AEBk eta NATOko lau herrialdek armak bidaliko dizkiotela dio Kievek
AEBk eta NATOko lau herrialdek (Frantzia, Italia, Polonia eta Norvegia) armak eta aholkulari militarrak bidaliko dizkiote Kievi, Ukrainako Presidentetzak igande honetan iragarri duenez.
"NATOren goi-bileran akordioa lortu genuen eta horren baitan AEBk, Frantziak, Italiak, Poloniak eta Norvegiak armak eta aholkulari militarrak bidaliko dituzte", azaldu du Yuri Litsenko Petro Poroxenko Ukrainako presidentearen taldeko kideak Facebookeko haren kontuan, Itar-Tass Errusiako albiste agentziak zabaldu duenaren arabera.
Galeseko Newport hirian irailaren 5ean eta 6an egin zen NATOren goi-bileran lortu zuten akordioa. Poroxenko goi-bilera horretan izan zen eta bileraren ondotik, NATOko hainbat herrialde Ukrainari armak bidaltzeko prest agertu zirela esan zuen, baina ez zituen herrialdeak aipatu.
Arma bidalketa horri esker, Ukrainak arma modernoagoak eskuratuko dituela adierazi zuen. Orain arte, NATO Ukrainari armak bidaltzearen kontra agertu da, Ipar Atlantikoko Tratatuaren Erakundetik (NATO) kanpo dagoelako. Hala ere, NATOk ez du baztertu aliantzako kide diren herrialdeek beren kasara armak bidaltzea.
AEBko, Italiako, Poloniako eta Norvegiako gobernuek gezurtatu egin dute
AEBko Gobernuak gezurtatu egin du Ukrainara arma modernoak bidaliko dituela, eta Italia, Polonia eta Norvegiako gobernuek ere gauza bera egin dute. "AEBk ez diote inolako eskaintzarik egin Ukrainari laguntza hilgarria emateko", adierazi dio AEBko gobenuko ordezkari batek Reuters albiste agentziari.
Italiako, Poloniako eta Norvegiako gobernuek ere informazioa gezurtatu egin dute. "Informazio hori ez da zuzena. Italia Europar Batasuneko eta NATOko beste herrialde batzuekin batera hilgarriak ez diren gauzekin laguntza militarra prestatzen ari da: balen kontrako txalekoak edota kaskoak esaterako", azaldu du Italiako Defentsa Ministerioko bozeramaile batek.
Zure interesekoa izan daiteke
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.