Gizon bat ikertzen ari dira Bizkaian, ustez txakurkumeen salmenta faltsuetan parte hartzeagatik
Cuencako bizilagun batek salaketa jarri ostean abiatu zuten ikerketa, baina probintzia gehiagotan ere izan omen dira kaltetuak.
Guardia Zibila bizkaitar bat ikertzen ari da, ustez online egindako iruzur batean parte hartzeagatik, txakurkumeak saltzeko iragarki faltsuen bidez. Ikertua iruzur eginez lortutako dirua jasotzeko erabilitako banku-kontuaren titularra litzateke, eta ikertzaileek Espainiako hainbat probintziatan aurkitu dituzte kaltetuak.
Bizkaiko komandantziak adierazi duenez, Cuencako bizilagun batek salaketa jarri ondoren abiatu zuten ikerketa; izan ere, web orri batean txakurkume bat saltzeko iragarki bat aurkitu ondoren, 800 euroko transferentzia bat egin zuen berehala ordaintzeko sistema bat baliatuz. Une horretatik aurrera, ustezko saltzaileak komunikazio guztiak eten zituen, baina ez zuen animalia entregatu.
Guardia Zibilak iruzurrean erabilitako telefono-lineak eta banku-kontuak aztertu ditu, eta dirua jaso zuen kontuaren titularraren inguruko ikerketa areagotu du, gertakarietan ustez parte hartu izana egotzita.
Eginbideak Barakaldoko Auzitegiko Arlo Zibileko Lehen Auzialdiko guardiako epailearen esku utzi dituzte.
Erosketa seguruak
Horrelako iruzurrak saihesteko, Guardia Zibilaren hitzetan, oso garrantzitsua da Interneten erosketak egiteko orduan kontu handiz ibiltzea (batez ere aldez aurretik ordaintzeko eskatuz gero), saltzailearen inguruko informazioa egiaztatzea, eskaintza bereziki erakargarriez ez fidatzea eta erosleentzako eta saltzaileentzako bermeak eskaintzen dituzten plataformak erabiltzea.
Zure interesekoa izan daiteke
10.000 hektarea baino gehiago erre ditu Las Peñas de Riglos Huescako udalerriko suteak
Suak San Juan de la Peña monasterio zaharra inguratu du (egitura ez da kaltetu) eta monasterio berrira hurbildu da. Gizon bat atxilotu dute, sua eragin duelakoan.
Teknikarien grebak PICASSa eta Piraten hainbat ekitaldi bertan behera utzi ditu Donostian
Ostiraleko lanuztearen ondorioz, Quincena Musicaleko dantza-ikuskizuna ez da egingo, eta Donostiako Piratek Trinitate plazako jarduerak eta Skabideanen kontzertua bertan behera utzi dituzte.
Hidrogeno naturala bilatuko dute Aralarren, lursaila nabarmen aldatu gabe
Espainiako Gobernuak esploratzeko baimena eman du, baina lanak egiteko bide edo sarbide berriak irekitzea debekatu du.
San Juan de la Peñako monasterioa mehatxupean, Las Peñas de Rigloseko suteagatik
Suak San Juan de la Peñako monasterio zaharra inguratu du, baina ez dio eraikinari kalterik eragin. Gainera, monasterio berrira ere hurbildu da. Prebentziozko neurri gisa, Aragoiko lehen erregeen gorpuzkiak eta ondare historikoaren zati bat Huescako Museora eraman dituzte. Suteak 8.000 hektarea erre ditu dagoeneko, eta 12 herritako 900 pertsona inguru etxetik atera behar izan dituzte.
Llantenoko baso-suteak hobera egin du
Suhiltzaileek Artzienegako aldea egonkortu dute, eta datozen orduetan Amurriokoa perimetratzea espero dute. Eusko Jaurlaritzak Baso Suteetarako Larrialdi Plan Bereziaren larrialdi-faseko 0 egoera ezarri du bart, sutea indartu ostean.
Bi lagun hil dira eta beste bat oso larri zauritu da Beriainen
38 eta 23 urteko bi gizonezko hil dira, eta 24 urteko beste bat oso larri zauritu da, ibilgailua errepidetik aterata.
Haizeak eta beroak Aiaraldeko sutea berpiztu dute, eta baserri bat hustu behar izan dute
Suhiltzaileak eta lau helikoptero ari dira Aiaraldean berpiztu den sutea itzaltzeko lanetan. Tenperatura altuek eta haizeak inguruan geratzen ziren garrak berpiztu dituzte, eta baserri bat prebentzioz hustu dute.
Protesta egin dute Ipar Euskal Herriko suhiltzaileek baliabide handiagoak eskatzeko
Etsituta atera dira ostegun honetan Barne ministroarekin egindako bileratik, eta Frantziako Gobernuak erantzunik ematen ez badie, irailaren 29an beste lanuzte bat egingo dutela iragarri dute.
Donostiako kaia pirata txikiz bete da
Donostiako Aste Nagusia sartu da bere azken txanpan, baina festarako gogo handiz. Gaur argi utzi dute etxeko txikienek. Dozenaka neska-mutikok parte hartu dute abordatze txikia. Astelehenean helduek egin bezalaxe, kaiako urak abordatu dituzte. Eguraldia lagun, giro paregabea izan dute.