Alemaniak baiezkoa eman dio Greziaren erreskateari
Alemaniako Parlamentuak (Bundestag) oniritzia eman dio asteazken honetan Greziaren hirugarren erreskateari. Gehiengo zabal batek (454 ordezkari) babestu du Alexis Tsiprasen gobernuak eta hartzekodunek abuztuaren 14an adostutako akordioa.
Espero zen bezala, kontserbadoreen artean erreskatearekin kritiko ziren ordezkari batzuek kontra edo zuri bozkatu dute. Dena dela, erreskate programa Greziarekin negoziatzen hasteko baimena bozkatu zenean kontrako boto gehiago izan ziren (119 izan ziren orduko hartan, eta 113 izan dira oraingoan). 18 boto zuri egon dira.
Osoko bilkura 09:00etan hasi da. Erreskate honen bidez, 86.000 milioi euro jasoko ditu herrialde heleniarrak, erreforma eta nerri fiskal gogorrak bultzatzearen truke; horietako 23.200 milioi Alemaniak jarriko ditu.
Wolfgang Schäuble Finantza ministroak ekin dio saioari, eta erreskatearen aldeko botoa eskatu du. Ministroak adierazi duenez, 86.000 milioi euroko laguntza hori ematea da Greziako ekonomia suspertzeko modu bakarra. Halere, ohartarazpena egin dio Syrizaren gobernuari: adostutako murrizketak "halabeharrez bete beharrekoak dira" euroan jarraitzeko.
"Azken urte eta hilabeteetako eskarmentuaren ondoren, ez dugu auzia ondo aterako den bermerik, eta logikoa da zalantzak edukitzea", aitortu du ministroak.
Schäuble, eztabaidaren une batean. Argazkia: EFE
Negoziazioetan aparteko zeresana izan du Alemaniako ministro honek, eta Grezia Eurogunetik kanporatzeko aukera ere babestu zuen duela hilabete.
Erreskateari, argi berdea
Euroguneko zazpi parlamentuen oniritzia eskuan, eta dena ondo bidean, Europako Egonkortasun Funtseko gobernadoreen batzordeak 86.000 milioi euroko erreskatea onartuko du arratsaldean. Telefono bidez egingo duten bilkura batean emango diote argi berdea akordioari, 19:00etan.
Adostutakoaren arabera, 26.000 milioi euroko lehen laguntza bat onartuko du gobernadoreen batzordeak, eta ostegunean bertan 13.000 milioi euro izango ditu Greziak eskudirutan. Hala, Europako Banku Zentralari zor dizkion 3.200 milioi euroak eta 2014ko uztailean jaso zuen maileguari dagozkion 7.160 milioi euroak itzultzeko modua izango du Tsiprasen gobernuak.
Horiekin batera, beste 10.000 milioi euro emango ditu funts horrek Greziako bankuak diruz hornitzeko.
Zure interesekoa izan daiteke
Trumpek esan du AEBk "5.000 militar baino askoz gehiago" erretiratuko dituela Alemaniatik
Bestalde, Iranek gerrarekin amaitzeko bidali dion plana laster aztertuko duela adierazi du.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.
Saif Abukeshek ekintzailea 'shock' egoeran dago eta gose greba hasi du
Global Sumud Flotillako ekintzaileak legez ordezkatzen dituen Israelgo Adalah erakundeak baieztatu du Shikmako atxilotze zentroan (Ashkelon hirian) daudela Thiago Avila brasildarra eta Saif Abukeshek. Bestalde, salatu du kartzelan daudenetik tratu txarrak jasaten ari direla bi ekintzaileak, bai eta "galdeketa ilegalak" ere.
Trumpek 5.000 soldadu estatubatuar erretiratuko ditu Alemaniatik
Boris Pistorius Alemaniako Defentsa ministroak adierazi du AEBk soldadu estatubatuarrak Alemaniatik partzialki erretiratzea aurreikus zitekeela, baina erabaki horrek “argi uzten du Europak ardura handiagoa hartu behar duela bere segurtasuna bermatzeko”. AEBko armadak 36.000 soldadu baino gehiago ditu bertan aktibo.
Trumpek amaitutzat eman du gerra, Kongresuari baimena eskatzea saihesteko
AEBko presidenteak ostiral honetan Kongresuari helarazitako gutun batean baieztatu du Ekialde Hurbileko erasoak "eten" egin direla, nahiz eta eskualdean indar militarrei eutsi eta Teheranekin dituen negoziazioak baketik urrun egon.
Trumpek merkataritza ituna urratzea leporatu dio EBri, eta autoen gaineko muga zerga % 25era igoko du
Europako Batzordeak gezurtatu egin ditu Estatu Batuetako presidenteak egindako salaketak, eta muga-zergen neurri berrien aurrean bere interesak babesteko "aukerak" zabalik dituela ohartarazi du.
Israelek atxilotutako Flotillako ekintzaileak Greziatik aberriratzen hasi dira
Bi ekintzaile, Saif Abukeshek jatorri palestinarreko espainiarra eta Thiago Avila brasildarra, atxikita ditu Israelek, eta Espainiako eta Brasilgo gobernuek berehala askatzeko eskatu dute.