Nagasakik bakearen aldeko apustua berretsi du, erasotik 70 urtera
Nagasakiko hiri japoniarrak eraso nuklearra jasan zuenetik 70. urteurrena izan du gogoan, ekitaldi baten bidez. Agintariek, bertan, Japoniako Konstituzioaren izaera baketsua aldarrikatu dute, Gobernuak egin nahi duen erreformaren aurrean.
Bigarren Mundu Gerrako tragedia Bakearen Parkean gogoratu dute, Gobernu zentraleko eta hiriko ordezkari politikoek, 76 herrialderen ordezkariek eta 'hibakusha'k (AEBek jaurtitako bonbardaketa nuklearretatik bizirik irten ziren pertsonak dira).
Ekitaldia 11:02ean hasi da (02:02 GMT), alegia, 'Fat Man' bonba lehertu zen ordu berean. Minutu bateko isilunea egin dute, Bakearen Kanpaiaren hotsak -biktimen omenez- entzuten ziren bitartean.
Ondoren, Tomihisa Taue Nagasakiko alkateak hitza hartu du eta, bertan, nazioartearekin batera ekoizpen nuklearra geldiarazteko ahaleginak egin ditzala eskatu dio Gobernu zentralari. Halaber, Shinzo Abe Japoniako lehen ministroa egiten ari den Konstituzioaren interpretazioa kritikatu du.
"Askok galdetzen diote euren buruari ekimen hau ari ote den Japoniako printzipio baketsua -gerra baten parte hartzea galarazita daukate- urratzen", esan du alkateak Japoniako Konstituzioaren 9. artikulua dela eta.
"Ezin dugu inoiz printzipio hori aldera batera utzi, Japoniako oparotasuna hortik abiatu da. Ezin ditugu ahaztu gerrak utzi dizkigun oroitzapen lazgarriak", esan du Tauek "Bakearen aldeko Adierazpenean".
Abek eta bere Gobernuak oposizioaren kritikei eta herritarren desadostasunari aurre egin behar diete, Konstituzioaren artikulu baketsu horren interpretazio berria egiteagatik. 68 urtez lehen aldiz, AutoDefentsarako Indarrak (Armada) atzerrian aritzea eta aliatuak defendatzea ahalbidetuko du interpretazio horrek.
1945 urteko abuztuaren 6an egin zuen AEBk historia osoko lehen eraso nuklearra Hiroshimaren kontra eta, handik hiru egunera, bigarren bonba atomikoa jaurti zuen Nagasakiren aurka. Horrezkero, Janponiak atzera egin zuen abuztuaren 15ean eta Bigarren Mundu Gerra bukatu zen.
Bonba hiriaren iparraldean bota zuten, industria sarea kokatuta zegoen lekuan eta 74.000 hiritar hil zituen. Ondoren, hurrengo urteetan, milaka pertsona gehiago hil ziren erradiazioaren ondorioz.
Japoniako bi hiri horien kontrako eraso nuklearrak historia osoan gertatu diren bakarrak dira.
Aurreko martxoan, 183.519 hibakusha zeuden bizirik Japonian eta beste herrialdetan; 1980an, aldiz, ia bikoitza, 372.264.
>
Zure interesekoa izan daiteke
4,8 graduko lurrikara batek Venezuelako kostaldea astindu du
Lurrikararen epizentroa itsasoan kokatu da, Aragua estatuan, Caracasetik gertu. Inguruan sentitu ahal izan dute, baina dardarak ez du kalte materialik eragin.
Venezuelan desagertutako euskal jatorriko bi herritarren senideek itxaropenari eusten diote
Roxana Mendesek, Jon Sustacha Venezuelan desagertutako euskal ingeniariaren emazteak, ordu kritiko hauetan bizi duten desesperazioa helarazi du. Egoera biziki zaila izan arren, senideek ez dute desagertutako pertsonak bizirik topatzeko esperantza galtzen. Jon Sustacha bilbotarra eta Maria del Coro donostiarra dira desagertutako bi euskal herritarrak.
Dagoeneko 1.430 pertsona hil dira Venezuelako lurrikaretan
Erreskate taldeek lanean jarraitzen dute, atsedenik gabe, hondakinen artean harrapatuta geratu diren pertsonak bilatzeko, oraindik bizirik egon daitezkeelakoan.
Honela geratu da Venezuela lurrikaren ondorioz
Venezuelak bere historiako hondamendi natural handienetakoa jasan zuen asteazkenean. Kaosa areagotu da hainbat hiritan, eta kalte oso handiak eragin ditu; batez ere, La Guairan. Horrela geratu da Venezuela airetik ikusita.
Lurrikarek eragindako kaosa areagotu egin da La Guairan
La Guairako errepideak blokeatuta daude, eta, hori dela eta, sarbideak mugatzea erabaki du Venezuelako Gobernuak. Dena galdu ostean, kalean, kanpamentu inprobisatuetan ari dira bizirauten, senideekin komunikatu ezinik. Une honetan, premiazkoa da La Guairara iristeko bideak libre uztea, laguntza bertara irits dadin.
Erlojuaren aurka ari dira Venezuelan, lurrikarak izan ostean bizirik egon daitezkeenak erreskatatzeko
Nazioarteko lehen laguntza-taldeak eta baliabide logistikoak iristen eta zabaltzen hasi dira. Bitartean, hildakoen eta zaurituen kopuruak gora egiten jarraitzen du etengabe: azken datuen arabera, 1.000 inguru dira hildakoak eta 3.360 baino gehiago dira zauritutakoak.
AEBk Iran bonbardatu du, Ormuzko itsasartean itsasontzi batek erasoa jaso ostean
AEBk drone eta misil biltegien aurka egindako erasoek, beraz, arriskuan jarri dute itsasartea berriro irekitzeko akordioa, eta bake prozesuari buruzko negoziazioek kolokan jarraitzen dute.
Israelek eta Libanok bake akordioa lortu dute Estatu Batuen bitartekaritzarekin
Benjamin Netanyahuk iragarri duenez, Washingtonen lortutako akordioaren ostean, Libano hegoaldean dauden indar israeldarrak bi eremutatik erretiratuko dira. Hezbollah-ek, bere aldetik, ez du akordioa onartu.
Bi euskal herritar desagertuta daude Venezuelako lurrikaren ostean
Zehazki, emakume donostiar bat eta gizon bilbotar bat dira. Orduak igaro ahala, bizirik aurkitzeko aukerak murriztu egiten dira, baina senideek eta lagunek onik topatzeko itxaropenari eusten diote. Bestalde, atzo baieztatu zen Alazne Solabarrieta euskal jatorriko emakumea hil dela.
Emakume batek hondakinen artean izan du umea Venezuelan
Emakumea erreskatatzen ari zirenean hasi zen erditzen, kaosaren eta hondamendiaren erdian. Erreskate-taldeen lanari esker, ama eta jaioberria bizirik atera zituzten. Gertakari horrek itxaropena piztu du, tragediaren kontrapuntua baita; erreskate-taldeak erlojuaren aurka ari dira lanean, lurrikarak izan ostean hondakinen artean harrapatuta geratu diren pertsonak bizirik erreskatatzeko.