Siriako oposizioa ez bonbardatzea eskatu dio EBk Errusiari
Europar Batasuneko Kanpo Ministroek Errusiari dei egin diote oposizio moderatuaren aurka Sirian egiten ari den bonbardaketak eten ditzan, eta nazioarteko koalizioarekin batera koordina ditzan Estatu Islamikoko (EI edo Daesh) terroristen aurkako eraso militarrak.
"Oraintsuko Errusiaren eraso militarrek (Daeshetik haratago doazenak eta oposizio moderatuaren aurkakoak direnak) ardura handia eragiten dute eta geratu egin behar dira", azpimarratu du EBko Ministroen Kontseiluak, gaur onartu dituen erabakietan.
Halaber, Daeshen aurkako ekintzek kide guztien artean hertsiki koordinatuta egon behar dutela ere esan dute Ministroek, eta "argi eta garbi" egon behar dutela zuzenduta talde terroristen aurka.
Gatazkaren konponbide politikoan Siriako presidenteak (Al Assad) izan behar duen paperari dagokionez, 28ek ez dute adostasunik lortu erregimen berri baterako trantsizio-prozesuan parte hartu behar duen ala ez.
Aldiz, bai uste dute etorkizunean herrialdean egongo den Gobernutik at egon behar duela Al Assad-ek: "Sirian ezin daiteke bake egonkorrik egon egungo buruen gidaritzarekin, eta Siriako gizartea osatzen duten talde guztien bidezko aldarrikapenak eta kexak kontuan hartzen diren arte".
"Al Assaden Gobernuari dagokio Gatazka horrek eragin dituen 250.000 heriotzen erantzukizun gehiena, eta baita lekuz aldatu beharra izan duten milioika pertsonen egoerarena ere", azpimarratu dute.
Kontrako iritziak Al Assaden paperarri buruz
"Al Assadek boterea utzi" behar duela argi uztea eskatzen dute Frantziak eta Erresuma Batuak, baina Al Assadek trantsizio prozesu batean parte hartzearen alde dago Londres. Paris, ostera, guztiz aurka agertu da, iturri diplomatikoen arabera.
Bestalde, Al Assad "konponbidearen parte" dela uste du Jose Manuel Garcia-Margallo Espainiako Atzerri ministroak. Margalloren hitzetan, gerra zibilari amaiera emateko Siriako presidentearekin negoziatzea "legitimoa" da. Gerra zibilak Estatu Islamikoari bakarrik mesede egiten diola erantsi du ministroak. "Hogei bat" estatu, Alemania tartean, uste berekoak dira, iturri diplomatikoen arabera.
"Al Assad presidenteak Siriaren etorkizunean paperik" ez duela argi dute estatu kideek, baina "sekuentzian desadostasunak" daude, hau da, "trantsizio fasean Al Assadek alde egitea edo fasearen amaieran alde" egin behar badu, iturri diplomatikoek azaldu dutenez. “Azken helburuan desadostasunik” ez dagoela berriro esan dute.
Europako Inteligentziaren ahotan, erasoen % 75 oposizioaren aurka egin ditu Errusiak, eta % 25 Estatu Islamikoaren kontra. Horrek Europar Batasuna kezkatzen du; izan ere, indar moderatuak erradikalizatu ditzake, al Nusra Frontearekin (Al-Qaida) bat egiteko arriskua areagotuz.
Zure interesekoa izan daiteke
Israelek eta Hezbollah miliziak su-etena adostu dute, Israelgo hainbat hedabideren arabera
Hala ere, oraingoz, egoerak ez du baretzeko itxurarik Libanon. Azken orduotan, gutxienez 18 pertsona hil eta 30 baino gehiago zauritu ditu Israelgo Armadak Libano hegoaldean egindako bonbardaketen ondorioz.
Frantziako justiziak Achraf Hakimi futbolaria epaituko du emakume bati sexu erasoa egitea leporatuta
Paris Saint-Germain taldeko jokalaria Marokoko selekzioarekin Munduko Kopan parte hartzen ari den bitartean, Versallesko Apelazio Auzitegiko instrukzio salak atzera bota du horren defentsak aurkeztutako helegitea, eta, ondorioz, akusatuen aulkian eseri beharko du 2023an emakume bati sexu erasoa egitea egotzita.
AEBk eta Iranek bertan behera utzi dituzte Suitzan itunaren inguruan egin behar zituzten elkarrizketak
Burgenstockeko bilera bertan behera utzi dute JD Vance ez delako bertara joan eta ez zegoelako argi Irango Gobernuaren ordezkaritza bertan izango zen, baina Washingtonek negoziazio teknikoetan aurrera egiteko asmoari eutsi dio.
Andy Burnham alkate laboristak eserleku bat lortu du, eta Starmerri aurre egin ahal izango dio
Makerfieldeko hauteskundeetan lortutako garaipenak Alderdi Laboristaren buruzagitza eskuratu eta Erresuma Batuko Gobernua gidatzeko bere asmoa indartu du.
Hauek dira Iranek eta Estatu Batuek adostutako akordioaren 14 puntuak
Ekialde Hurbileko gerrari amaiera emateko eta Ormuzko itsasartea desblokeatzeko akordioaren xehetasunak plazaratu dituzte Estatu Batuek. Akordioak atzeratu egiten ditu eztabaidagai delikatuenak, hala nola programa nuklearraren garapena.
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.