Greziak ez dizkio 1.600 milioi euro itzuliko NDFri ekainean
Nikos Vutsis Greziako Barne ministroak adierazi du bere herrialdeak ez dizkiola Nazioarteko Diru Funtsari (NDF) zor dizkion 1.600 milioi euroak itzuliko ekainean; izan ere, orduan amaitzen da maileguaren lau zati itzultzeko epea.
"Ekainaren 5etik 19ra bitartean, 1.600 milioi euro itzuli behar zaizkio Nazioarteko Diru Funtsari. Ordainketa ez da egingo, ez baitago dirurik. Hori gauza jakina da, eta herrialdeari arnasa hartzea ahalbidetuko dion akordioa eztabaidatzen ari gara orain", esan du Vutsisek Mega telebista kateari eskainitako elkarrizketan.
Barne ministroak aitortu du gai batzuetan desadostasun handiak dituztela, baina azpimarratu du itun batek "arnasa" emango liokeela herrialdeari.
Soldatak eta pentsioak murriztea, lan merkatua liberalizatzea eta BEZa erreformatzea eskatzen diote erakundeek (Europako Batzordea, Europako Banku Zentrala eta Nazioarteko Diru Funtsa) Greziari, baina Tsiprasen gobernuak ez du horrelakorik onartu.
Oraingoz adostu dutenaz galdetuta, Vutsisek esan du itunak ez duela murrizketa gehiago ekarri behar.
Negoziazioen egutegiari dagokionez, elkarrizketak ekainaren bukaera edo uztailaren hasierara arte luzatu daitezkeela azpimarratu du.
Bigarren erreskatea ekainaren amaierara arte luzatzea adostu zuten otsailaren 20an Eurotaldeko herrialdeek eta Greziak, bitartean Tsiprasen gobernuak egin beharreko erreformak adosteko.
Bestalde, Greziako Barne ministroak azaldu du, adosten dutena adosten dutela, Greziako Parlamentuak bere oniritzia eman beharko diola, eta ez du baztertu erreferendum bat egitea.
Zure interesekoa izan daiteke
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".