Sexu erasoei aurre egiteko informazio gunea Gaztelu plazan zabalduko dute sanferminetan, beste urte batez
Foruzaingoak, Udaltzaingoak eta Guardia Zibilak elkarlanean segurtasun dispositiboa diseinatu dute, eta horren baitan alkohol eta droga kontrolak egingo dituzte Iruñeko sarbideetan.
"Eraso sexistarik gabe, Iruñea aske" kanpainari buruzko informazio gunea uztailaren 5etik 14ra irekiko dute, Gaztelu plazan. Argazkia: EFE
San Fermin jaiak datorren astelehenean hasiko dira, eta beste urte batez 'Eraso sexistarik gabe, Iruñea aske' kanpainari buruzko informazio gunea zabalduko dute Gaztelu plazan, uztailaren 5etik 14ra bitartean (11:30etik 15:00etara eta 18:00etatik 00:00etara).
Joseba Asiron Iruñeko alkateak, Aitziber Campion Auzo, Herritarren Partaidetza eta Euskara zinegotziak, Txema Mauleon Gizarte Ekintzako zinegotziak eta Elian Peña Guerrero Iruñeko Udaleko Berdintasun zuzendariak informazio gunearen irekiera sinbolikoan parte hartu dute gaur goizean, Iruñean.
Informazio, sentsibilizazio eta prebentzio gunea ez ezik, entzute aktiborako eta sexu erasoak salatzeko erreferentziazko lekua da.
Ez da bere horretan biktimak laguntzeko zerbitzu bat, baina eskura dauden baliabideen inguruko informazioa eskainiko da bertan. Are gehiago, beharrezkoa bada eta emakumeak hala nahi badu, ahalmena izango du laguntza zerbitzuak eta protokoloak martxan jartzeko.
250 alkohol eta droga kontrol baino gehiago egingo dituzte
Foruzaingoak, Udaltzaingoak eta Guardia Zibilak 258 alkoholemia eta droga kontrol egingo dituzte Iruñean bertan eta hiriburu sartzeko sarbideetan, gaur goizean aipaturiko segurtasun indarrek elkarrekin eskaini duten prentsaurrekoan azaldu dutenez.
Alkoholemia eta droga kontrolez gain, abiadura kontrolatzeko radarrak eta matrikulak irakurtzeko gailu automatikoak jarriko dituzte ibilgailuek legea betetzen dutela egiaztatzeko. Gainera, IAT ibilgailuen azterketa teknikoa gaindituta eta nahitaezko asegurua kontratatuta duten egiaztatuko dute agenteek.
Azaldu dutenez, aurreko urtetan 300 ibilgailu inguru geldiarazi izan dituzte sanferminetako testuinguruan egindako errepide kontroletan. Halaber, kezka agertu dute azken aldian droga proban positibo eman dutenen kopuruak nabarmen gora egin duelako.
Bestalde, sanferminetako segurtasun dispositiboaren baitan 2.700 agente baino gehiago arituko dira lanean.
Zure interesekoa izan daiteke
San Fermineko entzierroen ibilbidean irrist ez egiteko produktua aplikatu dute
Hamar bat pertsonak lan egin dute gauean produktu irristagaitza 1.875 metro karratu ingurutan zabaltzeko. Eremu babestuak Santo Domingoko aldaparen amaieran hasi eta Mercaderesko bihurgunera eta metro batzuk harago heltzen dira, Estafetaraino, hain zuzen ere. Lana eskuz egiten da, ureztagailuak eta erratzak erabilita. Arduradunen arabera, likido irristagaitzak erreakzio bat sortzen du, eta erreakzio horrek zoladuraren mikroporoak askatzen ditu. Zulo horiek bentosa-efektua sortzen dute, eta saihestu egiten du pertsonek edo zezenek irrist egitea. Konposatua duela 20 urtetik aplikatzen da Sanferminetan, eta bereziki ondo funtzionatzen du zoladura bustita dagoenean.
Non eta nola kontsultatu trafikoaren egoera? Telefonoak, webguneak eta informazio kanal guztiak
Errepideen egoeraren berri izatea funtsezkoa da istripuak saihesteko eta gure ibilbidea modu seguruan eta ezustekorik gabe egin ahal izateko. Informazio iturri nagusiak bildu ditugu, Euskal Herrian zein atzerrira bidaiatu behar baduzu.
Navarreria kaleko harrapaketan zauritutako bi lagunak egonkor daude, bat ZIUtik kanpo
Gertatutako argitzeko ikerketak zabalik jarraitzen du.
Adinekoen aurkako tratu txar ekonomikoari eta finantza-abusuari buruzko gida bat landu dute
Dokumentuak hainbat alerta-seinale jasotzen ditu, besteak beste, banku-mugimenduak ugaritzea, ordaindu gabeko fakturak pilatzea edota beste pertsona batek diruaren gehiegizko kontrola egitea.
Sanferminetarako osasun-dispositiboa, prest
Nobedade gisa, uztailaren 6ko Txupinazorako dispositibo bera martxan jarriko dute hilaren 10ean, Txupinazo Txikian.
Donostiako gozoki-denda bateko jabea espetxera bidali dute, bere dendan neskato bati sexu-erasoa egiteagatik
Segurtasun Sailak ostegun honetan jakitera eman duenez, atxilotuak bi aldiz egin zion eraso adingabeari, ekainaren 25ean eta 26an; gainera, aurrekariak ditu antzeko delituengatik. Ostegun honetan epailearen esku utzi dute, eta hark espetxeratzea agindu du.
EAEko kanpinak erabat beteta egongo dira udan
Geroz eta jende gehiagok kanpinak aukeratzen ditu euren oporrak igarotzeko, besteak beste, zerbitzu ugari eskaintzen dutelako. Horren adierazle da okupazio maila: euskal kanpinak beteta daude abuzturako, eta uztailerako ere.
Bad Gyal, Juanes, Yandel eta Anuel AA musikariek jarriko diote musika Ibai Llanosen 'VI. Urteko Gauari'
80.000 lagun inguru izango dira uztailaren 25ean Cartuja estadioan burutuko den jaialdian. Bertan, afizionatuen arteko hamar boxeo-borrokaldi egingo dira.
Osakidetzan artatutako Gazako haurra egonkor dago, lehen balorazioak egin ondoren
Pazienteak sortzetiko begi-patologia du, eta ikusmen-gaitasunari eragiten dio. Lehen probak egin ondoren, adituak pronostikoa hobetzeko esku hartzeko aukeraren alde egitekotan daude. Euskal osasun-sistemak 28 gazatar artatu ditu dagoeneko.