Zentral elektrikoen pribatizazioa geldituko du Tsiprasek
Alexis Tsipras Greziako lehen ministro berriak bere agintaldiko lehen Ministroen Kontseilua zuzendu du gaur, igandeko hauteskundeetan Syrizak irabazi ondoren. Grezia "salbazio sozialaren" Gobernuaren aurrean dagoela esan du bere hitzaldian Tsiprasek. "Mesede politikoak eta ustelkeria" atzean uztera eta "azken 40 urteotan egin ezin izan diren erreformak" egitera etorri direla ziurtatu du.
Ministroen txandan, Panayiotis Lafazanis Berreraikuntza Produktibo, Ingurumen eta Energia ministroak iragarri duen lehendabiziko neurria hainbat pribatizazio bertan behera utziko dituztela izan da. Besteak beste, zentral elektrikoak pribatizatzeko prozesua "berehala" etengo dutela esan du. "Korronte elektriko merkeena lortzen saiatuko gara, lehiakortasuna bultzatzeko eta familiei laguntzeko", gaineratu du.
Tsiprasen Gobernuaren programan jasota dagoen punturik nagusienetako da elektrizitatearen alorra. Egoera ekonomiko larrienean dauden herritarrei (300.000 etxetara, gutxi gorabehera) argindarra doan eskaintzea proposatu dute.
Jristis Spirtzis Ekonomia eta Azpiegitura ministrordeak nabarmendu duenez, helburu sozialen kontra doazen pribatizazioak etetea da Gobernuaren helburu nagusienetako bat, eta horren adibide, portuen eta aireportuen pribatizazioak aipatu ditu.
Horren harira, Gobernuak lehenbailehen ezarri nahi duen neurrietako bat "lanbide arteko gutxieneko soldata" 586 eurotik 751 eurora igotzea da. Horretarako, "sindikatuen eta patronalaren arteko negoziazioei ekingo diegu berriro", esan du Skurletisek Ministroen Kontseilura sartu aurretik.
Iragarri dituzten neurriak ezartzeko, Parlamentuak prozedura zuzena erabiliko duela iragarri du Tsiprasek. Aurreko Gobernuak premiazko prozeduren bidez, eta eztabaidari ateak itxiz, dekretuak ezartzen zituela esan du lehen ministroak.
Gavriil Sakellaridis Greziako Gobernuko eledunak lehentasunenetan lehentasuna "zorraren negoziazioa" izango dela azpimarratu du. Politika ekonomikoa goitik behera erreformatuko dutela agindu du. "Gure kabinetearen antolaketa aztertuz gero, garbi ikusten da alor ekonomikoak duen pisua", esan du Sakellaridisek. "Europari mezu garbia utzi nahi diogu. Greziako herriak aldaketa nahi duela esan zuen igandean. Orain, egoerari irtenbidea ematea dagokigu guri", gaineratu du.
Burtsak atzera egin du
Atenasko Burtsak atzera egin du gaur goizean (saioa hasi eta bi ordura, % 5,65eko jaitsiera izan du), eta arrisku-saria 1.004 puntuko mailara igo da.
Atzerakada handiena bankuek pairatu dute, % 14 egin baitute behera.
aitute behera.Zure interesekoa izan daiteke
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".