224 hildako, hegazkin errusiar batek Egipton istripua izan ondoren
Metrojet (Kogalymavia) konpainiako hegazkin errusiar bat, 224 bidaiari zituena (217 bidaiari, gehienak errusiarrak eta 7 tripulazioko kide) Egiptoko Sinai penintsulan erori da gaur Xarm el-Xeikh (Egipoto) herri turistikotik aireratu eta gutxira.
Errusiak Kairon duen enbaxadak Twitterreko bere kontu ofizialaren bidez baieztatu duenez, Kogalymavia 9628 hegaldian zeuden badiari guztiak hil egin dira. Horrez gain, Egiptoko Gobernuak baztertu egin du hegazkinaren hondarren artean istriputik bizirik atera ahal izan den pertsonarik aurkitzeko aukera, nahiz eta erreskate-lanek oraindik martxan dauden.
Aireontzia (Airbus A321-200) Xarm el-Xeikheko aireportutik San Petersburgorantz atera eta 23 minutura desagertu da, eta Sinai erdialdean dagoen basamortu itxurako eskualde menditsu batean. Hegazkina 1997an fabrikatu zuten, 56.000 hegaldi-ordu zituen eta ia 21.000 bidaia eginda.
Erreskate-taldeek orain arte 129 hilotz atera ahal izan dituzte, eta Kairora eraman. Egiptoko Gobernuak jakitera eman duenez, hegazkinean zihoazen 217 turistetatik 214 errusiarrak ziren eta 3 ukrainarrak, 132 emakume, 62 gizon eta 17 haur. Horrez gain tripulazioko zazpi kide ere hegazkinean zeuden, horiek ere errusiarrak.
Estatu Islamikoak hegazkina eraitsi izana aldarrikatu du
Hegazkineko kutxa beltzak ere aurkitu dituzte, eta horrek ezbeharraren nondik norakoak argitzea ahalbidetuko du, baina bai Egiptok, bai Errusiak baztertu egin dute eraso terrorista batean ondorioa izatea.
Haatik, Estatu Islamikoa talde jihadistak Egipton duen filialak (Wilayat Sina), Sinaiko probintzian barrena mugitzen denak, ohar baten bidez jakinarazi du beraiek izan direla hegazkina eraitsi dutenak, baina ezin izan da egiaztatu berorren egiazkotasuna.
Muturreko taldeak bideo bat zabaldu du, eta bideo horretan airean eztanda egiten duen bidaiari-hegazkin bat ikus daiteke, baina ez da agertzen gaur erori den hegazkina dela baieztatzen duen inongo probarik.
Egiptoko lehen ministroaren esanetan, "teknikoki ezin daiteke eraitsi altuera horretan hegaz egiten ari den hegazkin bat". Bitartean, ez da argitara eman Egiptoko agintariek egiten ari diren ikerketei buruzko informaziorik. Ikerketa horietan Errusiako adituak parte hartzeaz gain, Frantziakoak eta Alemaniakoak ere gaineratuko dira.
Bere aldetik, Air France hegazkin-konpainia frantsesak eta Lufthansa alemaniarrak Sinaiko penintsulatik ez igarotzea erabaki dute, jazoeraren inguruabarrak erabat argitzen direnera arte.
Kremlinek ikerketa egitea agindu du
Vladimir Putinek ikerketa-batzorde bat zabaltzea agindu du, eta hegazkinaren jabea den hegazkin-konpainiari (Kogalymavia) buruzko ikerketa kriminala egiteari ekin diote, arduragabekeria leporatuta.
Oraindik ez dago istripuaren azalpen ofizialek, baina momentuz baztertu egin da Sinain jarduten duten miliziarrek hegazkina bota izana. Une honetan indar gehien duen hipotesia ezbeharra hutsegite mekaniko bategatik gertatu dela da.
Putinek luto-eguna iragarri du biharko
Vladimir Putin Errusiako presidenteak luto-eguna iragarri du biharko, istripua izan duen hegazkineko biktimen omenez. Errusiako banderak erdiraino igoko dituzte bakarrik, eta hedabide nazionalek jarraipen berezia egingo diete dolu-erakuspenei.
Zure interesekoa izan daiteke
Gutxienez 74 hildako Kolonbian, 7,4 graduko lurrikara baten ondorioz
Hildakoen kopuru handiena Risaralda departamenduan izan da oraingoz, 40 pertsona hil baitira; Cauca haranean, aldiz, 27 eta lau Chocon, lurrikararen epizentroa. Bogotan, Calin, Popayanen, Manizalesen, Armenian, Medellinen eta erdialdeko eta mendebaldeko beste hiri batzuetan ere nabaritu dute.
Schengen eremua bermatuta dagoela esan dio Aagesenek Italiari
Espainiako Gobernuko presidenteordeak azpimarratu du Ceutan sartutako migratzaileetako bat ere ez dela penintsulara iritsi.
Israelek baztertu egin du Trumpen Gazarako 15 puntuko plana
Netanyahuk esan du Hamas erabat armagabetu arte Israelgo Armadak ez duela Gazatik alde egingo, eta baztertu egin du Palestinako Estatua sortzea.
Ebola kontrolik gabe zabaltzen ari da Kongoko Errepublika Demokratikoan eta 1.850 hildako eragin ditu jada
Inoiz izandako agerraldirik larrienak 4.053 kasu baieztatu ditu dagoeneko, eta MOEk "premiazko" erantzuna eskatu du.
Abelardo de la Espriellak Kolonbiako Presidentetza hartu du
Eskuin muturreko presidente berriak Cali aukeratu du inbestidurarako, Bogota hautatu beharrean, eta talde armatu ilegalekin elkarrizketari amaiera ematea eta legez kanpoko laboreak fumigatuko dituela iragarri du.
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.