Merkelek, Hollandek eta Putinek bilera 'konstruktiboa' egin dute
Ukrainan bakea lortzeko Vladimir Putin Errusiako presidentearekin negoziazio “konstruktiboak eta mamitsuak” amaitu eta gero Kremlinetik alde egin dute gauean Francois Hollande Frantziako presidenteak eta Angela Merkel Alemaniako kantzilerrak.
Dmitri Peskov Kremlineko bozeramaileak jakinarazi duenez, gatazka konpontzeko agiri bat adosteko elkarrizketek jarraituko dute eta igandean telefonoz hitz egingo dute hiru buruzagiek eta Kievek.
“Agiri bateratu bat prestatzeko lanean ari dira une honetan, 2014ko iraileko bake akordioak (Minsk) aplikatzeko”, esan du.
“Dokumentuak Petro Poroxenko Ukrainako presidentearen eta Vladimir Putin Errusiako presidentearen proposamenak barneratuko ditu”, Peskovek azaldu duenez.
Ondoren, gatazkako aldeek dokumentua onartu beharko dute, adierazi du Kievi eta matxino errusiazaleei erreferentzia eginez.
François Hollande Frantziako presidentea Moskun. Argazkia: EFE
Ukrainako ekialdean bizi duten gatazkari “irtenbide baketsu bat” bilatzeko Moskura heldu dira tiral honetan Merkel eta Hollande. Bi buruzagiek Vladimir Putin Errusiako presidentearekin bilera egin dute Errusiako hiriburuan.
Hollande eta Merkel Petro Poroxenko Ukrainako presidentearekin bildu ziren ostegunean. Bilerak bost orduko iraupena izan zuen eta “Donetsk eta Luganskeko gatazkari konponbide baketsu” bat bilatzea beharrezkoa zela adostu zuten hirurek.
Gatazkari amaiera emateko alde guztientzat “onargarria” izan daitekeen dokumentu bat prestatu dute Merkelek eta berak, Hollandek bilera baino lehen jakitera eman duenez. Antza denez, Normandian erabilitako elkarrizketa eredua planteatzen du agiriak.
Helburua akordio orokor bat lortzea zela azpimarratu du Frantziako estatuburuak, baina su-etena lehen pauso bat izango litzatekeela erantsi du. Bestalde, su-eten bat lortzea zail ikusten du Merkelek. Horretarako “elkarrizketa gehiago behar” izango dutela ohartarazi du Alemaniako kantzilerrak.
Zure interesekoa izan daiteke
Hurrengo bi hilabeetan Irango petrolioa saltzeko baimena eman du AEBk, negoziazioak ondo doazelako
Pakistanek eta Qatarrek, Burgenstocken (Suitza) egiten ari diren negoziazioetako bitartekariek, adierazi dutenez, lehenengo saioa "giro positiboan egin da" eta "aurrerapauso pozgarriak" izan dira.
Zergatik eman du dimisioa Keir Starmerrek? Hauek dira kolokan utzi zuten polemikak
Agintariaren dimisioaren ondorioz, Erresuma Batuak zazpigarren lehen ministroa izango du hamar urtean.
Keir Starmerrek Erresuma Batuko lehen ministro kargua utziko duela iragarri du
Ordezkoa bilatzeko prozesua uztailaren 9an hasiko da, eta egun horretatik aurrera hautagaitzak aurkeztu ahal izango dira alderdia zuzentzeko eta lehen ministro kargua lortzeko. Starmerrek adierazi du bere asmoa trantsizio ordenatu bat erraztea dela, eta erreleboa modu egonkorrean gertatzea.
Abelardo de la Espriella ultraeskuindarrak irabazi ditu Kolonbiako hauteskundeak, %1eko aldearekin
Hautagai ultraeskuindarrak 250.000 boto atera dizkio Ivan Cepeda ezkertiarrari bigarren itzuliko aurre-zenbaketan, eta oposizioak 33.000 mahai inpugnatu dituela iragarri du. Gustavo Petro presidenteak adierazi du oraindik ezin duela presidente berria izendatu.
Trumpen mehatxu berrien ostean, Iranek iragarri du eten egin dituela AEBrekiko negoziazioak, baina Qatarrek dio aurrera jarraitzen dutela
JD Vance AEBko presidenteordea ari da bilera horietan AEB ordezkatzen eta Trumpek ezer esan aurretik, elkarrizketetan "aurrerapauso handiak" eman dituztela adierazi du.
Iranek Libanon "arazoak" sortzen baditu, AEBk erasoei berrekingo diela ohartarazi du Trumpek
Irango Gobernuaren ordezkaritza bat eta AEBkoaren bat Suitzako bainuetxe batean elkartu dira, Teherango programa nuklearrari eta joan den astean adostutako bakerako memorandumari buruz hitz egiteko.
AEBren eta Iranen arteko bake-negoziazioak abian dira, Libanon, Ormuzko itsasartean eta garapen nuklearrean arreta jarrita
Negoziazioak ostiralean hastea espero zen, baina Iranek bertan behera utzi zituen egun horretan, Israelek Libanoko hegoaldean egindako erasoen ondorioz. Teheranek behin-behineko akordioa osorik betetzeko eskatu du, gerrari amaiera emateko.
Starmerrek Erresuma Batuko lehen ministro kargua utziko duela iragar lezake astelehen honetan
Maiatzeko udal hauteskundeetan laboristek nabarmen egin zuten behera, eskuin muturraren mesedetan. Lehen ministroak bere gain hartu zuen porrot horren erantzukizuna, eta bere irudia kolokan dago ordutik.
Inoizko hauteskunde polarizatuenen bigarren itzulia Kolonbian
Hauteskunde aurreko aurreikuspenen arabera, Abelardo de la Espriella ultraeskuindarrak botoen % 50 inguru lor ditzake eta Ivan Cepeda ofizialistak, berriz, botoen % 44. Ikusteko dago iragarpenek asmatzen duten ala ez.
Iranek Ormuzko itsasartea itxi du, eta Trumpek ziurtatu du ez dutela bidesaririk ezarriko
Ekialde Hurbileko gerrari amaiera emateko ituna urratzea egotzi dio AEBri, baita Israelek Libanoko hegoaldean behin eta berriz su-etena urratu izanaren erantzukizuna ere. Abbas Araghtxi Irango Atzerri Gaietarako ministroa Suitzara joan da gaur, AEBri bake memoranduma bete dezala eskatzeko.