Obama: 'Israelek Sirian egindako erasoa Hizbulaz babesteko izan da'
Barack Obama Ameriketako Estatu Batuetako presidenteak Israelek defendatzeko eskubidea duela esan du, Hizbula alderdi xiitak arma berriak hartzea ekiditeko. Horrela justifikatu du Obamak Israelek egindako ustezko bonbardaketa.
Hala ere, ez du erasoa ofizialki konfirmatu nahi izan. "Israeleko Gobernuak berretsi edo gezurtatu beharko du ustezko erasoa", adierazi du.
Israelek Siriari eraso egin dio airez
Siriara misilak jaurti dituztela baieztatu du Israelek. Hala ere, ez dago oso argi erasoaren helburua zein zen. Ekialde Hurbileko Segurtasun iturriek gezurtatu egin dute arma kimikoen instalazio baten kontrako erasoa izan denik.
Antza denez, ostiralean izan zen erasoa, eta Israelgo lehen ministroak ostegunean hartu zuen erabakia, haren gobernuko Segurtasun batzordearekin bilera egin ostean.
AEBetako hainbat komunikabidek jakitera eman dutenez, Israelgo hainbat gerra-hegazkin ikusi dituzte Libanon. Halaber, Libanoko Armadak baieztatu egin du ostegunean eta ostiralean Israelgo 16 hegazkin herrialde horretako aire-eremuan izan zirela. Hala ere, ez dute egiaztatu Siria bonbardatu duten hegazkinak Libanon ikusi dituztenak ote diren.
Libanoko Hezbola talde armatuari edo talde terroristeri armak eman ohi dizkien edozein helburuaren kontra egingo duela iragarri du Israelek behin baino gehiagotan.
Halaber, AEBetako hainbat langile publikok adierazi dutenez, Isralek Hezbolako arma-kargamentua bonbardatu du, eta horien ustez litekeena da arma kimikoak emateko sistema batekin lotura izatea.
Gaurkao, Israelek Siriaren aurka egindako bigarren erasoa da. Moshe Yaalon Israelgo Defentsa ministroak aitortu duenez, urtarrilean hainbat gerra-hegazkinek zenbait misil zeramatzan konboi bat bonbardatu zuten.
Zure interesekoa izan daiteke
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.