EB aztertzen ari da Nepali babes ekonomikoa ematea
Europar Batasunak (EB) iragarri du aztertzen ari dela Nepali babes ekonomikoa helaraztea gaur, larunbatean, 7,9 graduko lurrikara "suntsitzaileak" 1.457 hildako eragin eta gero.
"Aztertuko dugu nola lagun diezaiokegun Nepali hondatutako eta kaltetutako eraikinen inguruan eta herritarrak nola babestu", esan dute Federica Mogherini EBko diplomaziako buruak, Neven Mimica Garapen ordezkariak eta Chirstos Stylianides Laguntza Humanitarioa eta Krisiei Erantzuteko departamentuen ordezkariek.
"Nepalera nolabaiteko babes ekonomikoa bidaltzea eztabaidatzen ari gara", EBko aipatutako hiru ordezkariek gaineratu dutenez.
Bestalde, Txinak 40 adituk osatutako talde bat bidaliko du, laguntza humanitarioa helarazteko, Askapeneko Herri Armadaren egunkari ofizialaren arabera.
Txinako taldeko kideak adituak dira nazioarteko erreskateetan, eta horren moduko operazioetarako hezita dauden sei txakurrek osatzen dute.
Halaber, Françoise Hollande Frantziako presidenteak elkartasuna helarazi dio Nepali eta, iragarri duenez, prest dago Nepalen laguntza eskaerari erantzuna emateko.
Kanpo Arazoetarako Ministerio frantziarrak, gaineratu duenez, krisi mahaia osatu du, hondamendia gertatu den inguruan egon litezkeen frantziarrei laguntzeko.
Israelek, horren ildotik, erreskate eta bilaketa taldeak, eta medikuak, bidaliko dituela iragarri du, hedabide israeldarren esanetan.
Taldeak berehala bidaltzea erabaki dute Israeleko agintariek, lurrikara izan den lekutik gertu bilaketa eta erreskate lanetan lagun dezaten.
Gainera, kanpaina-ospitale bat eraikiko du Katmandun, lurrikaran zauritutako lagunak artatzeko.
Ildo berean, AEBk hondamendiei aurre egiteko talde bat bidaliko dute Nepalera eta milioi bat dolarreko laguntza onartu dute, Jeremy Konyndyk Atzerriko Hondamendien Bulegoko zuzendariak berri eman duenez. Horren esanetan, diru laguntza ekonomikoa "berehalako beharrak" asetzeko erabiliko da.
Gobernu britainiarrak aditu talde bat bidaliko du Nepalera erreskate lanetan laguntzeko. Justine Greening Nazioarteko Lankidetza ministroaren arabera, zortzi adituz osatutako talde bat Nepalera abiatuko da gaur gauean eta Nepaleko agintariekin batera tragediaren neurria tamaina neurtuko dute.
Bestalde, Ban Ki-moon Nazio Batuen Erakundeko (NBE) idazkari nagusiak iragarri duenez, erakundea Nepali laguntzeko neurriak aztertzen ari da.
Zure interesekoa izan daiteke
Donald Trump eta bere azoka handia, protagonista nagusiak AEBen 250. urtebetetzean
Estatu Batuen Independentziaren Adierazpenaren 250. urteurrena ospatuko dute larunbatean, uztailaren 4an. Eta Donald Trumpek bere irudia goresteko erabiliko du urteurrena. Buruzagi errepublikanoak bere aurpegia daramaten oroitzapenezko txanponak egin ditu, eta National Mallen azoka handi bat antolatu du. Ekimenak noria erraldoi bat, garaipen-arku bat, rodeoak, hitzaldiak, su artifizialak eta hegazkin militarren erakustaldiak izango ditu. Azokak, hala ere, porrot egin du orain arte. Oso jende gutxi bertaratzen ari da, eta horrek indartu egin ditu kritikak. Salatzen dutenez, Trumpek ospakizun nazionala baliatu du bere irudia indartzeko.
3.000 lagun baino gehiago ebakuatu dituzte, Ipar Katalunian izandako sute baten ondorioz
Eskualdeko segurtasun zerbitzuek jakinarazi dutenez, gas-bonbona baten leherketak eragin du ezbeharra. Sugarrak berehala zabaldu dira, eta hiru kanpin eta kirol portu bat harrapatu dituzte.
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.
Lurrikaretatik astebetara, 2.295 hildako eta 11.200 zauritu baino gehiago zenbatu dituzte Venezuelan
Zazpi egun igaro diren arren, erreskate-taldeak ezin izan dira iritsi eroritako eraikin guztietara. Kasu askotan, senideak eta bizilagunak dira hondakinen artean lanean ari direnak, eta laguntza faltak eragindako haserrea zabaltzen hasi da.
Venezuelako polizia bat lurrikarak suntsitutako eraikinetatik dirua lapurtzen harrapatu duten unea
Lau polizia atxilotu dituzte astearte honetan Venezuelan, La Guairan eraitsitako eraikinen hondakinen artean "ondasun ekonomikoak" bereganatzea egotzita, bertako agintariek jakinarazi dutenez.
La Guairako portua gorputegi inprobisatu bihurtu da hildakoak identifikatzeko
Erreskate-lanek aurrera jarraitzen dute Venezuelan, baina gero eta pertsona gutxiago topatzen dituzte bizirik. Ospitaleetako gorputegiek gainezka egin dute eta, besteak beste, La Guairako portua gorputegi inprobisatu bihurtu da. Handik, Caracasera bidaltzen dituzte identifikatutako gorpuak.
Beste lurrikara bat izan da Venezuelan, 4,6 gradukoa
Jorge Rodriguez Venezuelako Parlamentuko presidenteak adierazi duenez, ez du kalterik eragin.
Gutxienez sei lagun hil dira Alemanian adingabeen zentro batean izandako tiroketa batean
Poliziak hainbat zauritu daudela ere jakinarazi du. Operazioan zehar hiru pertsona atxilotu dituzte; horietako bat tiroen ustezko egilea da. Agintarien arabera, tiroketa ustezko delitugilearen alabaren zaintzari buruzko liskar baten ondorioz izan da.
Venezuelako lurrikarak utzitako txikizioa, airetik ikusita
774 eraikin daude kaltetuta edo kolapsatuta, eta, horrek 12.721 familiari eragin die. Tokian nazioarteko 2.624 erreskatatzaile ari dira lanean, harrapatutakoak bilatu eta ateratzeko.
Dagoeneko 1.450 pertsona hil dira Venezuelan, lurrikaren ondorioz
Halaber, 3.150 pertsona zauritu dira, 774 eraikin daude kaltetuta edo kolapsatuta, eta, horrek, 12.721 familiari eragin die. Tokian nazioarteko 2.624 erreskatatzaile ari dira lanean, bizirik izan daitezkeen pertsonak bilatzeko.