Bat egiteko negoziazioak hasi dituzte EBk eta Serbiak
Serbiak Europar Batasunean sartzeko negoziaketak hasi ditu gaur ofizialki. Europako eta Serbiako ordezkariek egun "historikotzat" jo dute gaurkoa. Belgradok Kosovorekin harremanak normalizatzea erabakigarria izan da prozesua hasteko.
"Serbiarentzat eta EBrentzat egun historikoa da (...) Serbia Mendebaldeko Balkanetako eredu bat da", adierazi du Stefan Fule EBko Handitze komisarioak Bruselan. Egunaren "esangura historikoa" azpimarratu du Ivica Dacic Serbiako lehen ministroak.
"Bigarren Mundu Gerraren amaieratik gertakaririk garrantzitsuena da Serbiarentzat", goraipatu du Dacicek. EBn sartzeko bideak "izan nahi dugun gizartea definituko du", Dacicen hitzetan.
Ivica Dacic Serbiako lehen ministroa eta Stefan Füle EBko Handitze komisarioa. Argazkia: EFE
Bestalde, Jose Manuel Durao Barroso Europako Batzordearen presidentea Serbia "laudatu" du, "azken urteetan esfortzuak egin eta aurrerapausoak eman dituelako". Barroso Dacicekin bildu da.
Akordioa Kosovorekin
Zentzu horretan, iragan apirileko akordio "historikoa" nabarmendu du Barrosok. Catherine Ashton EBren diplomaziako buruaren bitartekaritzarekin Belgradok eta Pristinak harremanak bideratu zituzten. Horrela, Kosovo iparraldeko serbiarrek autonomia lortu zuten, 2008tik indarrean zituzten botere egitura paraleloak desegitearen truke.
Evangelos Venizelos Greziako Atzerri ministroaren ahotan, prozesuak Serbiaren eta Kosovoren "bideak" bermatu behar ditu, "esfortzuak blokeatu gabe" eta harremanak normalizatuz.
Zure interesekoa izan daiteke
Girondako sutea berraktibatu da fokuetako batean, eta beste 4.000 turista ebakuatu dituzte
Sutea gaur gauetik dago egonkortuta, baina agintariak fenomeno meteorologiko kaltegarrietarako prestatzen ari dira. Puntu horietako bat berriro aktibatu da haizearen norabidea aldatu da eta.
Gutxienez hildako bat eta dozenaka zauritu utzi ditu Japon hego-mendebaldea astindu duen 7,1 indarreko lurrikarak
Kumamotoko merkataritza-gune batean leherketa izan da, eta baliteke hildako gehiago egotea. Tsunami alerta bertan behera utzi dute.
15 urteko mutil bat atxilotu dute Seattleko tiroketarekin lotura duelakoan
Gutxienez hiru pertsona hil eta lau zauritu ziren gastronomia-jaialdi ezagun batean izandako tiroketan. Poliziak bigarren susmagarri baten bila jarraitzen du.
Macronek iragarri du Landetako sutea "kontrolpean" dagoela, baina Girondakoak "oso gogor" jarraitzen duela
Girondako departamenduan piztutako sutearen harira, Eliseoko buruak esan du "borrokan" jarraitzen dutela. "Egonkortu egin da, gutxigorabehera, baina oso gogorra izaten jarraitzen du, eta oso zuhurrak izan behar gara datozen orduetan eta egunetan", ohartarazi du.
Iranen aurkako bonbardaketak gelditzeko agindu du Trumpek, akordio bat negoziatzeko
Hala ere, ohartarazi du erasoei berriro ekingo diela elkarrizketek porrot egiten badute.
Gutxienez hiru pertsona hil eta lau zauritu dira tiroketa batean Seattle hirian
Tiroketa gastronomia jaialdi batean gertatu da. Alkatearen arabera, pertsona bat atxilotu dute gertaerarekin lotura duelakoan.
Kolonoek izua zabaltzen jarraitzen dute, Israelgo Gobernuak Zisjordaniaren aurkako setioa larriagotzen duen bitartean
Israel Katz Israelgo Defentsa ministroak iragarri du "terrorismoaren aurkako" operazioak datozen asteetan ere luzatuko direla. Palestinako Aginte Nazionalak "premiazko nazioarteko interbentzioa" eskatu du.
Girondako suteak 240 etxebizitza suntsitu ditu eta 75 suhiltzaile zauritu dira
42.000 hektarea kiskali ditu jada, eta 220.000 pertsona ebakuatu behar izan dituzte. Agintariek, hala ere, baztertu egin dute Bordele husteko aukera, oraingoz. Macron presidenteak ministerio arteko bilera deitu du astelehen goizerako, krisia aztertzeko.
Poliziak larunbateko harrapaketaren ustezko egilea hil du, tiroz, Berlinetik gertu
Abdul Ballout 21 urteko gizonari urtebete eta hamar hilabeteko espetxe-zigorra ezarri zioten maiatzean, Sirian Estatu Islamikoarekin bat egiten saiatzeagatik.
A63 errepidea itxi dute Baionan, Bordelerako noranzkoan, Gironda eta Landetako suteengatik
Sophie Broca Girondako prefetak bertara ez joateko eskatu die turistei. Gainera, iragarri du ez duela baimenduko "ebakuatuak itzultzea, ezta inguruko lan-jarduera garatzea ere", gutxienez astelehenenera arte.