork piztuko duen San Fermin jaiei hasiera emango dien suziria: Clint Jean Louis Fernandez Nafarroako Larrialdietako Zuzendariordetzaren zuzendariak eta Araceli Sergio Tafallako ZIU Mugikorreko taldeko erizainak izango dute txupinazoa jaurtitzeko ohorea.
Orain bi aste jakin zen herritarrek Nafarroako Larrialdietako Zuzendariordetza aukeratu zutela txupinazoa botatzeko, eta gaur Iruñeko Udaleko balkoira igoko direnen izen-abizenak jakinarazi dira.
Fernandez, ordezkari instituzional gisa izendatu dute. Familiako medikua eta larrialdietako espezialista da. Jaiotzez Kenyarra, Iruñean bizi da 1992tik. Orain dela hiru urtetik, Larrialdietako Zuzendariordetzaren arduraduna da.
Sergio, berriz, Tafallako ZIU Mugikorreko erizaina da eta lankideek bozketan aukeratu dute hura txupinazoa jaurtitzeko.
Lanaren "aitortza"
Fernandezek aitortu erabat hunkitu duela jaurtitzaileetako bat izango dela jakiteak. "Ohore handia" dela esan du, eta "lantalde osoari" egindako aitortza izatea nahi du.
Sanferminetakoa bakarrik ez, Larrialdietako profesionalek urte osoan egiten duten lana nabarmendu du.
Zure interesekoa izan daiteke
Milaka lagunek omenaldia egin diote Maricarmani bere etxeko ateraino joanda
61 urteko gizon bat tximino baztangarekin hil da Donostia ospitalean
Betaurrekoak, ondo gordeta: Zer dakigu 2027ko 'mendeko eklipsea'ri buruz?
Osakidetza: "Tximino baztangaren hilkortasun tasa oso baxua da"
Zer da eta nola kutsatzen da tximino baztanga?
Bilbo Bizkaia Ur Partzuergoak iruzur batez ohartarazi du eta argitu du ez duela etxeetan ezer kobratzen
20 urteko kartzela zigorra ezarri diote Pasaian bikotekide ohia hil zuen gizonari
EAEko Auzitegi Nagusiak arrazoia eman dio EHUri eta unibertsitatera sartzeko probetan euskara kontuan hartzeko agindu du
Etxegabetze bat eta horren protagonista etxebizitzaren aldeko borrokaren sinbolo bihurtu dira
