'Chapo' Guzmanen ihesaldi aurreko uneak ikus daitezke bideo batean
Joaquín Guzmán Loera, 'Chapo', narkoa segurtasun goreneko Altiplano I presondegitik ihes egin aurreko uneak erakusten dituen bideo bat ezagutarazi zuen atzo Mexikoko Gobernuak. Agintariek azaldu zutenez, une oro "jarrera normala" azaldu zuen.
Monte Alejandro Rubidok, Mexikoko Segurtasuneko Batzorde Nazionalaren buruak, agertu zuen bideoa prentsaren aurrean. Bertan, 'Chapo' Guzman ikus daiteke ziega barruan batetik bestera ibiltzen, ohe gainean eseri eta oinetakoz aldatzen, eta dutxaren gunean makurtzen. Gune hori horma batek estaltzen du. Rubidok baieztatu zuenez, dutxa eta komuna dauden tokian "bi puntu itsu daude", pribatutasuna gordetzeko asmoz.
Azkenik, presoa, Sinaloako kartelaren burua, dutxa dagoen eremura hurbildu eta hormaren atzean berriro makurtzen dela ikus daiteke ; handik aurrera ez da berriz azaltzen.
"Ihesaldirako erabili zen tunela dutxaren atzean amaitzen da, eta, horren ondorioz, ezinezkoa izan zen presoaren aparteko ekintzarik antzematea ihes egin aurreko uneetan", azaldu zuen Rubidok.
Beste bi bideo ere aurkeztu zituen funtzionarioak: batean, zelda ikus daiteke ihesaldiaren unean bertan; bestean, alde egiteko erabili zuen kilometro eta erdiko tunela ikus daiteke. Tunel hori oraindik guztiz eraiki gabe dagoen etxe batean bukatzen da, espetxeko eremutik kanpo.
Halaber, presoak ihes egin ostean gauzatu ziren ekintzen berri ere eman zuen: besteak beste, indar federalen 700 kide autobideetako ordainguneetan kokatu ziren ihesbide horiek zaintzeko.
Horrez gain, gaineratu zuen Mexiko estatuko segurtasun-indar guztiak era koordinatuan lan egiten ari direla Guzmán Loera ahalik eta lasterren berriz preso hartzeko.
Zure interesekoa izan daiteke
Polymarket: apustuen eta gerraren jokoa
Polymarket kripto-txanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak informazio pribilegiatuaren erabileraz ohartarazi du; eta adibide moduan jarri du Maduro noiz bahituko zuten zehaztasun osoz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.