Desagertutako hegazkin indonesiarraren hondakinak aurkitu dituzte
Indonesiako Garraio Ministerioak baieztatu duenez, Papuan galdutako TGN267 hegazkinaren hondarrak aurkitu dituzte. Hegazkinak 54 bidaiari zeramatzan.
Izan ere, Papuako Poliziak baieztatu egin du astelehen honetan bilaketa eta erreskate hegazkin batek antza istripua izan zuen hegazkinaren hondarrak topatu dituela.
"Egia da, AMAren (Elkartutako Misioen Abiazioa) hegazkin batek hondarrak topatu ditu Oksop ur-jausiaren inguruetan", esan du Yunus Wally Bintang mendateen zuzendaritzako buruak. Gaineratu duenez, bilaketa taldeak prestaketa lanetan ari dira, hara joateko.
Aurretik, Oksibileko barrutian izandako balizko talka baten berriak jaso ditu Indonesiako Ministerioak, baso-zonalde batean, alegia. 'Kompas' eta 'Detik' tokiko webguneek jakinarazi dutenez, eguna argitu bezain laster, bilaketa-taldeak bertaratuko dira.
Oraindik ez dakite bizirik atera diren bidaiaririk dagoen.
Hegazkinaren arrastoa Papuako uhartean galduta zuten Indonesiako agintariek, iturri ofizialek jakinarazi dutenez. Trigana Air Service konpainiako helizedun ATR 42 modeloko hegazkina da, eta horren arrastoa galdu zuen kontrol-dorreak hegazkina aireratu eta 34 minutura.
Hegazkinak 49 bidaiari eta tripulazioko bost kide zeramatzan, eta Jayapurako aireportutik atera da arratsaldearen lehenengo orduan, Papuako probintzia indonesiarrean. Hegaldiaren helmuga Oksibileko udalerria zen, Pegunungan Bintangeko barrutian.
Indonesiako hegazkinak, kolokan
Indonesian azken hilabete eta erdian izandako bigarren hegazkin-istripua da oraingokoa. Lehenengo istripu hartan, ekainaren 30ean izandakoan, 141 lagun hil ziren Medango zonaldean, Ipar-Sumatrako probintziako hiriburuan, hegazkina behin aireratuta, handik gutxira behea jo zuenean.
Hegazkin guztiak aztertuko zituela hitzeman zuen orduan Joko Widodo Indonesiako presidenteak. Adituen aburuz, herrialde horretako hegazkinak zaharkituta geratu dira.
Zure interesekoa izan daiteke
Venezuelarekin elkartasunean bat egin du munduak, eta gobernu askok laguntza eskaini dute lurrikaren ostean
Albistearen berri izan orduko mundu osoko gobernu eta erakundeek babesa eta laguntza eskaini diete Venezuelako gobernuari eta herritarrei.
Venezuelako 7,2 eta 7,5 magnitudeko bi lurrikarek herrialdearen iparralde osoa astindu eta dozenaka hildako eragin dituzte
Venezuelako agintariek larrialdi egoera ezarri dute, 164 dira dagoeneko hildakoak eta ia mila zaurituak, nahiz eta kopurua nabarmen handitu daitekeen. Emakume euskaldun bat dago hildakoen artean. AEBko Zerbitzu Geologikoaren arabera, hildakoen kopurua 10.000 eta 100.000 artekoa izan liteke.
Euskal jatorria duen emakume bat, Venezuelako lurrikaran hildakoen artean
Hildakoa Alazne Solabarrieta zen, 65 urtekoa eta Bigarren Errepublika garaian Venezuelara ihes egin zuen alkate baten biloba. Senarra, euskal herritarra, zaurituta dago.
Agustin Otxotorena, Venezuelan bizi den euskal herritarra: "Egunak argitzen duenean, gauza latzak ikusiko ditugu"
Agustin Otxotorena Venezuelan bizi den euskaldunari elkarrizketa egin diote Egun Onen, bertan izan diren lurrikarak direla eta. Dioenez, hainbat eraikin erori dira, baina oraindik gaua da han, hortaz, ezin dute balantzerik egin oraindik.
Europa itolarrian, beroaren ondorioz
Kontinenteak egunak daramatza ezohiko tenperatura altuak jasaten. Beroari aurre egiteko egokituta ez dauden herrialdeak dira gehienak eta herritarrak ahal duten moduan ari dira egun hauek igarotzen. Okerrena, gainera, etortzeko dago herrialde horietan.
Brexitak irabazi eta 10 urtera, "rejoin": dimisioak, ekonomia ahula eta independentismoaren gorakada Erresuma Batuan
Hamarkada bat pasa da Erresuma Batua EBtik atera zenetik, eta tarte horretan Keir Starmer dimisioa emango duen seigarren lehen ministroa da; ekonomiak ez du suspertzea lortu, eta independentismoak indarra hartu du Eskozian, Galesen eta Ipar Irlandan.
Hurrengo bi hilabeetan Irango petrolioa saltzeko baimena eman du AEBk, negoziazioak ondo doazelako
Pakistanek eta Qatarrek, Burgenstocken (Suitza) egiten ari diren negoziazioetako bitartekariek, adierazi dutenez, lehenengo saioa "giro positiboan egin da" eta "aurrerapauso pozgarriak" izan dira.
Zergatik eman du dimisioa Keir Starmerrek? Hauek dira kolokan utzi zuten polemikak
Agintariaren dimisioaren ondorioz, Erresuma Batuak zazpigarren lehen ministroa izango du hamar urtean.
Keir Starmerrek Erresuma Batuko lehen ministro kargua utziko duela iragarri du
Ordezkoa bilatzeko prozesua uztailaren 9an hasiko da, eta egun horretatik aurrera hautagaitzak aurkeztu ahal izango dira alderdia zuzentzeko eta lehen ministro kargua lortzeko. Starmerrek adierazi du bere asmoa trantsizio ordenatu bat erraztea dela, eta erreleboa modu egonkorrean gertatzea.
Abelardo de la Espriella ultraeskuindarrak irabazi ditu Kolonbiako hauteskundeak, %1eko aldearekin
Hautagai ultraeskuindarrak 250.000 boto atera dizkio Ivan Cepeda ezkertiarrari bigarren itzuliko aurre-zenbaketan, eta oposizioak 33.000 mahai inpugnatu dituela iragarri du. Gustavo Petro presidenteak adierazi du oraindik ezin duela presidente berria izendatu.