Desagertutako hegazkinarenak izan litezkeen zatiak atzeman dituzte
Australiak martxoaren 8an desagertu zen hegazkin malaysiarrarenak izan litezkeen bi objektu atzeman ditu Indiako Ozeanoan, Tony Abbott herrialde horretako lehen ministroak iragarri duenez. 239 pertsona zihoazen hegazkinean.
"Itsas Segurtasuneko Agintaritza Australiarrak (AMSA) jaso du informazioa, sateliteek hartutako argazkiak oinarri", adierazi du Abbottek, Canberrako Parlamentuan, ABC telebista-kate australiarrak zabaldutakoaren arabera.
Hain zuzen ere, objektuak Perth hiri australiarretik 2.500 kilometro hego-mendebaldera topatu dituzte, John Young AMSAren Larrialdietarako gerente nagusiak prentsaurrekoan azaldu duenez, eta handiena "24 metrokoa" da.
Malaysiako hegazkina desagertu zen lekua eta gertu dauden aireportuak. EiTB
Australiako Aire Armadaren hegazkin bat bertaratu da, eta gaur gauean beste hiruk (australiar bat, estatubatuar bat eta zeelandaberritar bat) egingo dute. Itsasontzi bat ere hara abiatu da.
Ozeanoa "milaka metro" sakon da puntu horretan.
Gutxienez 26 estatu ari dira bilaketa lanetan. MH370 hegaldia Kuala Lumpur-Beijing bidea egiten ari zen, baina bat-batean komunikazioak eten zituen eta norabidea aldatu zuen.
Malasiako Gobernuaren ustez, Australiak aurkitutako objektuak "zantzu sinesgarriak" direla martxoaren 8an desagertu zen Boeing 777a aurkitzeko.
Hishammuddin Hussein Garraio ministroak azpimarratu duenez, zati horiek Malaysiako hegazkinarenak direla jakin arte, iparraldeko eta hegoaldeko korridoreetan bilaketa lanekin jarraituko dute.
Zure interesekoa izan daiteke
Emakume batek hondakinen artean izan du umea Venezuelan
Emakumea erreskatatzen ari zirenean hasi zen erditzen, kaosaren eta hondamendiaren erdian. Erreskate-taldeen lanari esker, ama eta jaioberria bizirik atera zituzten. Gertakari horrek itxaropena piztu du, tragediaren kontrapuntua baita; erreskate-taldeak erlojuaren aurka ari dira lanean, lurrikarak izan ostean hondakinen artean harrapatuta geratu diren pertsonak bizirik erreskatatzeko.
Erlojuaren aurka bila ari dira Venezuelan, lurrikararen ostean bizirik atera direnak erreskatatzeko
Ameriketako Estatu Batuek (AEB) laguntza taldeak eta baliabide logistikoak zabalduko dituzte Venezuelan bi lurrikara bortitzek eragindako kalteei aurre egiteko. Ehunka hildako eta milaka zauritu zenbatu dituzte jada.
Bi lurrikara gogorrek Venezuela astindu dute eta, gutxienez, 235 hildako eta 4.300 zauritu utzi dituzte
Venezuelako agintariek larrialdi egoera ezarri dute, eta nazioarteari laguntza eskatu diote. AEBko Zerbitzu Geologikoaren arabera, hildakoen kopurua 10.000 eta 100.000 artekoa izan liteke.
Honela jazo dira Venezuelako lurrikarak: bi seismo, minutu bat baino gutxiagoan
Dardara indartsu horiek 280 eraikin ingururi eragin diete, batez ere La Guaira estatuan, eskualde kaltetuena izan baita. Horrez gain, kalte handiak izan dira Caraballedako eta Hondartza Handiko eremuetan. Lurrikara bortitzen ondoren, 30 erreplika izan dira, bereziki La Guaira, Caracas eta Yaracuy estatuak astindu dituztenak.
Euskal jatorriko emakume bat hil da eta beste bi euskal herritar daude desagertuta Venezuelako lurrikaren ostean
Hainbat orduz bila aritu ostean, Alazne Solabarrietaren familiak haren heriotza baieztatu du. Bestalde, Bilboko Venezuelarren Plataformak euskal jatorriko beste emakume baten desagerpenaren berri eman du. Gainera, EITBk jakin ahal izan du ez dagoela 67 urteko bizkaitar jatorriko gizon baten berririk.
Mikel Moreno, Caracasen bizi den euskal herritarra: "Eroritako eraikin, zubi eta zuhaitz asko ikusi ditugu"
Mikel La Guairan zegoen lurrikara hasi denean, eta, Agustin, Caracasen. Mikelek etxera itzultzea erabaki du, hiriburura. Ordubetean egiten den ibilbidea osatzeko, ordea, bost ordu behar izan ditu. Ez du ikusitakoa ahaztuko. Erreplikak behin eta berriz nabaritzen dituzte, eta nazioarteko laguntza eskatu dute egoerari aurre egiteko.
Venezuelarekin bat egin du munduak, eta gobernu askok laguntza eskaini dute lurrikaren ostean
Albistearen berri izan orduko mundu osoko gobernu eta erakundeek babesa eta laguntza eskaini diete Venezuelako gobernuari eta herritarrei.
Agustin Otxotorena, Venezuelan bizi den euskal herritarra: "Egunak argitzen duenean, gauza latzak ikusiko ditugu"
Agustin Otxotorena Venezuelan bizi den euskaldunari elkarrizketa egin diote Egun Onen, bertan izan diren lurrikarak direla eta. Dioenez, hainbat eraikin erori dira, baina oraindik gaua da han, hortaz, ezin dute balantzerik egin oraindik.
Europa itolarrian, beroaren ondorioz
Kontinenteak egunak daramatza ezohiko tenperatura altuak jasaten. Beroari aurre egiteko egokituta ez dauden herrialdeak dira gehienak eta herritarrak ahal duten moduan ari dira egun hauek igarotzen. Okerrena, gainera, etortzeko dago herrialde horietan.
Brexitak irabazi eta 10 urtera, "rejoin": dimisioak, ekonomia ahula eta independentismoaren gorakada Erresuma Batuan
Hamarkada bat pasa da Erresuma Batua EBtik atera zenetik, eta tarte horretan Keir Starmer dimisioa emango duen seigarren lehen ministroa da; ekonomiak ez du suspertzea lortu, eta independentismoak indarra hartu du Eskozian, Galesen eta Ipar Irlandan.