Ukraina, Errusia, AEB eta EB, konponbide baketsua adostu nahian
Ukraina, Errusia, AEB eta EBko diplomaziako ordezkarien arteko bilera 11:00etan hasi dute, Ukrainako ekialdeko tentsioa baretzeko helburuarekin.
Lau aldeak bildu baino lehen, John Kerry AEBko estatu idazkariak bakarkako bilerak egin ditu, Catherine Ashton Europako Kanpo Politikako arduradunarekin, eta Andriv Deschchitsia eta Sergeui Lavrov Ukrainako eta Errusiako Atzerri ministroekin, hurrenez hurren.
Aurreko hiru bilerak laburrak izan dira, 30na minutukoak, eta ez dute hitz egindakoaren daturik jakinarazi; AEBko zenbait iturriren arabera, asmoa baita zehaztasunik ez ematea lauren arteko bilera bukatu arte.
Lau aldeen arteko bilerak lau ordu inguru irautea aurreikusi dute, baina baliteke apur bat gutxiago irautea, aipatutako iturrien arabera.
Ondoren, Ukrainan tentsioa baretzeko adostutako bideak jendaurrean aurkeztuko dituzte.
Hiru errusiazale hil dira eraso batean
Baretzetik urrun, tentsioak gora egin du azken orduetan Ukraina ekialdean. Arsen Avakov Barne ministroak jakinarazi duenez, Errusiaren aldeko hiru lagun hil dituzte, 13 zauritu eta 63 atxilotu, Mariupolen, herrialdearen ekialdean, kuartel militar baten aurkako erasoan.
Gobernutik esandakoaren arabera, 300 bat errusiazalek su-bonbekin eraso diote kuartel militar bati. Ondorioz, gutxienez hiru lagun hil dira, eta hamar bat zauritu.
Nazioartea, Genevari begira
Ukrainako Gobernuaren aurka egiten jarraituz gero, AEBk eta Europak, biek ala biek erantzungo dutela ohartarazi dio Barack Obamak Vladimir Putini.
Krimea bere eginda, Errusiak Ukrainako subiranotasuna eta lurralde batasuna "bortxatu" dituela adierazi du buruzagi estatubatuarrak. Eta, jarrera horretan atzera egin ordez, errusiazaleak babestuta, Ukraina hegoaldean eta ekialdean tentsioa handiagoa izan dadin laguntzen ari dela salatu du.
Hori dela eta, Kieveko Gobernuaren aurka ari diren ukraniar errusiazaleak babesteari uzteko eskatuko dio Washingtonek Moskuri.
Diplomazia, azken aukera
Herrialdeko egoera lehengoratzeko, baina, diplomaziaren bidea jorratu nahi dute Europak eta AEBk. John Kerry Estatu idazkaria Genevara bertaratu da, Europarekin, Errusiarekin eta Ukrainarekin goi bileran parte hartzera.
Estatu Batuak ez du Errusiarekin gatazka militarrik nahi; "eurek ez dute gerrarik nahi eta guk ere ez", nabarmendu du Washingtonek. Gauzak horrela, gaurko goi-bilera gerra zibila gelditzeko azken aukera bezala hartu dute nazioarteko adituek.
Dena dela, Errusiaren aurkako zigor neurriak ezartzeko asmoarekin doaz Estatu Batuak Genevako bilerara: "zigor gehiago ditugu esku artean, eta indarrean jarriko ditugu beharrezkoa bada", adierazi du Jay Carney Etxe Zuriaren bozeramaileak.
The New York Times egunkariaren arabera, Errusiako pertsona garrantzitsuen zerrenda egina du AEBk, eta bidaiatzeko edo diru-kontuak erabiltzeko murrizketak jar diezazkieke, gatazkak konponbiderik izan ezean.
NATO
Bestalde, Anders Fogh Rasmussen NATOko idazkari nagusiak asteazken honetan jakinarazi duenez, Europa ekialdeko herrialdeetan babesa indartuko du "airez, lurrez eta itsasoz", hain zuzen ere, Ukrainako krisiaren aurrean Aliantzako herrialdeak babesteko.
"Hegazkin gehiago egongo dira zeruan, itsasontzi gehiago itsasoan, eta bitarteko gehiago lurrean", adierazi du Rasmussenek kazetarien aurrean. Halaber, Ukrainako krisiari aurre egiteko "bide bakarra" politikoa dela nabarmendu du.
Zure interesekoa izan daiteke
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.