Pribatizazioei eutsiko diela hitzeman du Greziak
Alexis Tsipras buru duen gobernuak ez du laguntza programa luzatzearen truke neurri zorrotzik hartuko baina hauteskunde-programan agindutako erreforma batzuk atzeratuko ditu, goizaldean Eurotaldeari igorritako dokumentuaren arabera. Hala, zerga-sistema eta administrazio publikoa modernizatuko ditu, gizarte segurantza erreformatuko du eta ustelkeriaren kontra aritzeko neurriak hartuko ditu. Horrez gain, ez ditu jada eginda dauden pribatizazioak atzera botako.
Syrizaren gobernuak goizaldean bidali die erreforma-sorta Europar Batasuneko (EB) erakundeei eta Nazioarteko Diru Funtsari (NDF), eta handik gutxira filtratu da hainbat hedabidetan. EBko ekonomia ministroek arratsaldean aztertuko dute Greziaren proposamena.
Sei orrialdeko dokumentua da Atenasek prestatutakoa. Izatez, Salonikako Programaren ildo nagusiak bildu dituzte zerrendan.
Politika fiskalez ari da lehen atala. Iruzur fiskalaren kontra aritzeko neurri gehiago hitzeman ditu Greziak, baita kapital-ihesa saihesteko erakundeak indartzea ere.
Administrazio publikoaren alor guztietan gastua murrizketa eta kontrola areagotzeko konpromisoa agertu du Tsiprasen gobernuak. Hezkuntza, Defentsa, garraiobideak, udal gobernuak eta laguntza sozialak hobetuko dituela ere agertu du. Osasun publikoan ere gastua kontrolatzen saiatuko dira, baina laguntza mediku unibertsalari muzin egin gabe.
Gizarte Segurantzari dagokionez, pentsio-funtsak "finkatu" eta gizarte segurantzaren iruzurra saihesteko neurriak hartuko ditu Greziak.
Premiazko beharrean dauden familiei laguntza emango die gobernuak eta etxegabetzeak baztertuko ditu.
Pribatizazioen alorrean hein batean atzera egin du Syrizaren gobernuak. Izan ere, orain arte egindakoei eutsiko die, baina abiatzear daudenak geldiaraziko ditu.
Enpleguaren inguruko neurriei dagokionez, lan-hitzarmen kolektiboak berreskuratzeko ahalegina egingo du ezkerreko alderdiak eta langabezian denbora luzea daramatenei aldi baterako lanpostuak eskainiko dizkie. Gutxieneko soldata igotzeko "anbizioa"ri ere eutsi dio Greziak.
Herrialdean dagoen giza krisiari aurre egiteko konpromiso sendoa agertu du Greziak Eurotaldeari igorritako erreforma-sortan. Hala, pobrezian dauden 300.000 familiari argindarra doan ematea eta osasun publikoa herritar guztiei zabaltzea proposatu zuten Salonikako Programan.
Erreforma aztertzeko bilera, arratsaldean
EBko ekonomia ministroek bilera egingo dute arratsaldean (14:00etatik aurrera), bideokonferentziaz, proposamena aztertzeko. Dena dela, aurreneko balorazio batean, Europar Batzordeak egoki iritzi die Greziak agindutakoei: "Europako Batzordearen aburuz, [igorritako] erreforma zerrenda abiapuntu egokia da [akordioa lortu ahal izateko]", esan dio EBko iturri batek Reuters agentziari.
Horren arabera, Batzordea "bereziki pozik" dago iruzur fiskalari eta ustelkeriari aurre egiteko neurriekin.
Albiste gehiago mundua
Mikel Ayestaran: "Ez dago inolako aldaketarik Benjamin Netanhayuren Gobernuaren estrategian"
Israelgo Segurtasun Kontseiluaren bileraren ondoren, ez dirudi Netanyahuren Gobernuak Gazako okupazioa gelditzeko asmorik duenik. Erabaki horrek haserre handia sortu du bahituen familien artean. Gaur ehunka mila pertsona atera dira Israelgo kaleetara manifestazio jendetsuetan, baina ez masiboetan.
Astelehenean bonbardatu zuen ospitalean “Hamasen kamera bat” zegoela argudiatu du Israelek, ebidentziarik aurkeztu gabe
Israelgo Armadak "hasierako ikerketa" bat aurkeztu du astelehenean gertatutakoaren inguruan, baina ez du ebidentziarik eskaini bere defentsa frogatzeko. Erasoetan, 20 pertsona hil zituzten, tartean bost kazetari.
Netanyahuren aurkako protesta jendetsua Tel Aviven
Milaka pertsona kalera atera dira Israelgo Gobernuari presioa egiteko eta bahituak askatzea ekarriko duen Gazarako su-eten akordioa sinatzea eskatzeko. Egunean zehar, Israelgo hainbat hiritan martxak egin dituzte eta herrialdeko errepide garrantzitsuenetako batzuk blokeatu dituzte. Orain arte izandako mobilizaziorik jendetsuenak izan dira gaurkoak.
Hiru hildako eta 10 zauritu inguru utzi ditu Kajiki tifoiak Vietnamen
Kajiki tifoia "oso indartsu eta arriskutsutzat" jo dute Vietnamgo agintariek. Nghe An eta Ha Tinh probintzien artean jo du lurra, 90 eta 117 km/h arteko haizeekin eta 150 km/h-ko ufadekin.
Hondar-ekaitz ikusgarri batek Arizonako Phoenix hiria estali du
Ekaitzarekin batera, tximista ugari eta 110 km/h-tik gorako haize-boladak izan dira. AEBtako aireportu garrantzitsuenetakoa den Sky Harbor Nazioarteko Aireportuan hainbat hegaldi bertan behera utzi behar izan dituzte.
Mikel Ayestaran: "Ez dago itxaropen handirik bahituak askatzeko negoziazioen inguruan"
Israelgo Segurtasun Kontseiluaren gaurko bileran bi gai nagusi izango dituzte mahai gainean: Gazako hiriaren inbasioa eta bahituak askatzeko negoziazioak. Nahiz eta Hamasek bitartekarien azken proposamena onartu, Netanyahuk baldintzak aldatu ditu eta bahitu guztiak batera askatzea eta Hamas armagabetzea eskatzen ditu. Familiek badakite euren azken aukera dela, eta hainbat protesta deitu dituzte gaurko.
Sozialistek ez dute Bayrouren konfiantza mozioa babestuko, eta Frantziako Gobernuaren etorkizuna kolokan jarri dute
Aurrerakoiak eta ultraeskuindarrak irailaren 8an ados jarriz gero, Exekutiboak dimisioa aurkeztu beharko du.
Helikoptero bat urmael batean erori da Frantzian, sute bat itzaltzeko ura hartzen ari zenean
Istripua Rosporden herrian gertatu da, Frantziako Finistere departamentuan, sute bat itzaltzeko lanetan ari zen helikoptero bat ura kargatzera joan denean. Maniobra egiten ari zela biraka hasi da eta azkenean uretara erori da. Zorionez, bi bidaiariak onik atera dira.
Gazan kazetarien hilketengatik justizia eskatu du NBEk
Gutxienez 245 kazetari palestinar hil dituzte Gazan 2023ko urriaren 7an gerra hasi zenetik, bertako Gobernuaren arabera.
Bayrouren hordagoa: bere Gobernua erorarazi lezakeen konfiantza mozioa egin du
Urte politikoaren hasiera malkartsu dator Frantziako Estatuan, bereziki aurrekontuak direla eta. François Bayrou lehen ministroak 40.000 milioi euroko murrizketak iragarri zituen 2026ko kontuetarako, eta hautsak harrotu zituen. Gauzak horrela, gaur jakinarazi du konfiantza mozioa egingo duela Asanblea Nazionalean, irailaren 8an.