Madrilgo Auzitegi Nagusiak Mina Muga proiektuaren meatze-emakidaren alde egin du, Ekologistak Martxan taldeak helegitea baztertuta

Madrilgo Justizia Auzitegi Nagusiak osorik ezetsi du Ekologistak Martxan taldeak Fronterizo izeneko meatze-ustiapenaren emakidaren aurka jarritako administrazioarekiko auzi-errekurtsoa; horixe da Mina Muga proiektua osatzen duten hiru emakidetako bat, Geoalcali enpresak jakinarazi duenez.

Geoalcalik adierazi duenez, auzitegiak berretsi egin du "administrazio-prozedura legezkoa" zela, eta ezetsi "bai eskumen-arloko alegazioak, bai erakunde ekologistak ingurumen-araudiari buruz egindako alegazioak". Era berean, demanda jarri zuenaren gain utzi ditu kostuak.