Dozenaka lagun etxetik atera dituzte uholdeengatik, Montpellierren
Dozenaka lagun atera dituzte, bart, euren etxeetatik Montpellier inguruan (Frantzia), uholdeengatik. Helikopteroetan atera dituzte eta hiriaren kanpoaldeko kirol-guneetara eraman dituzte, gaua pasatzera. Euren kabuz etxetik atera diren ehunka lagun ere hiriaren kanpoaldeko babes-guneetan bildu dira. Urak txikizioak eragin dituen arren, ez da inor zauritu.
200 suhiltzaile inguru ari dira lanean, atzotik, Montpellier inguruan: euri-erauntsi handia bota zuen eta denbora gutxian Lez ibaiak gainezka egin zuen. Auto ugari eraman zituen urak.
Frantziako meteorologia zerbitzuek iragarri dutenez, euri-fronteak Herault departamentua atzean utzi du, eta Var ingurua hartuko du gaur. Hala, inguru hori zaintzen ari dira larrialdi-arduradunak: besteak beste, Gapeau ibaiak gainezka egin dezaken lekuak babesten ari dira.
Irailaren amaiera aldera, Montpellier eta inguruko herrietan euri-jasa handiak bota zituen, eta kalte handiak pairatu zituzten.
Zure interesekoa izan daiteke
Israelek Zisjordania okupatuan mugitzea galaraziko die palestinarrei asteartean, hauteskunde egunean
Maria Corina Machado Venezuelara itzuli da
Brasilen azken urteotan izan den hauteskunderik lehiatuena martxan da
1.300 atxiloketa eta 24 saltoki kaltetuta Frantzian protesten bigarren larunbatean
Mobilizazio jendetsuak egin dituzte Italian, Portugalen eta Albanian bizitza garestitzearen eta etxebizitza krisiaren aurka
400.000-800.000 manifestari Frantzian, aurreko astean baino istilu gutxiago, eta 1.000 atxilotu
Brasilen Lulak jarraitzea edo bolsonarismoa itzultzea erabakiko dute igandean
Kremlinek su-eten lokala baieztatu du, zibilak ebakuatzeko
Frantzia segurtasun neurri zorrotzak hartzen ari da larunbaterako deitutako protesten aurrean