251 postu izango dira astelehenean Gernikan

Dena prest Gernikako Urriko Azken Astelehenerako: 251 postu izango dira aurten euskal nekazaritza azoka garrantzitsuenetako batean.

(Foto de ARCHIVO)

Decenas de personas en la feria del agro vasco del ‘Último Lunes de Octubre’, a 31 de octubre de 2022, en Gernika-Lumo, Vizcaya, País Vasco (España). Tras dos años suspendida por la pandemia, Gernika recupera su feria más grande con la celebración de su famosa feria del ‘Último Lunes de Octubre’ que este año atrae a cientos de visitantes al coincidir con el puente de Todos los Santos. De los casi 300 puestos que acoge la feria, medio centenar corresponden con la artesanía, 38 productores de queso, 32 los hortofrutícolas, en 18 se puede degustar txakoli y en 8 se expone sidra. La feria se completa con 11 casetas de conservas, cinco de miel, cuatro de rosquillas, cinco de lácteos y otros tantos de flores, en definitiva, los mejores productos del caserío vasco.

H.Bilbao / Europa Press

31 OCTUBRE 2022;FERIA;AGRO VASCO;ULTIMO LUNES DE OCTUBRE;AGRICULTURA;GERNIKA;EUSKADI

31/10/2022 — Gernikako Urriko Azken Asteleheneko artxiboko irudia. Argazkia: Europa Press

Agentziak | EITB

2026/10/23 - 17:03

Azken eguneratzea

2026/10/23 - 17:03

Gernika-Lumoko egunik handienetakoaren atarian gaude: urtero bezala, urriko azken astelehenean nekazaritza azoka izango da, Euskal Herriko handienetakoa. Urriaren 26an, 251 postu bilduko ditu.

Gazta da azokako produkturik aipagarrienetakoa, eta entzutetsua izaten da lehiaketako gazta irabazlearen enkantea. 42 postutan salduko dute gazta.

Horrez gain, bestelakoak eskainiko dituzte bertako postuetan: kontserbak (10), barazkiak (9), fruta (6), pateak (6), esnekiak (5) eta loreak (2). Halaber, bisitariek sagardoa (6) eta txakolina (16) ere erosi ahalko dituzte. Gainera, artisau-postuak (56) egongo dira, baita erroskillak saltzekoak eta txosnak ere. Bertsolariak ere izango dira.

Bestalde, 80 pertsona baino gehiago izango dira jai-esparrua zaintzen, Gurutze Gorriko kideak, Ertzaintza eta Udaltzaingoaren agenteak eta suhiltzaileak tartean. Egunean zehar, harrera egingo diete Toro (Zamora), Alconchel (Badajoz) eta El Burgo Ranero (Burgos) udalerrietako alkateei.

Zesta-punta arratsaldean

Udalak Lekerika eta Barandika puntistak omenduko ditu, munduko txapelketa irabazi baitute, baita enpresa batzuk ere, egindako lan solidarioa eskertzeko.

Arratsaldean, bi partida jokatuko dira Gernika Jai Alai Winter Series txapelketa hasteko. Lehenengoan, Urreisti eta Atain Goitia eta Oyhenarden aurka arituko dira; bigarrenean, Erkiagak eta Salegik Goixerri eta Lekerika izango dituzte aurkari.