Bilera Erroman
Gorde
Kendu nire zerrendatik

Greziak eta EBk akordio bat lortzea posible dela uste du Italiak

“Europako politika aldatu eta murrizketak amaitu behar dira”, adierazi du Alexis Tsipras Greziako lehen ministroak Matteo Renzi Italiako homologoarekin bildu eta gero.
18:00 - 20:00
Alexis Tsipras Mateo Renzi lehen ministroarekin batzartu da Erroman

Greziak eta Europar Batasuneko erakundeek zorra kitatzeko akordio bat lortzea posible dela esan du gaur Matteo Renzi Italiako lehen ministroak Alexis Tsipras bere homologo greziarrarekin bildu eta gero. Greziako Gobernu berriaren proposamen ekonomikoak aztertu dituzte bileran.

?Atenasen eta Europako erakundeen artean akordio batera heltzeko baldintzak ematen dira, uste sendoa dut?, adierazi du Renzik. Hala ere, ?Italian zein Grezian egitura-erreformekin jarraitzeko beharra?, azpimarratu du buruzagiak.

Bilera amaitu eta gero, Alderdi Demokratikoaren buruzagiak eta Tsiprasek prentsaurreko bateratua eman dute Palazzo Chigin, Italiako Gobernuaren egoitzan.

Murrizketak alde batera uzten dituzten politika berriak aplikatzeko Europar Batasunean aldaketa bat beharrezkoa dela defendatu du Tsiprasek.

Aldaketa politikoa

?Europan beharrezkoa den aldaketa politikoa lortzeko lanean ari da Grezia. Epe ertainera aplikatzeko proiektu ekonomiko batean lanean ari gara eta aldaketa lortzeko beharrezkoak diren erreformak barneratuko ditu?, esan du Syrizako buruzagiak.

?Europako politika aldatu eta murrizketak amaitu behar dira. Ipar eta hegoaren arteko zulorik ez dugu nahi, Europar Batasunaren hasierako helburua berreskuratu behar dugu, itxaropen eta duintasun etorkizun bat ekartzeko?, gaineratu du.

Tsiprasen ahotan, belaunaldi oso bat sufritzera zigortu dute ?erabaki politiko okerrek?. Gainera, askok ?atzerrira joan behar izan dute?, erantsi du.

Albiste gehiago mundua

18:00 - 20:00
ZUZENEAN
Duela  min.

Dalai-lamak, Tibeteko budisten buruzagi espiritualak, 90 urte bete ditu

Munduko buruzagi erlijioso garrantzitsuenetakoak ekitaldi jendetsua egin du bere etxebizitzan, Indiako iparraldean, lagun ugariz inguratuta, tartean Richard Gere aktorea. 14. dalai-lamak 130 urte baino gehiago bizitzeko itxaropena du, eta Txinako inposaketei aurre egiten jarraituko duela hitzeman du. 

18:00 - 20:00
ZUZENEAN
Duela  min.

Paristarrak eta turistak Sena ibaian bainatzen hasi dira berriro

Mende bat geroago, paristarrak eta turistak Sena ibaian bainatzen hasi dira, berriro, Eiffel dorretik gertu. Uztailaren 5a eta abuztuaren 31 bitartean izango da bertan bainatzeko aukera, eta hiru gune egokitu dituzte horretarako: hirigune historikoaren parean (udaletxe ondoan), mendebaldean Eiffel dorrera begira eta hego-ekialdean, Bercyn. Parisko Olinpiar Jokoak eta Paralinpiar Jokoak izan eta urtebetera heldu da albistea, duela urtebete, hainbat gorabeheraren ondorioz, uraren kalitatea zalantzan jarri ostean.

Gehiago kargatu