Errusia larrialdi-egoeran dago, Ukrainako errefuxiatu kopuruagatik
Errusiako agintariek larrialdi-egoera ezarri dute hegoaldeko sei lurraldetan, Ukrainatik iristen ari den errefuxiatu kopuruaren ondorioz.
"Rostoven, Volgograden, Astrakhanen, Stavropolen, Kalmukia errepublikan eta Sebastopol hirian ere larrialdi-egoera ezarri dugu", adierazi du Vladimir Artamonoc Errusiako Larrialdietarako ministroordea, Parlamentuko Goi-Ganberan egindako bileran.
Belgorod eta Voronezh aldean (Europatik gertuen dauden Errusiako lurraldeak), berriz, alertan daude, errefuxiatuen zain.
Larrialdietarako Ministerioak aire-zubiak antolatu ditu, mugan biltzen ari diren errefuxiatu ukrainarrak garraiatzeko.
306 errefuxiatu-eremu
Behin-behineko 306 errefuxiatu eremuetan 19.800 pertsona daudela adierazi zuen asteazkenean Ministerioak. Gainera, Ukrainatik etorritako 127 pertsonak osasun asistentzia jaso dute Donetsk hirian dagoen ospitale mugikorrean.
Errusiako Migrazio Zerbitzu Federalaren arabera, Ukrainatik iritsitako pertsonen kopuruak gora egin du Ukrainako Armadak uztailaren 1ean matxinoen kontrako erasoaldiari berriro ekin zionetik.
Bostehun bat pertsona hil dira Ukraina ekialdean
Gobernuko indarren eta errusiazale separatisten arteko gatazka armatuak Ukraina ekialdean 478 zibil hiltzea eragin du hiru hilabeteetan, Ukrainako Osasun Ministerioak ostegun honetan jakitera eman duenez.
“478 pertsona hil dira, horietan artean 30 emakume eta zazpi haur. Herritar zibilak dira”, esan du Vasili Lazorishinets Osasun ministrordeak prentsaurrekoan.
Halaber, “1.392 pertsona, horien artean 104 emakume eta 124 haur zauritu dira”, gaineratu du ministrordeak.
Zure interesekoa izan daiteke
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.