17 urteko gazte bat atxilotu dute Gipuzkoan, 764 Sareko Espainiako erreferente nagusitzat jota
Ertzaintzak, Mossos d'Esquadrak eta Guardia Zibilak elkarlanean egindako operazioan atxilotu dute. 2026ko urtarriletik apirilera bitartean ikastetxeen, udalen eta beste erakunde batzuen aurkako mehatxu ugari bidali izana egozten diote.
17 urteko adingabe bat atxilotu dute Gipuzkoan, Ertzaintzak, Mossos d'Esquadrak eta Guardia Zibilak elkarlanean egindako operazio batean. Eusko Jaurlaritzako Segurtasun Sailaren arabera, 764 Sareko Espainiako erreferente nagusia da.
Elkarte transnazional horrek batez ere internet bidez jarduten du, eta adingabeak eta egoera zaurgarrian dauden gazteak bereganatu eta haiengan eragina izatea du helburu.
Ikastetxeen eta erakundeen aurkako mehatxuak
Segurtasun Sailak jakinarazi duenez, atxilotuari 2026ko urtarriletik apirilera bitartean ikastetxeen, udalen, liburutegien, gizarte-elkarteen, erakunde publikoen eta hainbat pertsonaren aurkako mehatxu ugari bidali izana egozten diote.
Ikerketaren arabera, gaztea sare horren arduradun nagusietako bat zen Espainiako Estatuan.
Hainbat herrialdetan ikertutako sarea
Segurtasun Sailaren arabera, 764 Sarea hainbat herrialdetan ikertu dute sextortsioarekin, jazarpen antolatuarekin, adingabeen sexu-esplotazioko materialaren zabalkundearekin, autolesioak sustatzearekin, muturreko indarkeriaren edukien hedapenarekin, animalien tratu txarrekin eta erakunde, gizarte-erakunde nahiz pertsonen aurkako mehatxu eta jazarpen kanpainekin lotuta.
Ikerketak zabalik jarraitzen du, atxilotuaren jardueraren irismena eta sareko beste kide batzuekin izan zezakeen lotura argitzeko.
Zure interesekoa izan daiteke
Ikuskizunetako teknikariek abuztuaren 5erako deitutako grebarekin bat egingo dute Gasteizko txosnek
45 ikuskizun izango dira txosnetan, eta, horrez gain, beste hamaika proposamen kolektibo ezberdinen eskutik. Dozenaka kolektibok eta ehunka boluntariok dihardute egunotan auzolanean txosna gunea egokitzen. Testuinguru horretan, ikuskizunetako eta ekitaldietako teknikariek abuztuaren 5erako deitutako greba egunarekin bat egingo dute.
Motor gidari bat hil da Lezon izandako trafiko istripu batean
Istripua GI-3440 errepidean gertatu da, Lezon, 18.00ak aldera. Osasun arloko langileak bertaratu dira, baina ezin izan dute suspertu, eta hil egin da. Istripuaren ondorioz, zirkulazioa eten egin behar izan dute bi noranzkoetan. Gertatutakoaren nondik norakoak ikertzen ari dira.
La Oreja de Van Goghen abestiak ardatz, Donostia ezagutzeko tour turistiko bat sortu dute
Lander Agirreurreta donostiarrarekin batera, pop talde ezagunaren abestietan aipatzen diren txokoak bisitatu ditugu.
Txosnetan ez da kontzerturik egongo abuztuaren 5ean Gasteizen, 14an Donostian eta 26an Bilbon
Kontzertu horiek bertan behera geratu dira ikuskizunetako langileek deitutako grebaren ondorioz.
Goizeko auto-ilaren ondoren, normaltasuna berreskuratu du zirkulazioak AP-8an eta A-1ean
Irteera operazioa dela eta, ibilgailu ugari pilatu dira goizean goizetik, Frantziatik penintsularen hegoaldera. Araban, A-1 autobidean, Gasteiz parean eta Madrilerako bidean sortu dira pilaketak.
Gizon bat atxilotu dute Gasteizen, gazte bati lapurreta egiten eta hiltzen saiatzea egotzita
Atxilotua, 27 urtekoa, 21 urteko mutil baten furgonetan lapurreta egiten saiatu da lagun batekin, eta biktimak aurre egin die.
Bi pertsona zauritu dira Saratsan, bi ibilgailuk talka eginda
Istripua 18:00ak aldera jazo da, N-240-A errepidean. Gizonak gerrialdeko min arina izan du, eta emakumeak, berriz, hainbat kolpe jaso ditu, eta haren zaurien pronostikoa erreserbatua da.
Pertsona bat zauritu da A-8an, Muskizen, Bilborako noranzkoan, autoa iraulita
Istripua 17:55 aldera jazo da, eta ibilgailua A-8 autobideko eskuineko eta erdiko erreietan traban geratu da; ondorioz, kilometro bateko ilarak sortu dira inguruetan, Bilbora bidean.
Euskarabenturak Getxon amaitu du bere ibilbidea, 650 kilometro egin ostean
130 gaztek Euskal Herriko zazpi lurraldeak zeharkatu dituzte, euskara ahoan, lagun berriak eginez eta esperientziak bilduz bihotzean gordetzeko. Ostiral goizean erantzi dituzte duela 31 egun Atharratzen jantzi zituzten oinetakoak, baina abenturak utzi dien arrastoa ez dute inoiz ahaztuko.