Etenik ez Boko Haram talde islamistaren indarkeria-kanpainan
Gutxienez 16 lagun hil eta beste 20 bat zauritu dira bonba batekin egindako atentatu terrorista batean Maiduguri hiriko azoka batean, Nigeria ipar-mendebaldean, segurtasun indarretatik jakitera eman duenez.
Dirudienez, Boko Haram talde islamistak 10 urteko neskato bat erabili du erasoa egiteko. "Lehergaiak gorpura itsatsita zituen", azaldu du Poliziaren bozeramaile batek, "eta 10 bat urte zituen".
Bonbak 12:15ak aldera eztanda egin zuen. Segurtasun indarreta iturri batek 11 hildako eta 24 zauritu baieztatu ditu. Ondoren, hurbileko ospitale batean, 16 hildakoren berri eman dute.
Boko Haram talde islamistak jardun ohi duen inguru baten jazo da atentatua. Azken astean 2.000 lagun inguru hil dituzte Bagako hirian eta inguruko zonaldeetan.
Gatazkak Nigeriako Armadarekin
Nigeriako Armada Boko Haramen aurka ari da borroka egiten Bagan bertan, herrialdeko ipar-mendebaldean. Joan den urtarrilaren 3an, herritarren aurkako sarraski ankerra egin zuen talde fundamentalistak.
"Bagan lehen erasoa izan zenetik, segurtasun indarrak milizianoen aurka egiten ari dira", adierazi du Armadak ohar baten bidez. "Nigeriako Armadak arin erantzun du, eta tropak eta hegazkin ugari zabaldu ditu zonaldean".
Bestalde, Amnistia Internazionalak (AI) agiria plazaratu du Bagan jazotakoaren gainean. "Bagan abiatutako erasoa Boko Haramek egindako ekintzarik hilgarrienetarikoa izan da", esan du Daniel Eyre AIko arduradunak Nigerian.
AIk jakinarazi duenez, litekeena da "2.000 zibil hil izana, eta horrek biztanleen aurkako indarkeria-bolada odoltsua ekarriko luke".
Miliziaren izenak "mendebaldarren hezkuntza bekatua da" esan nahi du, eta Nigeriako iparraldean kaliferri islamiarra ezartzea du helburu.
Eraso berria beste azoka batean
Bestalde, bi eztandak Potiskum udalerriko herri-azoka bat astindu du igande honetan, Nigeriako ipar-ekialdean. Hainbat lekukok azaldu dutenez, gutxienez 7 lagun hil dira, eta beste 48 zauritu dira.
Eztandak Yobe estatuko hiriburu komertzialean jazo dira, 15:10ak aldera tokiko orduan (14:10 GMT), azoka jendez gainezka zegoenean.
Asteburu honetan Potiskum hirian izandako bigarren atentatua da gaurkoa. Izan ere, atzo bi lagun hil ziren Polizia-etxearen parean jarritako bonba-auto batek eztanda egin ostean.
da egin ostean.Zure interesekoa izan daiteke
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.