Greziak troikarekin negoziatzen jarraituko du asteazkenetik aurrera
Greziako Gobernuak onartu egin du Eurotaldearen bileran troikarekin (Europako Batzordea, Europako Banku Zentrala eta Nazioarteko Diru Funtsa) negoziatzen jarraitzea datorren asteazkenetik aurrera, Bruselan eta Atenasen, diru-laguntza gehiago jasotzeko exijitzen dizkioten erreformak adosteko helburuarekin.
"Ezin dela denbora gehiago galdu adostu dugu. Asteazkenean hasiko dira Greziako agintarien eta erakundeen (troikaren) arteko eztabaidak", iragarri du Jeroen Dijsselbloem Eurotaldearen presidenteak, bileraren ondoren.
"Erakundeekin izango dituzten eztabaidak aldi berean egingo dituzte Bruselan eta Atenasen. Azken horretan, behar izanez gero, erakundeetako teknikariek erreformak ebaluatuko dituzte", gaineratu du.
Eurotaldearen buruak troikarekin lankidetza "estuan" aritzeko eskatu dio Greziako Gobernuari, eta bere konpromisoa bete eta "akordioak atzera ez botatzeko eta alde bakarreko neurririk ez hartzeko" exijitu dio.
"Bi aste pasatu ditugu orain nor norekin bildu, non eta zein egiturarekin, eta erabateko denbora galtzea izan da", kritikatu du Dijsselbloemek. Greziako Gobernuak errefusatu egin zuen troikarekin negoziatzea, eta horrek galarazi egin du elkarrizketak hastea.
Eurotaldearen buruak berretsi du egin ditzaketela aldaketak Atenasi exijitu dizkioten neurrietan, eta Greziako Gobernuak neurri batzuk beste batzuekin ordezka ditzakeela, baina argi adierazi du aurrekontuarekin eta erreformekin hartutako konpromisoak bete behar dituela.
Dijsselbloemek esan du gaurko bileran Eurotaldeak ez duela eztabaidatu Greziaren finantzazio beharraren inguruan.
"Finantzazio beharretan denbora presiorik badago, ona izango litzateke prozesua bideratzea, baina ez da alderantziz gertatuko: ez ditugu laguntzak aurreratuko akordiorik ezean", berretsi du Eruotaldearen buruak.
Zure interesekoa izan daiteke
Polymarket: apustuen eta gerraren jokoa
Polymarket kripto-txanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak informazio pribilegiatuaren erabileraz ohartarazi du; eta adibide moduan jarri du Maduro noiz bahituko zuten zehaztasun osoz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.