'Costa Concordia'ren 2.300 tona erregai, itsasora zabaltzeko arriskuan
'Costa Concordia'ren hondamendian desagertu ziren pertsonak bilatzeko lanak bertan behera utzi dituzte, gaur goizean goiz ontzia mugitu eta gehiago hondoratu delako.
Luca Cari suhiltzaileen bozeramaileak azaldu duenez, erreskate-lanetan ari ziren talde ezberdinetako arduradunak datozen orduetan bilduko dira, egoera aztertzeko eta ze neurri hartu erabakitzeko.
Ontzia mugitzen ari dela kontuan hartuta, segurtasunez lan egitea ez dago bermatuta. Gainera, zazpi egun igaro dira ontzia hondoratu zenetik eta, ondorioz, bidaiariren bat bizirik topatzeko itxaropena gero eta txikiagoa da.
Erregaia itsasora zabaltzeko arriskua
Gauzak horrela, orain mehatxua beste bat da: ontziaren deposituetan gordetan dauden 2.300 tona erregaia itsasora zabaltzea.
Erregaia ateratzen hasi ahal izateko, lehendabizi behin betiko amaitutzat eman beharko dituzte erreskate-lanak. Erregai guztia ateratzeko bi aste beharko dituzte, gutxienez. Ontzia gehiago ez hondoratzeko neurriak hartzeko agindua eman zion atzo Italiako Gobenruak Costa Cruceros enpresari (ontziaren arduraduna).
"Ontzia gehiago ez mugitzea eta ez zatitzea espero dugu, bestela erregai guztia itsasora isuriko da", adierazi du Italiako Ingurumen ministroak.
'Costa Concordia'k 4.200 pertsona zeramatzan ezbeharra gertatu zenean eta oraindik 24 pertsona desagertuta daude.
Kapitainaren bertsioa
Francesco Schettino kapitainak ontzia ebakuazioa amaitu aurretik abandonatu zuen eta etxean atxilotuta daukate, hondamendiaren erantzulea dela leporatuta. Schettinok erantzukizuna bere gain hartu du, baina istripua beste faktore batzuek eragin ahal izan zutela azpimarratu du. Bitartean, Costa Cruceros enpresak Schettino kargutik kendu du.
Bestalde, SkyTG24 telebista-kateak atzo zabaldu zuen grabazio batek erakusten duenez, 'Costa Concordia'ko tripulazioaren buruzagi batek ordu erdiko itzalaldi bat baino ez zutela izan esan zion itsasoko goardiari irrati bidez.
Amaitzeko, Italiako Gobernuak ontzi handiak ibilbide arriskutsuak ez egiteko eta kostaldera gehiegi hurbiltzea ekiditeko hartu beharreko neurriak zeintzuk diren eztabaidatuko du ostiral honetan.
'Costa Concordia'ren hondamendian desagertu ziren pertsonak bilatzeko lanak bertan behera utzi dituzte, gaur goizean goiz ontzia mugitu eta gehiago hondoratu delako.Luca Cari suhiltzaileen bozeramaileak azaldu duenez, erreskate-lanetan ari ziren talde ezberdinetako arduradunak datozen orduetan bilduko dira, egoera aztertzeko eta ze neurri hartu erabakitzeko. Ontzia mugitzen ari dela kontuan hartuta, segurtasunez lan egitea ez dago bermatuta. Gainera, zazpi egun igaro dira ontzia hondoratu zenetik eta, ondorioz, bidaiariren bat bizirik topatzeko itxaropena gero eta txikiagoa da. Erregaia itsasora zabaltzeko arriskuaGauzak horrela, orain mehatxua beste bat da: ontziaren deposituetan gordetan dauden 2.300 tona erregaia itsasora zabaltzea. Erregaia ateratzen hasi ahal izateko, lehendabizi behin betiko amaitutzat eman beharko dituzte erreskate-lanak. Erregai guztia ateratzeko bi aste beharko dituzte, gutxienez. Ontzia gehiago ez hondoratzeko neurriak hartzeko agindua eman zion atzo Italiako Gobenruak Costa Cruceros enpresari (ontziaren arduraduna). "Ontzia gehiago ez mugitzea eta ez zatitzea espero dugu, bestela erregai guztia itsasora isuriko da", adierazi du Italiako Ingurumen ministroak. 'Costa Concordia'k 4.200 pertsona zeramatzan ezbeharra gertatu zenean eta oraindik 24 pertsona desagertuta daude. Kapitainaren bertsioaFrancesco Schettino kapitainak ontzia ebakuazioa amaitu aurretik abandonatu zuen eta etxean atxilotuta daukate, hondamendiaren erantzulea dela leporatuta. Schettinok erantzukizuna bere gain hartu du, baina istripua beste faktore batzuek eragin ahal izan zutela azpimarratu du. Bitartean, Costa Cruceros enpresak Schettino kargutik kendu du. Bestalde, SkyTG24 telebista-kateak atzo zabaldu zuen grabazio batek erakusten duenez, 'Costa Concordia'ko tripulazioaren buruzagi batek ordu erdiko itzalaldi bat baino ez zutela izan esan zion itsasoko goardiari irrati bidez. Amaitzeko, Italiako Gobernuak ontzi handiak ibilbide arriskutsuak ez egiteko eta kostaldera gehiegi hurbiltzea ekiditeko hartu beharreko neurriak zeintzuk diren eztabaidatuko du ostiral honetan.
Zure interesekoa izan daiteke
Venezuelarekin elkartasunean bat egin du munduak, eta gobernu askok laguntza eskaini dute lurrikaren ostean
Albistearen berri izan orduko mundu osoko gobernu eta erakundeek babesa eta laguntza eskaini diete Venezuelako gobernuari eta herritarrei.
Venezuelako 7,2 eta 7,5 magnitudeko bi lurrikarek herrialdearen iparralde osoa astindu eta dozenaka hildako eragin dituzte
Venezuelako agintariek larrialdi egoera ezarri dute, 164 dira dagoeneko hildakoak eta ia mila zaurituak, nahiz eta kopurua nabarmen handitu daitekeen. Emakume euskaldun bat dago hildakoen artean. AEBko Zerbitzu Geologikoaren arabera, hildakoen kopurua 10.000 eta 100.000 artekoa izan liteke.
Euskal jatorria duen emakume bat, Venezuelako lurrikaran hildakoen artean
Hildakoa Alazne Solabarrieta zen, 65 urtekoa eta Bigarren Errepublika garaian Venezuelara ihes egin zuen alkate baten biloba. Senarra, euskal herritarra, zaurituta dago.
Agustin Otxotorena, Venezuelan bizi den euskal herritarra: "Egunak argitzen duenean, gauza latzak ikusiko ditugu"
Agustin Otxotorena Venezuelan bizi den euskaldunari elkarrizketa egin diote Egun Onen, bertan izan diren lurrikarak direla eta. Dioenez, hainbat eraikin erori dira, baina oraindik gaua da han, hortaz, ezin dute balantzerik egin oraindik.
Europa itolarrian, beroaren ondorioz
Kontinenteak egunak daramatza ezohiko tenperatura altuak jasaten. Beroari aurre egiteko egokituta ez dauden herrialdeak dira gehienak eta herritarrak ahal duten moduan ari dira egun hauek igarotzen. Okerrena, gainera, etortzeko dago herrialde horietan.
Brexitak irabazi eta 10 urtera, "rejoin": dimisioak, ekonomia ahula eta independentismoaren gorakada Erresuma Batuan
Hamarkada bat pasa da Erresuma Batua EBtik atera zenetik, eta tarte horretan Keir Starmer dimisioa emango duen seigarren lehen ministroa da; ekonomiak ez du suspertzea lortu, eta independentismoak indarra hartu du Eskozian, Galesen eta Ipar Irlandan.
Hurrengo bi hilabeetan Irango petrolioa saltzeko baimena eman du AEBk, negoziazioak ondo doazelako
Pakistanek eta Qatarrek, Burgenstocken (Suitza) egiten ari diren negoziazioetako bitartekariek, adierazi dutenez, lehenengo saioa "giro positiboan egin da" eta "aurrerapauso pozgarriak" izan dira.
Zergatik eman du dimisioa Keir Starmerrek? Hauek dira kolokan utzi zuten polemikak
Agintariaren dimisioaren ondorioz, Erresuma Batuak zazpigarren lehen ministroa izango du hamar urtean.
Keir Starmerrek Erresuma Batuko lehen ministro kargua utziko duela iragarri du
Ordezkoa bilatzeko prozesua uztailaren 9an hasiko da, eta egun horretatik aurrera hautagaitzak aurkeztu ahal izango dira alderdia zuzentzeko eta lehen ministro kargua lortzeko. Starmerrek adierazi du bere asmoa trantsizio ordenatu bat erraztea dela, eta erreleboa modu egonkorrean gertatzea.
Abelardo de la Espriella ultraeskuindarrak irabazi ditu Kolonbiako hauteskundeak, %1eko aldearekin
Hautagai ultraeskuindarrak 250.000 boto atera dizkio Ivan Cepeda ezkertiarrari bigarren itzuliko aurre-zenbaketan, eta oposizioak 33.000 mahai inpugnatu dituela iragarri du. Gustavo Petro presidenteak adierazi du oraindik ezin duela presidente berria izendatu.