Donostiako Udalak eraso sexisten aurkako Aste Nagusirako kanpaina aktibatu du: puntu morea Boulevardean egongo da
Ane Oyarbide Berdintasun zinegotziak adierazi duenez, "elkarbizitza, errespetu eta askatasun gunea izan behar du Aste Nagusiak, pertsona guztientzat".
Ane Oyarbide Berdintasun zinegotziak aurkeztu du kanpaina. Irudia: EITB
Donostiako Udalak eraso sexistei aurre egiteko prebentzio eta arreta dispositiboa aktibatu du Aste Nagusirako, larunbat honetatik abuztuaren 15era. Boulevardeko gune moreak informazioa, sentsibilizazioa eta arreta espezializatua eskainiko ditu.
Ane Oyarbide Berdintasun zinegotziak kanpainaren aurkezpenean azaldu duenez, Udalak urte osoan dihardu "indarkeria matxistak prebenitzeko, herritarrak sentsibilizatzeko eta dauden arreta-baliabideak pertsonen eskura jartzeko".
Kanpainaren baliabide nagusia informazioa eta arreta jasotzeko gune finkoa izango da, Boulevardeko kioskoko puntu morean. Egunero egongo da zabalik 11:00etatik 15:00etara eta 20:00etatik 04:00etara.
Gune horretan, "eraso sexisten eta sexualen prebentzioari buruzko informazioa emango da, eta arreta eta laguntza espezializatuko baliabideak eskainiko zaizkie behar dutenei, baita dibulgazio-materiala ere, hainbat hizkuntzatan".
Zinegotziak nabarmendu duenez, "elkarbizitza, errespetu eta askatasun gunea izan behar du Aste Nagusiak, pertsona guztientzat”. “Prebentzio eta arreta baliabideak handitzen jarraituko du Udalak; jende guztiak festak seguru eta beldurrik gabe gozatzea nahi dugu eta”, gehitu du.
Oyarbidek azpimarratu duenez, "indarkeria sexistaren prebentzioa erantzukizun kolektiboa da". Gainera, adierazi duenez, kanpainaren helburua da "eraso sexistei aurre egiteko prebentzio mezuak zabaltzea, emakumeen eta gizonen arteko berdintasuna sustatzea eta indarkeria matxistaren edozein adierazpen gaitzesteko jarrera aktiboa sustatzea" eta "herritarrek indarkeria-egoeren aurrean erantzuteko duten gaitasuna indartzea, jai-guneetan errespetuaren, baimenaren eta erantzukidetasunaren kultura sustatuz".
Horretarako, Aste Nagusian informazio-materialak banatuko dira, indarkeria-egoerak prebenitzeko, jokabideak identifikatzeko eta udal-baliabideen gaineko argibideekin. Era berean, kanpainak "edozein indarkeria sexistaren aurrean jardutearen garrantzia" mahai gainean jartzen du, "biktimari lagundu, laguntza eskatu eta eskura dauden baliabide espezializatuak aktibatu", esan du Oyarbidek.
Zure interesekoa izan daiteke
Luciaren amesgaiztoa: pisu "perfektua" alokatu, eta hiru egunen buruan, maula baten biktima dela konturatu
Bi seme-alaba dituen venezuelar batek 2.000 euro ordaindu ditu Deustun alokairuzko etxebizitza bategatik, baina etxea apartamentu turistiko bat da berez. Iruzurgileak gutxienez beste zortzi pertsonari alokatu die, tartean Luciari berari. Biktima horrekin mintzatu da EITB.
Zeledon Txikik eta Edurnek giro aparta sortu dute Andre Maria Zuriaren plazan, Txikien Egunean
Ekain Gonzalez eta Haizea Lauzurica izan dira Zeledon Txikiren eta Edurneren jaitsieraren protagonistak, Gasteizko jaietako haurrek gehien espero duten ekitaldietako batean.
Kerman Villateren familiak gezurtatu egin du Gasteizko Udalak barne ikerketa egin izana
Gasteizko Mitika diskotekako atezain baten kolpe baten ondorioz hildako gaztearen familiak Maider Etxebarria alkatearen adierazpenei erantzun die, eta esan du Udalak ez duela inoiz ikerketa bat egin gertatutakoa argitzeko. Gainera, eskatutako dokumentazioa emateko eta justiziarekin elkarlanean aritzeko eskatu diote Udalari.
Ander Zubillagak omenaldia egin die Biescasko biktimei tragediaren 30. urteurrenean
Uholde batek Biescasko Las Nieves kanpina suntsitu zuen 1996ko abuztuaren 7an, Arasko sakanean bat-bateko ur-goraldi bat izan ondoren. 87 pertsona hil eta 187 zauritu ziren. Ander Zubillaga gitarrista tolosarrak 6 urte eskasekin bizi izan zuen tragedia hura.
Juan Sebastian Elkanoren lehorreratzea antzeztuko dute Getarian ostiral honetan
EITBk zuzenean emango du Orain.eus atarian, ETB1en eta ETB ONen, 16:45etik aurrera, lau urtean behin egiten den ekitaldi honen berri.
Zuzenean: Eklipsea Bardean
Abuztuaren 12ko 19:00etatik aurrera, eguzki-eklipse osoaren zuzeneko seinalea eskainiko dugu Bardeatik.
Zuzenean: Juan Sebastian Elkanoren lehorreratzea
Juan Sebastian Elkanoren lehorreratzearen antzezpena zuzenean Getariatik, 16:45etik aurrera.
Asintomatikoa eta kontrolpean dago Galizian atzemandako hantabirusaren kasua
Pazientea, frantziar-argentinar herritar bat, ostatuan isolatuta dago, eta Osasun Ministerioa zein Galiziako Xunta haren kontaktuen jarraipena egiten ari dira.
Mila pertsona inguru etxetik atera dituzte Baionako erdigunean gas-isuri baten ondorioz
Baionako hiriguneko mila bizilagun etxetik atera behar izan dituzte bart, gas-ihesa dela eta; ondorioz, segurtasun dispositibo handia aktibatu behar izan dute. Suhiltzaileek 100 metroko perimetroa itxi dute, eta goizaldeko ordu batak arte ezin izan dute etxebizitzetara itzuli.
Sosik ez, eta hilobirik ere ez: Juan Sebastian Elkano getariar nabigatzaile handiari buruzko 5 bitxikeria
Zenbat dakizu munduari lehen bira eman zion euskal itsasgizon handi honi buruz? Elkanoren figura lerroburuetara ekarri nahi dugu, haren heriotzaren 500. urteurrena bete berri den honetan. Hain justu, Getarian Elkanoren lehorreratzea antzeztuko dute gaur arratsaldean, lau urtean behin egiten den gisara, eta Orain-ek zuzenean eskainiko du, streaming bidez.