Gutxienez 45 hildako Siriako erregimenaren bonbardaketa batean
Bashar Al-Assaden erregimenak Sayida Zeinaben egiten ari ziren hileta baten aurka erasotu du eta gutxienez 45 pertsona hil dira. Atzoko atentatuaren ostean gobernuak egindako lehenengo erasoa izan da.
Hildakoen kopurua ezberdina da taldeen arabera: Shamek dio hildakoen kopurua 45ekoa dela, auzoko koordinazio batzordeek diote 60 izan direla, Siriako iraultzaren batzorde orokorrak berriz, kopurua ehundik gorakoa dela esan du, eta azkenik, Siriako giza eskubideen behatokiak hamarrekoak izan direla dio.
Istiluak
Bien bitartean, etengabekoak dira Siriako armada eta erreboltarien arteko liskarrak Damaskon. Atzoko erregimenaren aurkako atentatuaren ostean, oposizioak dio erasoak indartu egin direla hirigunean eta hego-mendebaldean.
Siriako iraultzaren batzorde orokorrak dio istilu gogorrak direla Al Mezzehen, non Siriako armada libreko matxinatuak daude alde batetik, eta bestetik gobernuko indarrak. Taldeak dio helikopteroen leherketa eta tiroketak etengabe entzuten direla.
Behatokiaren arabera, liskarrek hirugarren egunez jarraitzen dute Al Mayid mezkita inguruan, armadaren bonbardaketa artean. Gobernukoak erasoak indartu ditu atzoko atentatuaren ostean, non defentsa ministroa, Daud Abdelá Rayiha eta ministro ordea Asef Shaukat hil zituzten besteak beste.
Izendatu berri duten defentsa ministro berriak, Fahd Yasemek esan du atentatuak ez duela Siriako armada kokilduko eta ustezko terroristen aurka arituko dela.
Zure interesekoa izan daiteke
Trumpek 5.000 soldadu estatubatuar erretiratuko ditu Alemaniatik
Boris Pistorius Alemaniako Defentsa ministroak adierazi du AEBk soldadu estatubatuarrak Alemaniatik partzialki erretiratzea aurreikus zitekeela, baina erabaki horrek “argi uzten du Europak ardura handiagoa hartu behar duela bere segurtasuna bermatzeko”. AEBko armadak 36.000 soldadu baino gehiago ditu bertan aktibo.
Trumpek amaitutzat eman du gerra, Kongresuari baimena eskatzea saihesteko
AEBko presidenteak ostiral honetan Kongresuari helarazitako gutun batean baieztatu du Ekialde Hurbileko erasoak "eten" egin direla, nahiz eta eskualdean indar militarrei eutsi eta Teheranekin dituen negoziazioak baketik urrun egon.
Trumpek merkataritza ituna urratzea leporatu dio EBri, eta autoen gaineko muga zerga % 25era igoko du
Europako Batzordeak gezurtatu egin ditu Estatu Batuetako presidenteak egindako salaketak, eta muga-zergen neurri berrien aurrean bere interesak babesteko "aukerak" zabalik dituela ohartarazi du.
Israelek atxilotutako Flotillako ekintzaileak Greziatik aberriratzen hasi dira
Bi ekintzaile, Saif Abukeshek jatorri palestinarreko espainiarra eta Thiago Avila brasildarra, atxikita ditu Israelek, eta Espainiako eta Brasilgo gobernuek berehala askatzeko eskatu dute.
Milaka langile mobilizatu dira mundu osoan beren eskubideen alde, eta lan-baldintza hobeak eskatu dituzte
Europa, Amerika, Asia edota Afrikako hirietan martxa jendetsuak egin dituzte maiatzaren 1ean, soldata hobeagoak, lanaldiaren murrizketa eta prekarietatearen aurkako babes handiagoa aldarrikatzeko, besteak beste.
Iranek negoziatzeko beste proposamen bat bidali dio AEBri
Trumpek onartu du Iranek "aurrerapausoak" eman dituela bere proposamenean, baina ez du baztertzen aukera militarra.
Elon Muskek onartu du xAIk OpenAIren modeloak erabili dituela Grok entrenatzeko, destilazio bidez
Destilazioa AA modelo baten ikasitakoak beste bati transmititzeko praktika da; horrela, modelo txikiago batek sare neuronal handiagoen jokabidea imita dezake.
Israelek Global Sumud Flotillako bi ekintzaile eraman eta gainerakoak askatu ditu Kretan
Global Sumud Flotillak "legez kanpoko bahiketa" salatu du eta bi kide askatzeko nazioarteko presioa eskatu du; Israelek Gazaren aurkako itsas blokeoa defendatu du.
Trump, Italian eta Espainian dituen tropa estatubatuarrak erretiratzeaz: "Zergatik ez nuke egin behar?"
Ameriketako Estatu Batuetako presidentearen ustez, Europako herrialde batzuek ez diote lagundu behar izan duenean, Washingtonek Ukrainako gerran lagundu arren, AEBrekin "zerikusirik" ez badu ere.
Israelgo Armadak Global Sumud Flotillako 22 ontzi atzeman ditu nazioarteko uretan
Erasoa nazioarteko uretan egin du, Israeldik 1.000 kilometrora. Israelgo Atzerri Ministerioak jakinarazi duenez, 175 ekintzaile atxilotu dituzte. Azken orduetan, Greziako hondartza batean utziko dituztela jakinarazi dute. Israelen eta inguruetan dauden Espainiako enbaxadak aktibatuta daude bertako pasaportea duten atxilotuak artatu ahal izateko.