Greziako Finantza ministro berriak dimititu egin du

Vasilios Rapano Greziako Finantza ministro berriak dimititu egin du gaur, karguaren zina egin baino lehen, bere osasun egoeragatik, Greziako komunikabideek jakitera eman dutenez.

Vasilios Rapanos bankariak konortea galdu eta urdailean min handia izan ostean, sukarrarekin Hygeia ospitalera eraman zuten ostiralean.

Ospital horretatik azaldu dutenez, Rapanos "oso ahula" dago, ondorioz, etxean egon behar du erabakitzeke dagoen denbora batean.

Skai katearen arabera, Rapanosek dimisio karta bidali dio Andonis Samaras lehen ministroari (horren osasun egoera ere korapilatsua da) eta hark onartu egin du dimisioa.