Inmigrazioaren drama
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

181 hilotz berreskuratu dituzte Lampedusan

Eguraldiaren eta itsasoaren baldintza kaskarrak direla eta, erreskate taldeek eta urpekariek ezin izan dute lanik egin bi egunez. Azken orduetan beste 181 hilotz atera dituzte.
Lampedusa hondoratzea
author image

Erredakzioa

Azken eguneratzea

Eguraldiak hobera egin ondoren, Italiako erreskate taldeeek gaur berrekin diete ostegunean Lampedusa ondoan hondoratu zen ontziko desagertuak bilatzeko lanei. Gaurko lanetan 181 gorpu aurkitu dituzte, eta, beraz, 292 dira dagoeneko Lampedusako naufragioan hildakoak.

Guztira 500 etorkin inguru zihoazen ontzian, eta, beraz, 60 batek segitzen dute oraindik uretan desagertuta. Pietro Bartolo forentseak komunikabideei azaldu dienez, gaur lortu dute uretatik hilotz gehiago berreskuratzea, baina argitu du zehatz zenbat atera ahal izango dituzten oraindik ez dakitela.

Atsekabetuta dago Italia eta Nazioartea. Lampedusako ezbehar larriak agerian utzi du, beste behin, ez dagoela immigrazioari buruzko politika egoki bat, eta Afrikatik datozen etorkinen zorigaitza.

Bizirik atera diren etorkinen esanetan, ostegunean Italiako uhartetik gertu hondoratu zen ontzian zihoazenak 518 ere izan litezke, gehienak somaliarrak eta eritrearrak. 155 lagun onik erreskatatu zituzten, tartean sei emakume eta bi ume. Bi haurdun Palermora (Sizilia) eraman zituzten, eta Lampedusako erietxera beste hiru lagun.

Etenik gabeko tragedia

Mediterraneoan azken urteetan izan den tragediarik latzenetakoa izan da honako hau. Etenik gabe, egunero iristen dira etorkinak Lampedusara itsasoz, batez ere Afrika iparraldetik. Osteguneko ezbeharra jazo baino ordu batzuk lehenago, beste 463 pertsona heldu ziren Italiako uhartera. "Etenik ez duen izugarrikeria bizi dute. Jada, ez dakigu non sartu hildakoak, ezta bizirik iristen direnak ere", esan du Lampedusako alkateak.

200 pertsona hil dira Italian, itsasontzi bat Lampedusan hondoratuta
Lampedusan itotakoen bila jarraitzen dute Italian
200 gorpu erreskatatu behar dituzte oraindik ere Lampedusan
Munduko albisteak Migrazioa Eguneko Titularrak Italia Itotzeak

Albiste gehiago mundua

Al-Rashid Street (-), 22/06/2025.- Displaced Palestinians carry relief packages along Rashid Street, west of Jabalia, 22 June 2025, after humanitarian aid trucks entered the northern Gaza Strip through the Israeli-controlled Zikim crossing, northwest of Gaza City. More than 55,700 Palestinians have been killed in the Gaza Strip, according to the Palestinian Ministry of Health, since Israel launched a military campaign in the strip in response to a cross-border attack led by the Palestinian militant group Hamas on 07 October 2023. EFE/EPA/HAITHAM IMAD
18:00 - 20:00
ZUZENEAN
Duela  min.

Israelek laguntza jasotzeko zain zeuden beste 49 pertsona hil ditu Gazan

Hala, Israelgo Armadak gutxienez 410 palestinar hil ditu maiatzaren 28tik GHF fundazio polemikoak antolatutako banaketa guneetan, eta beste 93 hil dira NBEk eta gobernuz kanpoko beste erakunde batzuek banatutako laguntza urria eskuratzen saiatzen ari zirenean.

Gehiago kargatu