Istilu-gaua Ceutan: hamabi migratzaile atxilotuta, lau militar zaurituta eta ceutarren erasoak eta jazarpena migratzaileei
Goizaldeko 05:30ak aldera, 30 edo 40 laguneko migratzaile talde batek ibilgailu militar bat inguratu eta harrika jo du. Barruan zihoazen lau militarrak zauritu dituzte eta ibilgailua oso kaltetuta dago. Aurretik, Gobernuaren Ordezkaritzaren aurrean arratsaldean protesta egin zuten ehunka ceutar Benitez hondartzara joan ziren tropelean, eta han migratzaileak jazarri zituzten eta haien mantak, koltxoiak eta bestelako ondasunak itsasora bota zituzten.
Gaua luzea eta oso tirabiratsua izan da Ceutan. Protesta- eta istilu-gauean, lau militar zauritu dira, hamabi migratzaile atxilotu dituzte eta Ceutako ehunka herritarrek migratzaileak jazarri dituzte.
Aurreko egunetan bezala, milaka ceutar bildu ziren asteazken arratsaldean hiri autonomoko Gobernu Ordezkaritzaren egoitzaren aurrean, kaleetan dauden migratzaileak kanporatu eta arduradun politikoek dimititu dezatela eskatzeko, 27 eguneko migrazio-krisiaren ostean tentsioak eta haserreak markatutako protesta-oldean.
Mobilizazioan Espainiako Gobernuaren eta Miguel Angel Perez Triano Ceutan duen ordezkariaren aurkako oihuak egin zituzten, eta Pedro Sanchez Gobernuko presidentearen dimisioa eskatu zuten, besteak beste.
Mobilizazioak agerian utzi zuen Ceutan dagoen tentsio sozialaren maila. Izan ere, herritarren protestak etengabeak dira, eta, krisia hasi zenetik, egunero kontzentratzen dira Gobernu Ordezkaritzaren aurrean.
Lau militar zaurituta
Tentsio horri beste istilu batzuk gehitu zitzaizkion gauez. Horietako batean, lau militar barruan zituen ibilgailu militar bat harrikatu dute migratzaileek, eta laurak zauritu dira.
Polizia iturrien arabera, 05:30ean, Benzu inguruan, 30-40 pertsonako migratzaile talde batek lau militar zeramatzan ibilgailua inguratu du, eta harri handiak jaurtitzen hasi dira haren kontra.
Zaurien ondorioz artatu behar izan dituzten militarrek ihes egitea lortu dute, eta 112 telefonora deitu dute. Horri esker, Polizia Nazionaleko eta Guardia Zibileko agenteak mobilizatu dituzte, eta ihes egin duten hamabi marokoar atxilotu dituzte. Istiluan inplikatutako zenbait lagun itsasoz ihes egiten saiatu dira, eta, ondorioz, Guardia Zibilaren Itsas Zerbitzuak inguru horretan esku hartu behar izan du.
Migratzaileak jazartzea
Erasoaren aurretik, ehunka herritarrek istiluak eragin zituzten. Manifestazioaren ostean, laurehun pertsona inguru Trampolin hondartzara abiatu ziren, eta, polizia-iturrien arabera, bidean topatzen zituzten migratzaileei eraso egiten saiatu ziren.
Segurtasun indarrek hondartzara sartu ez zitezen lortu zuten hedapen zabal bati esker; airera tiro ere egin zuten saiakera hori desegiteko, baina beste talde batek Benitez hondartzara sartzea lortu zuen, non ehunka migratzaile zeuden kanpatuta.
Han, bizilagunek migratzaileei eraso egin zieten, eta hondarretan zeuden mantak, koltxoiak eta bestelako ondasunak suntsitu eta itsasora bota zituzten. Agenteek, berriz, salbak eta ke-poteak jaurti behar izan zituzten.
Istiluak hainbat orduz zabaldu ziren hiriko hainbat puntutan, eta, besteak beste, zirkulazio-etenak izan ziren, zaborrontziak errepide erdian ezarri zituztelako.
Polizia Nazionalak eta Udaltzaingoak dispositibo zabala jarri zuten martxan liskar edo gorabehera larriago gehiago eragin ez zitzaten.
Zure interesekoa izan daiteke
Honelakoa izan da Aste Nagusiko txupinerei egindako omenaldia
Urtero bezala, txupinerei omenaldia egin diete. Txapel eta jaka gorriz eta kez bete da Bilboko Areatza.
Astelehenean ekingo diote EITBko irratiek denboraldi berriari, zerbitzu publikoko izaerari tinko eutsiz
Hainbat berrikuntzarekin hasiko dute sasoia; esaterako, Mikel Rotaetxe izango da Euskadi Irratiko Baipasa saioko aurkezlea, eta Maria Ruiz, Radio Euskadiko Boulevard magazinekoa. Gainera, Gaztea irratiak Panorama saio berria estreinatuko du, 10:00etatik 12:00etara, Ibon Fernandezen eskutik.
Lurrak gorriz tindatuko du Ilargia goizaldeko eklipse partzialean
Ostiralean, abuztuak 28, izango da une gorena, 06:12:53an, Lurraren itzalak ilargi-diskoaren % 93 estaliko duenean.
15 pertsona atxilotu dituzte Bilboko Aste Nagusiaren bosgarren egunean, horietako bat genero-indarkeriagatik
Jaien erdira iritsita, atzo, asteazkena, hamar atxiloketa egin ziren jaigunean bertan eta bost hortik kanpo. Guztira, berrogeita hamar salaketa zenbatu dira.
50 pertsona zauritu dira Noaingo txupinazoan hainbat suziri lehertuta
Hiru erietxera eraman dituzte erredurekin eta horietako biri alta eman diete arratsaldean. Beste 47 lagun lekuan bertan artatu dituzte. Nafarroako udalerri horretako jaiek aurrera jarraitzen dute.
Animalia basatiak erabiltzen dituen zirku batek polemika piztu du Urruñako herritarren artean
Zirkua abuztuaren 16an jarri zen Udalaren baimenik gabe, eta larunbat honetara arte ikuskizunak eskainiko ditu arratsaldero.
EITB, Prix Europa sari ospetsuetan izendatua eguzki eklipse osoaren inguruko plataforma anitzeko proiektuagatik
EITBren Eguzki Eklipse Osoa ekimena Digital Media kategorian lehiatuko da, Europako ikus-entzunezko sari ospetsuenetako batean.
Tentsio uneak Bilboko Pergolan, greban dauden teknikarien eta bilbainadetako ikusleen artean
Greban zeuden teknikarien piketeak Bilboko Pergolaraino hurbildu dira, grebarako eskubidea aldarrikatzeko, eta horrek ikusleak haserretu ditu, ez baitiete abestiak entzuten utzi. Tentsio uneak izan dira grebalarien eta ikusle zeuden hainbat pertsonaren artean.
Deskargako autobidea itxita egongo da asteazken honetan, 21:00etatik aurrera
AP-636 errepideko tunel batean egin beharreko lanak direla eta, 19. eta 21. irteerak erabili beharko dituzte erabiltzaileek, martxaren noranzkoaren arabera, Bergara GI-627 errepidearen bidez zeharkatzeko.