Nazioarteko komunitateak Danimarkako tiroketak gaitzetsi ditu
Nazioarteko komunitateak asteburuan Danimarkan gertaturiko hiru tiroketak gaitzetsi ditu. Aipaturiko erasoetan hiru pertsona hil eta beste bost lagun zauritu dira.
Ban Ki-moon Nazio Batuen Erakundeko (NBE) idazkari nagusiak adierazpen askatasuna eta tolerantzia defendatzeko deia egin dio nazioarteari. Ohar batean, haren elkartasuna helarazi die Danimarkako agintariei eta daniarrei eta haren pentsamenduak biktimekin eta haien senideekin daudela gaineratu du. Azpimarratu duenez, "ez dago zibilen kontrako erasoak justifikatzeko inolako arrazoirik".
Europar Batasuneko erakundeek baieztatu dute eraso horiek terrorismoari aurre egiteko duten determinazioa indartu baino ez dutela egiten. "Beste behin, Europa hunkituta dago ekintza terrorista diruditen eraso berri hauen aurrean; zeinak gure oinarrizko balore eta askatasunen kontra zuzenduta zeuden, adierazpen askatasuna barne", adierazi du Donald Tusk Europako Kontseiluko presidenteak "Europar Batasunaren izenean" argitaratu duen ohar batean. "Mehatxu horri elkarrekin aurre egingo diogu", gaineratu du.
Jens Stoltenberg NATOko idazkari nagusiak demokraziaren, tolerantziaren eta askatasunen kontrako eraso "onartezintzat" jo ditu. Halaber, terrorismoaren kontrako borrokan, NATOren babesa eskaini dio Danimarkari.
David Cameron Britainia Handiko lehen ministroak haren babesa eskaini die daniarrei "gertakari beldurgarri horiei aurre egiteko". "Tiroketak adierazpen askatasunaren eta erlijio askatasunaren kontrako eraso ikaragarriak izan dira", azpimarratu du.
AEBko Gobernuak tiroketak gaitzetsi ditu eta gertaturikoa argitzeko bere laguntza eskaini dio agintari daniarrei.
Palestina Askatzeko Erakundeak (OLP) Kopenhageko tiroketak gaitzetsi ditu: "terrorismoak ez dauka ez erlijiorik, ezta nazionalitaterik ere". Saeb Erekat OLP erakundeko Negoziazio Departamentuko buruaren arabera, "zibilen kontrako erasoek ez daukate justifikaziorik, extremistek, taldeek edota atzerriko gobernuek egiten dituztela ere".
Zure interesekoa izan daiteke
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.
AEBk Hego Korearekin ariketa militar bateratuak murriztuko dituela iragarri du Trumpek
Estatu Batuetako presidenteak igande honetan iragarri duenez, Seulek Iranen aurkako gerrarekin bat egiteari uko egin duelako eta Kim Jong Un buruzagi iparkorearrarekin duen "harreman bikaina" duelako hartu du erabakia.
Landetako azken sutea kontrolatzea lortu dute, eta ebakuatuetako batzuk etxera itzuli ahal izango dute
Landetako prefekturako idazkari nagusiak ohartarazi duenez, baina, "sua kontrolatua egoteak ez du esan nahi itzalita dagoenik; beraz, oso erne egon behar dugu".
Bere jarrera "defentsiboa" "erasokorra" izango dela esan du Iranek eta "ezustekoak" iragarri ditu
"AEBetako indar erasotzaileetako kide bat harrapatzen edo hiltzen duen edonork 30.000 dolar (21.500 euro inguru) edo 5.000 milioi rial irandar jasoko ditu", iragarri du Hatami generalak IRNA albiste agentziak jasotako adierazpenetan.
Hamar palestinar zauritu dituzte, bi tiroz, Israelgo kolonoek Zisjordanian egindako beste erasoa batean
Aita Santuak "Zisjordaniako populazio zibil palestinarraren aurkako indarkeriak bertan behera uztea" eskatu du, eta nazioarteko komunitateari premiaz eskatu dio "bi Estatuen konponbidea aurrera eraman dezatela, bake justu eta iraunkor baterako".
Gazan "gauero 30-40 pertsona hiltzeko" deia egin du Ben Gvir Israelgo ministroak
"Uste dut hilketa selektiboak egin beharko liratekeela Gazan, gauero 30-40 pertsona desagerraraziz. Ez soilik berehalako mehatxua direnak; badira han bizitzea merezi ez duten pertsonak. Ez lukete bizi behar. Ez dira pertsonak ere", esan du Segurtasun ministroak.
Landetako suteak hobera egin du, baina oraindik ez dute kontrolpean
Suak 1.700 hektareari eragin dio jada eta 550 suhiltzaile inguru ari dira itzaltzeko lanetan. 650 lagun atera behar izan dituzte euren etxeetatik eta kanpingetatik eta 50 pertsonak gaur gauean itzultzeko baimena jaso dute.
AEBk Hamasi hitzeman dio Israel Gazatik erretiratuko dela armagabetzeak aurrera egin ahala
Jared Kushnerrek Egipton azpimarratu du 2025ean adostutako bake-plana ez dela berriro negoziatuko eta haren baldintzak beteko direla.
Landetako baso-sutea berpiztu egin da eta 1.600 hektarea erre ditu
Luglon udalerriaren hegoaldean hasi zen sua, Mont-de-Marsanetik 30 kilometrora, eta Garein ingurura zabaldu da. 700 pertsona inguru ebakuatu dituzte prebentzioz.