Su-etena luzatzeko eskatu die Egiptok palestinarrei eta israeldarrei
Punturik konplexuenak negoziatzeko testuinguru berri bat ahalbidetzea eskatu die gaur Egiptok palestinarrei eta israeldarrei. Horrela, su-etena luzatzeko eskatu die Kairok bi aldeei, besteak beste, Gazako Zerrendaren blokeoarekin bukatzea negoziatzeko.
Israel eta Hamas zorrotz betetzen ari dira atzo Gazan abiatutako 72 orduko su-etena.
Bien bitartean, bi aldeetako ordezkariak Kairon daude, tregoa sakonago bat adosten saiatzeko. Egiptoko Gobernuak bitartekari lanak egingo ditu.
Negoziazio hasiberriak
Zeharbidezko negoziazio sorta batean parte hatu dute gaur aldeek, Palestinako miliziek Mohamed al Tohami Egiptoko zerbitzu sekretuetako buruzagiarekin elkarrizketa izan dute esaterako.
Gazaren eta Israelen arteko mugak irekitzeko aukera mahai gainean dago; izan ere, Zerrendako blokeoa bertan behera utziko luke horrek. Palestinarren baldintza horixe da, eta elkarrizketetan gaia jorratuko dute.
Indarkeria areagotzea saihesteko modua beste eztabaidagaia da. Horretarako, krisia behin betiko konpontzeko testuinguru berri bat bultzatu nahi dute. Zentzu horretan, Palestinako Estatuaren sorrera gakoa izan daiteke.
Suhiltzaileak lanean Gaza hirian. Argazkia: EFE
Palestinako ordezkaritzak egunak daramatza Kairon eta milizia nagusiek ordezkariak dituzte bertan. Besteak beste, indarkeria etetea, Zerrendako blokeoa bukatzea, presoak askatzea eta arrantza eskubideak eskatuz agiri bat entregatu zien Palestinako ordezkaritzak Egiptoko agintariei.
Israelek ordezkaritza asteartean bidali zuen eta erantzun bat Egiptori emango dio. Erantzunaren berri ostegun honetan emango dio Kairok Palestinako ordezkaritzari.
Erasoaldiaren ondorio ankerrak
Israelek uztailaren 8an abiatu zuen Gazaren aurkako erasoa, Zisjordanian hiru gazte israeldar bahitu eta hil zituztelako. Orotara 1.867 palestinar hil ditu Armadak, eta 9.563 zauritu.
Biktima gehienak (% 80 inguru) zibilak dira, eta horietako 400, umeak.
Israelen aldetik, 67 dira hildakoak. 64 soldadu (Gazan lurreko inbasioan hasi eta gero hil dira, borroketan) eta hiru zibil, Hamasek jaurtitako suzirien ondorioz.
Guztira, Israelek 4.800 bonbardaketa egin ditu, eta 5.000 milioi dolarreko kalte materialak eragin ditu.
Gaza errauts eginda dago, tartean eskolak, ospitaleak, hedabideen egoitzak, etxebizitzak, eraikin publikoak, ur eta argindar azpiegiturak eta zentralelektriko bakarra.
Zure interesekoa izan daiteke
Bilaketa lanek ez dute etenik Venezuelan, lurrikarak utzitako hondakinen artean
Datu ofizialen arabera, 920 hildako eta 50.000 desagertu baino gehiago utzi dituzte lurrikarek. Espainiako Estatuko herritarrei dagokienez, 5 espainiar hil eta 133 desagertu omen dira.
Erlojuaren aurka ari dira Venezuelan, lurrikarak izan ostean bizirik egon daitezkeenak erreskatatzeko
Nazioarteko lehen laguntza-taldeak eta baliabide logistikoak iristen eta zabaltzen hasi dira. Bitartean, hildakoen eta zaurituen kopuruak gora egiten jarraitzen du etengabe: azken datuen arabera, 1.000 inguru dira hildakoak eta 3.360 baino gehiago dira zauritutakoak.
AEBk Iran bonbardatu du, Ormuzko itsasartean itsasontzi batek erasoa jaso ostean
AEBk drone eta misil biltegien aurka egindako erasoek, beraz, arriskuan jarri dute itsasartea berriro irekitzeko akordioa, eta bake prozesuari buruzko negoziazioek kolokan jarraitzen dute.
Israelek eta Libanok bake akordioa lortu dute Estatu Batuen bitartekaritzarekin
Benjamin Netanyahuk iragarri duenez, Washingtonen lortutako akordioaren ostean, Libano hegoaldean dauden indar israeldarrak bi eremutatik erretiratuko dira. Hezbollah-ek, bere aldetik, ez du akordioa onartu.
Bi euskal herritar desagertuta daude Venezuelako lurrikaren ostean
Zehazki, emakume donostiar bat eta gizon bilbotar bat dira. Orduak igaro ahala, bizirik aurkitzeko aukerak murriztu egiten dira, baina senideek eta lagunek onik topatzeko itxaropenari eusten diote. Bestalde, atzo baieztatu zen Alazne Solabarrieta euskal jatorriko emakumea hil dela.
Emakume batek hondakinen artean izan du umea Venezuelan
Emakumea erreskatatzen ari zirenean hasi zen erditzen, kaosaren eta hondamendiaren erdian. Erreskate-taldeen lanari esker, ama eta jaioberria bizirik atera zituzten. Gertakari horrek itxaropena piztu du, tragediaren kontrapuntua baita; erreskate-taldeak erlojuaren aurka ari dira lanean, lurrikarak izan ostean hondakinen artean harrapatuta geratu diren pertsonak bizirik erreskatatzeko.
Bi lurrikara gogorrek Venezuela astindu dute eta, gutxienez, 235 hildako eta 4.300 zauritu utzi dituzte
Venezuelako agintariek larrialdi egoera ezarri dute, eta nazioarteari laguntza eskatu diote. AEBko Zerbitzu Geologikoaren arabera, hildakoen kopurua 10.000 eta 100.000 artekoa izan liteke.
Honela jazo dira Venezuelako lurrikarak: bi seismo, minutu bat baino gutxiagoan
Dardara indartsu horiek 280 eraikin ingururi eragin diete, batez ere La Guaira estatuan, eskualde kaltetuena izan baita. Horrez gain, kalte handiak izan dira Caraballedako eta Hondartza Handiko eremuetan. Lurrikara bortitzen ondoren, 30 erreplika izan dira, bereziki La Guaira, Caracas eta Yaracuy estatuak astindu dituztenak.
Mikel Moreno, Caracasen bizi den euskal herritarra: "Eroritako eraikin, zubi eta zuhaitz asko ikusi ditugu"
Mikel La Guairan zegoen lurrikara hasi denean, eta, Agustin, Caracasen. Mikelek etxera itzultzea erabaki du, hiriburura. Ordubetean egiten den ibilbidea osatzeko, ordea, bost ordu behar izan ditu. Ez du ikusitakoa ahaztuko. Erreplikak behin eta berriz nabaritzen dituzte, eta nazioarteko laguntza eskatu dute egoerari aurre egiteko.
Venezuelarekin bat egin du munduak, eta gobernu askok laguntza eskaini dute lurrikaren ostean
Albistearen berri izan orduko mundu osoko gobernu eta erakundeek babesa eta laguntza eskaini diete Venezuelako gobernuari eta herritarrei.