Lagun bat hil da Kopenhagen izandako tiroketa batean
Gutxienez zibil bat hil eta hiru polizia azauritu dira Kopenhagen (Danimarka) enbaxadore frantziarraren aurkako eraso baten ondorioz. Atentatua Kopenhageko kafetegi kultural batean jazo da, bi gizonezkok tiro egin dutenean.
François Zimeray Danimarkan Frantziak duen enbaxadorearen kontrako erasoa izan da, islamismoari eta adierazpen askatasunari buruzko agerraldia egiten zegoenean, Danimarkako komunikabideek zabaldu dutenez. Hildakoa hitzaldian zegoen 40 urteko gizonezko bat da.
Enbaxadorea bizirik atera da, berak Twitterren bidez jakinarazi duenez. Halaber, Lars Vilks irudigilea ere onik atera da. Vilks hizlaria zen mahai-inguru horretan, eta Mahomaren inguruko irudi polemikoen egilea izateagatik da ezaguna (2007an txakur bat balitz bezala irudikatu zuen Mahoma).
Hiru poliziak onik daude, eta haien senitartekoek horren berri dute jada.
Erasotzaile bakarra
Hasiera batean, bi erasotzaile izan zirela uste bazuten ere, Danimarkako Poliziak ondorioztatu du orain pertsona bakar batek egin zuela erasoa. Segurtasun kamera batek grabatutako ustezko tiratzailearen irudia zabaldu du Poliziak.
"Behin-behineko galdeketen arabera, pertsona bakar batek egin du tiro", esan du Poliziak. Danimarkako kazetek jasotako lekukoen arabera, beste gizonezko bat egon zen tiroketan, baina zain geratu zen kanpoan, eta ondoren batera ihes egin zuten, baina agintariek ez dute informazio hori baieztatu.
Poliziak jakitera eman duenez, erasotzailea "arabiar jatorriko gizonezkoa da, 25 eta 30 urte bitartekoa". Aurpegiaren beheko aldea zapi batekin estalita zeraman, eta arma automatiko bat erabili zuen tiroketan.
Atentatu terrorista
Halaber, Poliziak eraso terroristatzat jo du tiroketa, baina oraindik ez du argitu horren helburua Lars Vilks artista suediarra hiltzea ote zen.
"Dirudienez, atentatua prestatua izan zela ematen du, eta tiroketaren inguruko guztiak eraso terroristatzat hartzera eramaten gaitu", esan dute ohar baten bidez Danimarkako Inteligentzia Zerbitzuek (PET).
Bestalde, Kopenhageko Polizia-bozeramaile batek esan duenez, "tiroketaren arrazoiak oraindik argitu gabe dauden arren, atentatu terrorista dela uste dugu, eta hori abiapuntutzat hartuta ari gara ikerketa bideratzen".
Erasoan 40 urte inguruko zibil bat hil da, eta hiru polizia arin zauritu dira, horietako bi PETeko kideak, sorbaldan, hankan eta pubisean, hurrenez hurren. Polizia erasotzaileen bila dabil, eta segurtasun neurriak areagotu ditu Danimarkako hiriburuan.
Ihes egiteko erasotzaileak erabilitako autoa handik hiru kilometrora aurkitu dute, baina armen arrastorik ez dago, ezta susmagarriaren arrastorik ere.
Danimarkako Poliziak susmagarria bilatzeko eta atxilotzeko agindua eman du. Volskwagen Polo ibilgailu batean ihes egin aurretik, 20 eta 40 tiro bota ditu kultura-kafetegiaren aurka, Poliziak Twitterren bidez jakinarazi duenez. Halaber, berarekin topatuz gero, inolako harremanik ez izateko gomendatu die herritarrei.
Islamismoari buruzko hitzaldia
"Arte, madarikazioa eta adierazpen askatasuna" izenburuko ekitaldi batean parte hartzen zeuden Vilks eta Zimeray, joan den hilean Parisen izandako Charlie Hebdo aldizkari satirikoaren aurkako atentatuaren harira.
Danimarkako telebistak kafetegiaren irudiak zabaldu ditu, eta bertan tiroek eragindako zulo anitzak ikus daitezke. Poliziak zonaldea hesiz inguratu du, eta bost bat anbulantzia daude bertan, 'Berlingske' kazetaren arabera.
Vilksek (argazkian) talde fundamentalisten mehatxuak jaso zituen 2007an "Nerikes Allehanda" egunkari suediarrean Mahomaren karikatura bat argitaratu zuenetik.
2010ean epaile batek bi eta hiru urteko espetxealdia ezarri zien bi anairi Vilksen etxea erretzea egotzita. Beste hiru lagun kargurik gabe aske utzi zituzten, Gotenburgoko Arte-Azokan (Suedia), artistaren aurkako atentatua prestatu ostean.
Hollandek erasoa gaitzetsi du
François Hollande Frantziako presidenteak atentatua gaitzetsi du, eta "Frantziaren elkartasun osoa" adierazi dio Helle Thorning-Schmidt Danimarkako lehen ministroari.
Halaber, Eliseok jakinarazi duenez, Bernard Cazeneuve Frantziako lehen ministroa Kopenhagera abiatuko da lehenbailehen jazoeraren nondik norakoak ezagutzeko.
Zure interesekoa izan daiteke
Donald Trump eta bere azoka handia, protagonista nagusiak AEBen 250. urtebetetzean
Estatu Batuen Independentziaren Adierazpenaren 250. urteurrena ospatuko dute larunbatean, uztailaren 4an. Eta Donald Trumpek bere irudia goresteko erabiliko du urteurrena. Buruzagi errepublikanoak bere aurpegia daramaten oroitzapenezko txanponak egin ditu, eta National Mallen azoka handi bat antolatu du. Ekimenak noria erraldoi bat, garaipen-arku bat, rodeoak, hitzaldiak, su artifizialak eta hegazkin militarren erakustaldiak izango ditu. Azokak, hala ere, porrot egin du orain arte. Oso jende gutxi bertaratzen ari da, eta horrek indartu egin ditu kritikak. Salatzen dutenez, Trumpek ospakizun nazionala baliatu du bere irudia indartzeko.
3.000 lagun baino gehiago ebakuatu dituzte, Ipar Katalunian izandako sute baten ondorioz
Eskualdeko segurtasun zerbitzuek jakinarazi dutenez, gas-bonbona baten leherketak eragin du ezbeharra. Sugarrak berehala zabaldu dira, eta hiru kanpin eta kirol portu bat harrapatu dituzte.
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.
Lurrikaretatik astebetara, 2.295 hildako eta 11.200 zauritu baino gehiago zenbatu dituzte Venezuelan
Zazpi egun igaro diren arren, erreskate-taldeak ezin izan dira iritsi eroritako eraikin guztietara. Kasu askotan, senideak eta bizilagunak dira hondakinen artean lanean ari direnak, eta laguntza faltak eragindako haserrea zabaltzen hasi da.
Venezuelako polizia bat lurrikarak suntsitutako eraikinetatik dirua lapurtzen harrapatu duten unea
Lau polizia atxilotu dituzte astearte honetan Venezuelan, La Guairan eraitsitako eraikinen hondakinen artean "ondasun ekonomikoak" bereganatzea egotzita, bertako agintariek jakinarazi dutenez.
La Guairako portua gorputegi inprobisatu bihurtu da hildakoak identifikatzeko
Erreskate-lanek aurrera jarraitzen dute Venezuelan, baina gero eta pertsona gutxiago topatzen dituzte bizirik. Ospitaleetako gorputegiek gainezka egin dute eta, besteak beste, La Guairako portua gorputegi inprobisatu bihurtu da. Handik, Caracasera bidaltzen dituzte identifikatutako gorpuak.
Beste lurrikara bat izan da Venezuelan, 4,6 gradukoa
Jorge Rodriguez Venezuelako Parlamentuko presidenteak adierazi duenez, ez du kalterik eragin.
Gutxienez sei lagun hil dira Alemanian adingabeen zentro batean izandako tiroketa batean
Poliziak hainbat zauritu daudela ere jakinarazi du. Operazioan zehar hiru pertsona atxilotu dituzte; horietako bat tiroen ustezko egilea da. Agintarien arabera, tiroketa ustezko delitugilearen alabaren zaintzari buruzko liskar baten ondorioz izan da.
Venezuelako lurrikarak utzitako txikizioa, airetik ikusita
774 eraikin daude kaltetuta edo kolapsatuta, eta, horrek 12.721 familiari eragin die. Tokian nazioarteko 2.624 erreskatatzaile ari dira lanean, harrapatutakoak bilatu eta ateratzeko.
Dagoeneko 1.450 pertsona hil dira Venezuelan, lurrikaren ondorioz
Halaber, 3.150 pertsona zauritu dira, 774 eraikin daude kaltetuta edo kolapsatuta, eta, horrek, 12.721 familiari eragin die. Tokian nazioarteko 2.624 erreskatatzaile ari dira lanean, bizirik izan daitezkeen pertsonak bilatzeko.